[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Physiognomy](https://indike.org/pramana/in.astro.samudrika) › [Works attributed to sages and ancient authorities](https://indike.org/pramana/in.astro.samudrika.arsa) › [Angavidya](https://indike.org/pramana/in.astro.samudrika.arsa.angavidya) › 3 # Angavidya 3 Aṅgavidyā 3 - **Language:** Sanskrit ### [3.1](https://indike.org/pramana/in.astro.samudrika.arsa.angavidya.3.1) vacasā manasā yaśca dṛśyate kāryatatparaḥ karmaṇā viparītaśca sa śaṭhaḥ sadbhiriṣyate ### [3.2](https://indike.org/pramana/in.astro.samudrika.arsa.angavidya.3.2) śuśrūṣā śravaṇaṃ caiva grahaṇaṃ dhāraṇaṃ tathā ūhāpohārthavijñānaṃ tattvajñānaṃ ca dhīguṇāḥ ### [3.67](https://indike.org/pramana/in.astro.samudrika.arsa.angavidya.3.67) pārśvāyatā cirāyuṣamupariṣṭācceśvaraṃ gavāḍhyamadhaḥ śatapatrakarṇikābhā nābhirmanujeśvaraṃ kurute ### [3.98](https://indike.org/pramana/in.astro.samudrika.arsa.angavidya.3.98) vartulā vipulā'tyuccā nābhiryadi nareśvaraḥ alpā'dṛśyā tathā nimnā nābhiḥ kleśāvahā bhavet ### [3.99](https://indike.org/pramana/in.astro.samudrika.arsa.angavidya.3.99) valimadhyagatā yā ca sā śūlāvadhakāriṇī vāmāvartā śāṭhyabhāvaṃ dhiṣaṇāṃ ca pradakṣiṇā ### [3.100](https://indike.org/pramana/in.astro.samudrika.arsa.angavidya.3.100) pārśvāyatā dīrghajīvaṃ dhanayutā tathordhvagā adhogā bahulaṃ kuryānnābhirbhogasamanvitam ### [3.101](https://indike.org/pramana/in.astro.samudrika.arsa.angavidya.3.101) padmasya karṇikātulyā nābhiḥ kuryānnareśvaram ### [3.102](https://indike.org/pramana/in.astro.samudrika.arsa.angavidya.3.102) valīnāṃ lakṣaṇam śāstrāntaṃ strībhoginamācāryaṃ bahusutaṃ yathāsaṃkhyam eka-dvi-tri-caturbhirvalibhirvidyānnṛpaṃ tvavalim ### [3.103](https://indike.org/pramana/in.astro.samudrika.arsa.angavidya.3.103) viṣamavalayo manuṣyā: bhavantyagamyābhigāminaḥ pāpāḥ ṛjuvalayaḥ sukhabhājaḥ paradāradveṣiṇaścaiva ### [3.104](https://indike.org/pramana/in.astro.samudrika.arsa.angavidya.3.104) ekavaliḥ śastramṛtyuḥ strībhogī dvivaliḥ smṛtaḥ tribhirācārya ityāhuścaturbhiḥ syād bahuprajaḥ ### [3.105](https://indike.org/pramana/in.astro.samudrika.arsa.angavidya.3.105) avalistu nṛpaḥ prokto yajvā dānaikatatparaḥ viṣamā valayo yeṣu te ' narā duḥkhabhāginaḥ ### [3.106](https://indike.org/pramana/in.astro.samudrika.arsa.angavidya.3.106) pārśvalakṣaṇam māṃsalāmṛdubhiḥ pāśrvaiḥ pradakṣiṇāvartta romabhirbhūpāḥ viparītairnidravyāḥ sukhaparihīṇāḥ parapreṣyāḥ ### [3.107](https://indike.org/pramana/in.astro.samudrika.arsa.angavidya.3.107) kaṭerupari caturaṅgulo bhāgaḥ pāśrvaṃ śabdavācyaḥ māṃsalairmṛdbhiḥ pāśrvairdakṣiṇāvartaromabhiḥ narā bhūmyadhipā jñeyā viparītaiḥ suduḥkhitāḥ ### [3.108](https://indike.org/pramana/in.astro.samudrika.arsa.angavidya.3.108) cūcukalakṣaṇam subhagā bhavantyanudvaddha-cūcukā nirdhanā viṣamadīrghaiḥ pīnopacitanimnaiḥ kṣitiptayaḥ cūcukaiḥ sukhinaḥ ### [3.108-2](https://indike.org/pramana/in.astro.samudrika.arsa.angavidya.3.108-2) viṣame:-na same: viṣame:, dīrghe:-lambāyamānaḥ cūcukaḥ kṣitipatayaḥ=rājānaḥ sukhinaśca bhavanti ### [3.109](https://indike.org/pramana/in.astro.samudrika.arsa.angavidya.3.109) tathā ca samudraḥ:cūcukaṃścāpyanudbaddhaiḥ subhagāḥ sukhabhāginaḥ nirdhanā viṣamairdīrghairmagnairmāṃsayutairnṛpāḥ ### [3.110](https://indike.org/pramana/in.astro.samudrika.arsa.angavidya.3.110) hṛdayalakṣaṇam hṛdayaṃ samunnataṃ pṛthu na vepanaṃ māṃsalaṃ ca nṛpatīnām viparītamadhamānāṃ khara-roma-citasirālaṃ ca ### [3.111](https://indike.org/pramana/in.astro.samudrika.arsa.angavidya.3.111) tathā ca samudraḥ:— acalaṃ pṛthumuccaṃ ca nṛpāṇāṃ hṛdayaṃ smṛtam viparītaṃ sirālaṃ ca romaśaṃ duḥkhabhāginam ### [3.112](https://indike.org/pramana/in.astro.samudrika.arsa.angavidya.3.112) vakṣolakṣaṇam samavakṣaso'rthavantaḥ pīnaiḥ śūrā hyakiñcanāstanubhiḥ viṣamaṃ vakṣo yeṣāṃ te niḥsvāḥ śastranidhanāśca ### [3.113](https://indike.org/pramana/in.astro.samudrika.arsa.angavidya.3.113) arthavān samavakṣāḥ syāt pīnaiḥ śūrā dhanānvitāḥ alpaiśca vikalā dīnā viṣamāḥ śastramṛtyavaḥ ### [3.114](https://indike.org/pramana/in.astro.samudrika.arsa.angavidya.3.114) jatrulakṣaṇam viṣamairviṣamo jatrubhirarthavihīno'sthisandhipariṇaddhaiḥ unnatajatrubhogī nimnairniḥsvo'rthavān pīnaiḥ ### [3.115](https://indike.org/pramana/in.astro.samudrika.arsa.angavidya.3.115) jatrubhirviṣamaiḥ krūrā daridrāḥ krūrasandhibhiḥ bhogī connatajatruḥ syānnimnairniḥsvo'nyathā dhanī ### [3.116](https://indike.org/pramana/in.astro.samudrika.arsa.angavidya.3.116) grīvā-pṛṣṭhalakṣaṇam cipiṭagrīvo niḥsvaḥ śuṣkā saśirā ca yasya vā grīvā mahiṣagrīvaḥ śūraḥ śastrānto vṛṣasamagrīvaḥ ### [3.117](https://indike.org/pramana/in.astro.samudrika.arsa.angavidya.3.117) kambugrīvo rājā pralambakaṇṭhaḥ prabhakṣaṇo bhavati pṛṣṭhamabhagnamaromaśamarthavatāmaśubhadamato'nyat ### [3.118](https://indike.org/pramana/in.astro.samudrika.arsa.angavidya.3.118) grīvā ca vartulā yasya sa naro dhanavān smṛtaḥ kambugrīvā narā ye tu rājānaste na saṃśayaḥ ### [3.119](https://indike.org/pramana/in.astro.samudrika.arsa.angavidya.3.119) dīrghagrīvā narā ye tu te'pi duḥkhasya bhāginaḥ bakagrīvā narā ye te dāmbhikāḥ piśunāstathā ### [3.120](https://indike.org/pramana/in.astro.samudrika.arsa.angavidya.3.120) niḥsvastu cipaṭagrīvaḥ śuṣkagrīvastathaiva ca śūrastu mahiṣagrīvaḥ śastrānto vṛṣakandharaḥ ### [3.121](https://indike.org/pramana/in.astro.samudrika.arsa.angavidya.3.121) asnigdhaṃ māṃsalaṃ pṛṣṭhamabhagnaṃ cātha romaśam sadhanānāṃ viparyastaṃ nirdhanānāṃ prakīrtitam ### [3.122](https://indike.org/pramana/in.astro.samudrika.arsa.angavidya.3.122) strasvedana pīnonnata-sugandhi-sama-roma-saṃkulāḥ kakṣāḥ¹ vijñātavyā dhanināmato'nyathārthavihīnānām ### [3.123](https://indike.org/pramana/in.astro.samudrika.arsa.angavidya.3.123) tathā ca samudraḥ= niḥsveda-māṃsalāḥ kakṣāḥ romasaṃkulāḥ dhanināṃ tu vijānīyānnirdhanānāmatonyathā ### [3.124](https://indike.org/pramana/in.astro.samudrika.arsa.angavidya.3.124) aṃsalakṣaṇam nirmāṃsau romacitau bhagnāvalpau ca nirdhanasyāṃsau vipulāvapyucchinnau suśliṣṭau saukhyavīryavatām ### [3.125](https://indike.org/pramana/in.astro.samudrika.arsa.angavidya.3.125) tathā ca samudraḥkadalītambhasaṃkāśā ajaskandhāśca ye narāḥ rājānaste hi vijñeyā mahākośā mahābalāḥ ### [3.126](https://indike.org/pramana/in.astro.samudrika.arsa.angavidya.3.126) nirmāṃsaromabahulā nidhanasya prakīrtitāḥ bāhulakṣaṇam karikarasadṛśau vṛttāvājānulambinau samau pīnau bāhū pṛthivīśānāmadhanānāṃ romaśau hrasvau ### [3.127](https://indike.org/pramana/in.astro.samudrika.arsa.angavidya.3.127) tathā ca samudraḥ:— udbaddhabāhuḥ puruṣo vadhabandhamavāpnuyāt dīrghabāhurbhavedrājā samudravacanaṃ yathā ### [3.128](https://indike.org/pramana/in.astro.samudrika.arsa.angavidya.3.128) pralambabāhuraiśvaryaṃ prāpnuyād guṇasaṃyutam hrasvabāhurbhaved dāsaḥ parapreṣakarastathā ### [3.129](https://indike.org/pramana/in.astro.samudrika.arsa.angavidya.3.129) vāmāvartabhujā ye tu ye ca dīrghabhujā narāḥ samānabāhavo ye tu rājānaste prakīrtitāḥ ### [3.130](https://indike.org/pramana/in.astro.samudrika.arsa.angavidya.3.130) hastāṃgulayo dīrghāścirāyuṣāmavalitāśca subhagānām medhāvināṃ ca sūkṣmāścipiṭāḥ parakarmaniratānām ### [3.131](https://indike.org/pramana/in.astro.samudrika.arsa.angavidya.3.131) sthūlābhirghanarahitā bahirnatābhiśca śastraniryāṇāḥ kapisadṛśakarā dhanino vyāghropamapāṇayaḥ pāpāḥ ### [3.132](https://indike.org/pramana/in.astro.samudrika.arsa.angavidya.3.132) maṇibandhalakṣaṇam anyadapyāha— maṇibandhanairnigūḍhairdṛḍhaiśca suśliṣṭasandhibhirbhūpāḥ hīnairhastacchedāḥ ślathaiḥ saśabdaiśca nirdravyāḥ ### [3.133](https://indike.org/pramana/in.astro.samudrika.arsa.angavidya.3.133) anyadapyāha— pitṛvittena vihīnā bhavanti nimnena karatalena narāḥ saṃvṛttanimnairdhaninaḥ prottānakarāśca dātāraḥ ### [3.134](https://indike.org/pramana/in.astro.samudrika.arsa.angavidya.3.134) tuṣasadṛśanakhāḥ klībāścipaṭaiḥ sphuṭitaiśca vittasaṃtyaktāḥ kunakhavivarṇāḥ paratarkāśca tāmraiśca bhūpatayaḥ ### [3.135](https://indike.org/pramana/in.astro.samudrika.arsa.angavidya.3.135) anyadapyāha— aṃguṣṭhayavairāḍhacāḥ sutavanto'guṣṭhamūlajaiśca yavaiḥ dīrghāṅguliparvāṇaḥ subhagā dīrghāyuṣaścaiva ### [3.136](https://indike.org/pramana/in.astro.samudrika.arsa.angavidya.3.136) anyadapyāha— snigdhā nimnā rekhā dhanināṃ tadviparyayeṇa niḥsvānām viralāṅgulayo niḥsvā dhanasañcayino ghanāṅgulayaḥ ### [3.137](https://indike.org/pramana/in.astro.samudrika.arsa.angavidya.3.137) anyadapyāha— tisro rekhā maṇibandhanotthitāḥ karatalopagā nṛpateḥ mīnayugśāṅkitapāṇirnityaṃ satraprado bhavati ### [3.138](https://indike.org/pramana/in.astro.samudrika.arsa.angavidya.3.138) vajrākārā dhanināṃ vidyābhājāṃ ca mīnapucchanibhāḥ śaṅkhātapatraśivikāgajāśvapadmopamā nṛpateḥ ### [3.139](https://indike.org/pramana/in.astro.samudrika.arsa.angavidya.3.139) kalaśamṛṇālapatākāṅkuśopamābhirbhavanti nidhipālāḥ dāmanibhābhiścāḍhyāḥ svastikarūpābhiraiśvaryam ### [3.140](https://indike.org/pramana/in.astro.samudrika.arsa.angavidya.3.140) cakrāsiparaśutomaraśaktidhanuḥkuntasannibhā rekhāḥ kurvanti cāmūnāthaṃ yajvānaṃ mūsalolūkhalākārāḥ ### [3.140-2](https://indike.org/pramana/in.astro.samudrika.arsa.angavidya.3.140-2) tā rekhāḥ kurvanti ### [3.141](https://indike.org/pramana/in.astro.samudrika.arsa.angavidya.3.141) makara-dhvaja-koṣṭhāgārasannibhābhirmahādhanopetāḥ | ॰ vedīnibhena caivāgnihotriṇo brahmatīrthena ### [3.142](https://indike.org/pramana/in.astro.samudrika.arsa.angavidya.3.142) vāpīdevakulādacairdharmaṃ kurvanti ca trikoṇābhiḥ aṃguṣṭhamūle rekhāstu putrāḥ syurdārikā sūkṣmāḥ ### [3.143](https://indike.org/pramana/in.astro.samudrika.arsa.angavidya.3.143) rekhā pradeśinigā śatāyuṣāṃ kalpanīyamūnābhiḥ chinnābhirdrumapatanaṃ bahurekhārekhino niḥsvāḥ ### [3.144](https://indike.org/pramana/in.astro.samudrika.arsa.angavidya.3.144) cibuka-adhara-daśanānāṃ lakṣaṇāni pratikṛśadīrghaiścibukairnirdravyā māṃsalairdhanopetāḥ bimbopamairavakrairadharairbhūpāḥ tanubhirasvāḥ ### [3.145](https://indike.org/pramana/in.astro.samudrika.arsa.angavidya.3.145) oṣṭhaiḥ sphuṭitavikhaṇḍitavivarṇarūkṣaiśca dhanaparityaktāḥ snigdhā ghanāśca daśanāḥ sutīkṣṇadaṃṣṭrāḥ samāśca śubhāḥ ### [3.146](https://indike.org/pramana/in.astro.samudrika.arsa.angavidya.3.146) tathā ca samudraḥ:— nirmāṃsaiścibukairdīrghairnirdravyāścānuvācinaḥ samāṃsalairdhanopetā bahuputrasamāvṛtāḥ ### [3.147](https://indike.org/pramana/in.astro.samudrika.arsa.angavidya.3.147) raktādharo narapatirdhanavān kamalādharaḥ sthūloṣṭho bahulomā ca śuṣkaiḥ kṣīṇaiśca duḥkhitaḥ ### [3.148](https://indike.org/pramana/in.astro.samudrika.arsa.angavidya.3.148) uttaroṣṭhairlohitaiśca dhaninaḥ saukhyasaṃyutāḥ khaṇḍairvivarṇairnirdravyāḥ rūkṣairduḥkhasamanvitāḥ ### [3.149](https://indike.org/pramana/in.astro.samudrika.arsa.angavidya.3.149) kundakuḍmalasaṅkāśaiḥ prakārairdaśanairnṛpāḥ ṛkṣavānaradantāśca nityaṃ kṣutparipīḍitāḥ ### [3.150](https://indike.org/pramana/in.astro.samudrika.arsa.angavidya.3.150) hastidantāḥ kharadantāḥ snigdhadantā guṇānvitāḥ karālairviṣamairdīrghairdaśanairduḥkhajovinaḥ ### [3.151](https://indike.org/pramana/in.astro.samudrika.arsa.angavidya.3.151) dvātriṃśaddantā rājāno ekonaścāpi bhogavān triṃśaddantā narā ye syuste sukhaduḥkhabhāginaḥ ### [3.152](https://indike.org/pramana/in.astro.samudrika.arsa.angavidya.3.152) ekonatriṃśaddaśanāḥ puruṣā duḥkhajīvinaḥ aṣṭāviṃśaddatā yeṣāṃ te'tiduḥkhasya bhājanāḥ ### [3.153](https://indike.org/pramana/in.astro.samudrika.arsa.angavidya.3.153) jihvā raktā dīrghā ślakṣṇā susamā ca bhogino jñeyā śvetā kṛṣṇā paruṣā nidram̐vyāṇāṃ tathā tālu ### [3.154](https://indike.org/pramana/in.astro.samudrika.arsa.angavidya.3.154) kṛṣṇā jihvā bhaved yasya samalā yadi vā bhavet sa pāpavān bhavenmartyo rūkṣā sthūlā'tha vā bhavet ### [3.155](https://indike.org/pramana/in.astro.samudrika.arsa.angavidya.3.155) śvetajihvā narā jñeyāḥ śaucācāravivarjitāḥ padmapatrasamā jihvā sūkṣmā dīrghā suśobhanā ### [3.156](https://indike.org/pramana/in.astro.samudrika.arsa.angavidya.3.156) na sthūlā nātivistīrṇā yeṣāṃ te manujādhipāḥ nimnā dīrghā ca hrasvā ca raktāgrarasanā yadi sarvavidyāpravaktā'sau bhavennāstyatra saṃśayaḥ ### [3.157](https://indike.org/pramana/in.astro.samudrika.arsa.angavidya.3.157) kṛṣṇatālurnaro yastu sa bhavet kulanāśanaḥ vikṛtaḥ sphuṭito yasya tālustasya na śobhanaḥ ### [3.158](https://indike.org/pramana/in.astro.samudrika.arsa.angavidya.3.158) siṃhatālurnarapatiḥ gajatālustathaiva ca padmatālurbhaved rājā śvetatāluśca nirdhanaḥ ### [3.159](https://indike.org/pramana/in.astro.samudrika.arsa.angavidya.3.159) vaktraṃ saumyaṃ saṃvṛttamamalaṃ ślakṣṇaṃ samaṃ ca bhūpānām viparītaṃ kleśabhujāṃ durbhagāṇāṃ mahāmukham ### [3.160](https://indike.org/pramana/in.astro.samudrika.arsa.angavidya.3.160) saumyaṃ ca saṃvṛtaṃ vaktramamalaṃ yasya dehinaḥ mahārājo bhavennityaṃ viparīte tu nirdhanaḥ ### [3.161](https://indike.org/pramana/in.astro.samudrika.arsa.angavidya.3.161) mukhalakṣaṇam strīmukhamanapatyānāṃ śāṭhyavatāṃ maṇḍalaṃ parijñeyam dīrghaṃ nirdravyāṇāṃ bhīrumukhāḥ pāpakarmiṇaḥ ### [3.162](https://indike.org/pramana/in.astro.samudrika.arsa.angavidya.3.162) dhūrtānāṃ caturasraṃ nimnaṃ vaktraṃ ca tanayarahitānām kṛpaṇānāmatihrasvaṃ sampūrṇabhogināṃ kāntam ### [3.163](https://indike.org/pramana/in.astro.samudrika.arsa.angavidya.3.163) strīmukhaṃ nirapatyānāṃ maṇḍalaṃ śāṭhyasevinām dīrghaṃ mukhaṃ ca viprāṇāṃ bhīruvaktrā durāśayāḥ ### [3.164](https://indike.org/pramana/in.astro.samudrika.arsa.angavidya.3.164) caturasra tu dhūrtānāṃ nimnaiḥ sutavivarjitāḥ kṛpaṇānāṃ tathā hrasvaṃ cipiṭaṃ parajīvinām ### [3.165](https://indike.org/pramana/in.astro.samudrika.arsa.angavidya.3.165) yanmukhaṃ māṃsalaṃ snigdhaṃ saprabhaṃ priyadarśanam varṇāḍhyaṃ sandhiviśliṣṭaṃ ajasraṃ sukhabhāginām ### [3.166](https://indike.org/pramana/in.astro.samudrika.arsa.angavidya.3.166) śmaśrulakṣaṇam asphuṭitāgraṃ snigdhaṃ śmaśru śubhaṃ mṛdu ca sannataṃ caiva raktaiḥ paruṣaiścaurāḥ śmaśrubhiralpairvijñeyāḥ ### [3.167](https://indike.org/pramana/in.astro.samudrika.arsa.angavidya.3.167) tathā ca samudraḥ:— snigdhamasphuṭitāgraṃ ca sannataṃ śmaśru ceṣyate raktairalpaistathā rūkṣaiḥ śmaśrubhistaskarāḥ smṛtāḥ ### [3.168](https://indike.org/pramana/in.astro.samudrika.arsa.angavidya.3.168) karṇalakṣaṇam nirmāṃsaiḥ karṇaiḥ pāpamṛtyavaścarpaṭaiḥ subahubhogāḥ kṛpaṇāśca hrasvakarṇāḥ śaṃkuśravaṇāścamūpatayaḥ ### [3.169](https://indike.org/pramana/in.astro.samudrika.arsa.angavidya.3.169) romaśakarṇā dīrghāyuṣaśca dhanaśālino vipulakarṇāḥ krūrāḥ śirāvanaddhairvyālambairmāṃsalaiḥ sukhinaḥ ### [3.170](https://indike.org/pramana/in.astro.samudrika.arsa.angavidya.3.170) tathā ca samudraḥ:-hrasvakarṇā mahābhogā mahākarṇāśca ye narāḥ āvartakarṇā dhaninaḥ snigdhakarṇāstathaiva ca ### [3.171](https://indike.org/pramana/in.astro.samudrika.arsa.angavidya.3.171) dīrghāyuṣaḥ śaṅkukarṇāstruṭitakarṇā mahādhanāḥ sukhānvitā dīrghakarṇā lambakarṇāstapasvinaḥ ### [3.172](https://indike.org/pramana/in.astro.samudrika.arsa.angavidya.3.172) nirmāṃsaḥ pāpamaraṇāścipiṭā bhogino narāḥ dīrghāyuṣo lomakarṇā dhanino vipulāḥ smṛtāḥ ### [3.173](https://indike.org/pramana/in.astro.samudrika.arsa.angavidya.3.173) śirāvanaddhairviṣamā māṃsalaiḥ sukhabhāginaḥ ### [3.174](https://indike.org/pramana/in.astro.samudrika.arsa.angavidya.3.174) bhogī tvanimnagaṇḍo mantrī sampūrṇamāṃsagaṇḍo yaḥ sukhabhāk śukasamanāsaścirajīvī śuṣkanāsaśca ### [3.175](https://indike.org/pramana/in.astro.samudrika.arsa.angavidya.3.175) chinnānurūpayāgamyāgāmino dīrghayā tu saubhāgyam ākuñcitayā caurāḥ strīmṛtyuḥ syāccipiṭanāsaḥ ### [3.176](https://indike.org/pramana/in.astro.samudrika.arsa.angavidya.3.176) dhanino'gravakranāsā dakṣiṇāvanatāḥ prabhakṣaṇāḥ krūrāḥ ṛjvī svalpacchidrā supuṭā nāsā subhāgyānām ### [3.177](https://indike.org/pramana/in.astro.samudrika.arsa.angavidya.3.177) śukanāsaḥ saukhyabhogī śukanāsā cirāyuṣaḥ chinnānurūpā puṃsāṃ syānnāsā te'gamyagāminaḥ ### [3.178](https://indike.org/pramana/in.astro.samudrika.arsa.angavidya.3.178) dīrghanāsā bhogayuktā agravaktā dhanānvitāḥ krūrā dakṣiṇavakrāśca spaṣṭanāsā nṛpottamāḥ ### [3.179](https://indike.org/pramana/in.astro.samudrika.arsa.angavidya.3.179) strīmṛtyuracarpaṭābhiśca kuṭilābhiśca taskarāḥ ### [3.179-2](https://indike.org/pramana/in.astro.samudrika.arsa.angavidya.3.179-2) capeṭābhiḥ=cipiṭābhiḥ strīmṛtyuḥ=striyā mṛtyuḥ bhavati, kuṭilābhiḥ= vakrābhi: nāsābhiśca puruṣāḥ taskarā bhavanti ### [3.180](https://indike.org/pramana/in.astro.samudrika.arsa.angavidya.3.180) dhanināṃ kṣutaṃ sakṛd dvitripiṇḍitaṃ hādi sānunādaṃ ca dīrghāyuṣāṃ prasaktaṃ vijñeyaṃ saṃhitaṃ caiva ### [3.181](https://indike.org/pramana/in.astro.samudrika.arsa.angavidya.3.181) sakṛt kṣutaṃ bhogavatāṃ dvirdhanāya cirāyuṣām triścaturbhoganāśāya paramasmāt tu doṣajam ### [3.182](https://indike.org/pramana/in.astro.samudrika.arsa.angavidya.3.182) padmadalābhairnetrairdhanino raktāntavilocanāḥ śriyo bhājaḥ madhupigalairmahārthā mārjāravilocanaiḥ pāpāḥ ### [3.183](https://indike.org/pramana/in.astro.samudrika.arsa.angavidya.3.183) hariṇākṣā maṇḍalalocanāśca jihmāṃśca locanaiścaurāḥ krūrāḥ kekaranetrā gajasadṛśavilocanāśca bhūpatayaḥ ### [3.184](https://indike.org/pramana/in.astro.samudrika.arsa.angavidya.3.184) aiśvaryaṃ gambhīrairnīlotpalakāntibhiśca vidvāṃsaḥ atikṛṣṇatārakāṇāmakṣaṇāmutpāṭanaṃ bhavati ### [3.185](https://indike.org/pramana/in.astro.samudrika.arsa.angavidya.3.185) mantritvaṃ sthūladṛśāṃ śyāvā ca bhavati saubhāgyam dīnā dṛk niḥsvānāṃ snigdhā vipulārthabhogavatām ### [3.186](https://indike.org/pramana/in.astro.samudrika.arsa.angavidya.3.186) tathā ca samudraḥ:— same gokṣīravarṇābhe raktānte kṛṣṇatārake prasanne ca viśāle ca snigdhe caivāyate śubhe ### [3.187](https://indike.org/pramana/in.astro.samudrika.arsa.angavidya.3.187) atasīpuṣpasaṃkāśe bhavetāṃ yasya locane nṛpatiḥ sa tu vijñeyaḥ samudravacanaṃ yathā ### [3.188](https://indike.org/pramana/in.astro.samudrika.arsa.angavidya.3.188) vyāghracakṣurghanairyuktāḥ kekarākṣāḥ kalipriyāḥ viḍālahaṃsavarṇāśca bhavanti puruṣādhamāḥ ### [3.189](https://indike.org/pramana/in.astro.samudrika.arsa.angavidya.3.189) mayūranakulākṣāśca narāste madhyamāḥ smṛtāḥ na śrīstyajati sarvatra puruṣaṃ madhupiṅgalam ### [3.190](https://indike.org/pramana/in.astro.samudrika.arsa.angavidya.3.190) rājyapiṅgalanetrāśca rājāno bhogasaṃyutāḥ locanā haritābhāśca gajapiṅgā dhaneśvarāḥ ### [3.191](https://indike.org/pramana/in.astro.samudrika.arsa.angavidya.3.191) balavanto guṇopetāḥ pṛthivyāṃ cakravartinaḥ taptahāṭakavarṇābhe bhavetāṃ yasya locane ### [3.192](https://indike.org/pramana/in.astro.samudrika.arsa.angavidya.3.192) nṛpatiḥ sa tu vijñeyaḥ samudravacanaṃ yathā ### [3.193](https://indike.org/pramana/in.astro.samudrika.arsa.angavidya.3.193) netraspandanalakṣaṇam dvimātraspandino ye tu dhaninaste prakīrtitāḥ trimātraspandino jñeyāḥ puruṣāḥ sukhajīvinaḥ ### [3.194](https://indike.org/pramana/in.astro.samudrika.arsa.angavidya.3.194) caturmātranimeṣaśca dhanavān parikīrtitaḥ dīrghāyuṣo dharmaratāḥ pañcamātranimeṣiṇaḥ ### [3.195](https://indike.org/pramana/in.astro.samudrika.arsa.angavidya.3.195) bhrūlakṣaṇam abhyunnatābhiralpāyuṣo viśālonnatābhiratisukhinaḥ viṣamabhruvo daridrā bālendunatabhruvaḥ sādhanāḥ ### [3.196](https://indike.org/pramana/in.astro.samudrika.arsa.angavidya.3.196) dīrghāsaṃsaktābhirdhaninaḥ khaṇḍābhirarthaparihīṇāḥ madhyavinatabhruvo ye te saktāḥ strīṣvagamyāsu ### [3.197](https://indike.org/pramana/in.astro.samudrika.arsa.angavidya.3.197) tathā ca samudraḥ:— abhyunnatābhiḥ svalpāyurviśālābhiḥ sukhānvitāḥ madhyonnatā bhruvo ye ca pāpasaktāśca te narāḥ ### [3.198](https://indike.org/pramana/in.astro.samudrika.arsa.angavidya.3.198) bālendubhrūsamāścāḍhyā daridrā viṣamabhruvaḥ asaṃlagnabhruvo ye tu dhaninaste narāḥ smṛtāḥ ### [3.198-2](https://indike.org/pramana/in.astro.samudrika.arsa.angavidya.3.198-2) khaṇḍābhirnirdhanā jñeyā viṣamābhirnarādhamāḥ ### [3.199](https://indike.org/pramana/in.astro.samudrika.arsa.angavidya.3.199) ka unnatavipulaiḥ śaṅkhairdhanino nimnaiḥ sutārthasantyaktāḥ viṣamalalāṭā vidhanā dhanavanto'rdhendusadṛśena ### [3.200](https://indike.org/pramana/in.astro.samudrika.arsa.angavidya.3.200) śuktiviśālairācāryatā śirāsantatairadharmaratāḥ unnatasirābhirāḍhyāḥ svastikavat saṃsthitābhiśca ### [3.201](https://indike.org/pramana/in.astro.samudrika.arsa.angavidya.3.201) nimnalalāṭā vadhabandhabhāginaḥ krūrakarmaniratāśca abhyunnataiśca bhūpāḥ kṛpaṇāḥ syuḥ saṃvṛttalalāṭāḥ ### [3.202](https://indike.org/pramana/in.astro.samudrika.arsa.angavidya.3.202) tathā ca samudraḥ:— lalāṭenārdhacandreṇa bhavanti pṛthivīśvarāḥ vipulena lalāṭena mahādhanayutā smṛtāḥ ### [3.203](https://indike.org/pramana/in.astro.samudrika.arsa.angavidya.3.203) viṣameṇādhamā jñeyāḥ pāpāḥ martyā śirātatāḥ nimnena tu lalāṭena krūrakarmaratā narāḥ ### [3.204](https://indike.org/pramana/in.astro.samudrika.arsa.angavidya.3.204) abhyunnataiśca bhūpāḥ syuḥ saṃvṛttaiḥ kṛpaṇāḥ smṛtāḥ ### [3.205](https://indike.org/pramana/in.astro.samudrika.arsa.angavidya.3.205) ruditalakṣaṇam ruditamadīnamanaśru snigdhaṃ ca śubhāvahaṃ manuṣyāṇām rūkṣaṃ dīnaṃ pracurāśru caiva na śubhapradaṃ puṃsām ### [3.206](https://indike.org/pramana/in.astro.samudrika.arsa.angavidya.3.206) tathā ca samudraḥ:-adīnā'naśrusahitaṃ snigdhaṃ ca ruditaṃ śubham rūkṣaṃ dīnaṃ vāṣpayutaṃ puruṣāṇāmaniṣṭadam ### [3.207](https://indike.org/pramana/in.astro.samudrika.arsa.angavidya.3.207) hasitalakṣaṇam hasitaṃ śubhadamakampaṃ sanimīlitalocanaṃ tu pāpasya duṣṭasya hasitamasakṛt, sonmādasyāsakṛt prānte ### [3.208](https://indike.org/pramana/in.astro.samudrika.arsa.angavidya.3.208) tathā ca samudraḥ:-hasitaṃ kamparahitaṃ nṛpāṇāmanyathā'śubham asakṛddoṣayuktasya mīlitākṣasya cāśubham ### [3.206-2](https://indike.org/pramana/in.astro.samudrika.arsa.angavidya.3.206-2) lalāṭa-rekhālakṣaṇam tisro rekhāḥ śatajīvināṃ lalāṭāyatāḥ sthitā yadi tāḥ catasṛbhiravanīśatvaṃ navatiścāyuḥ samaṃ cābdāḥ ### [3.210](https://indike.org/pramana/in.astro.samudrika.arsa.angavidya.3.210) vicchinnābhiścāgamyagāmino navatirapyarekheṇa keśāntopagatābhirelekhābhiraśītivarṣāyuḥ ### [3.211](https://indike.org/pramana/in.astro.samudrika.arsa.angavidya.3.211) pañcabhirāyuḥ saptatirekāgrāvasthitābhirapi ṣaṣṭiḥ bahurekheṇa śatādhaṃ catvāriṃśacca vakrābhiḥ ### [3.212](https://indike.org/pramana/in.astro.samudrika.arsa.angavidya.3.212) bhrūlagnābhistriṃśad viṃśatiko vāmabhāgavakrābhiḥ kṣudrābhiḥ svalpāyurnyūnābhiścāntare kalpyam ### [3.213](https://indike.org/pramana/in.astro.samudrika.arsa.angavidya.3.213) rekhāḥ pañca lalāṭe tu yasyā'sau dhanavān smṛtaḥ śataṃ jīvati varṣāṇāmaiśvaryamadhigacchati ### [3.214](https://indike.org/pramana/in.astro.samudrika.arsa.angavidya.3.214) catūrekho hyaśītistu tribhiḥ saptatireva ca ṣaṣṭirdvābhyāṃ tu rekhābhyāṃ catvāriṃśat tathaikayā ### [3.215](https://indike.org/pramana/in.astro.samudrika.arsa.angavidya.3.215) arekheṇa lalāṭena bhavanti nidhipālakāḥ rekhācchede tu vijñeyāḥ pāpakarmaratā narāḥ ### [3.216](https://indike.org/pramana/in.astro.samudrika.arsa.angavidya.3.216) alpāyuṣtastathā'lpāsu vyādhiyuktāśca te sadā ### [3.217](https://indike.org/pramana/in.astro.samudrika.arsa.angavidya.3.217) triśūlaṃ paṭṭiśaṃ vāpi lalāṭe yasya dṛśyate aiśvaryaṃ tasya vijñeyaṃ senānāṃ nāyakaśca saḥ ### [3.218](https://indike.org/pramana/in.astro.samudrika.arsa.angavidya.3.218) śirolakṣaṇam parimaṇḍalairgavāḍhayāḥ chatrākāraiḥ śirobhiravanīśāḥ cipiṭaiḥ pitṛmātṛghnāḥ karotiśirasāṃ cirānmṛtyuḥ ### [3.219](https://indike.org/pramana/in.astro.samudrika.arsa.angavidya.3.219) ghaṭamūrdhā'dhvaruci dvimastakaḥ pāpakṛd ghanaissayuktaḥ nimnaṃ tu śiro mahatāṃ bahunimnamanarthadaṃ bhavati ### [3.220](https://indike.org/pramana/in.astro.samudrika.arsa.angavidya.3.220) tathā ca samudraḥ:-utkrāntido nimnaśiraḥ alpopahata eva ca chatrākāraśirā rājā gavāḍhyaḥ parimaṇḍalaḥ viṣamaṃ tu daridrāṇāṃ śiro dīrghaṃ cirāyuṣām ### [3.220-2](https://indike.org/pramana/in.astro.samudrika.arsa.angavidya.3.220-2) nāgakumbhaśirā rājā samaṃ sarvatra bhoginaḥ ### [3.221](https://indike.org/pramana/in.astro.samudrika.arsa.angavidya.3.221) ka keśalakṣaṇāni adhunā mūrdhajalakṣaṇamāha— ekaikabhavaiḥ snigdhaiḥ kṛṣṇairākuñcitairabhinnāgraiḥ mṛdubhirna cāti bahubhiḥ keśaiḥ sukhabhāk narendro vā ### [3.222](https://indike.org/pramana/in.astro.samudrika.arsa.angavidya.3.222) bahumūlaviṣamakapilāḥ sthūlasphuṭitāgraparuṣahrasvāśca atikuṭilāścātighanāścātimūrdhajā vittahīnānām ### [3.223](https://indike.org/pramana/in.astro.samudrika.arsa.angavidya.3.223) ekaikasambhavāḥ snigdhāḥ kṛṣṇā nātighanāḥ kacāḥ pūjitāḥ, viparītāśca nirdhanānāṃ prakīrtitāḥ ### [3.224](https://indike.org/pramana/in.astro.samudrika.arsa.angavidya.3.224) tathā ca gargaḥ:— caturdaśasamadvandvaicatuḥkṛṣṇaicatuḥsamaḥ daśapadmo daśabṛhat triśuklaḥ śasyate naraḥ ### [3.225](https://indike.org/pramana/in.astro.samudrika.arsa.angavidya.3.225) pādau gulphau sphicau pārśvavṛṣaṇau cakṣuṣī stanau kaṇṭhoṣṭhau vaṃkṣaṇau jaṃghe hastau bāhū ca kukṣikau ### [3.226](https://indike.org/pramana/in.astro.samudrika.arsa.angavidya.3.226) caturdaśasamadvandvaṃ samudro nṛṣu śaṃsati akṣitāre bhruvau śmaśruḥ keśāścaivāsitāḥ śubhāḥ ### [3.227](https://indike.org/pramana/in.astro.samudrika.arsa.angavidya.3.227) aṅgulyo hṛdayaṃ netre daśanāśca samā nṛṇām catvāraḥ sampraśasyante madaiśvaryasukhāvahāḥ ### [3.228](https://indike.org/pramana/in.astro.samudrika.arsa.angavidya.3.228) jihvoṣṭhaṃ tālurāsyaṃ ca mukhaṃ netre stanau nakhāḥ hastau pādau ca śasyante padmābhā daśa dehinām ### [3.229](https://indike.org/pramana/in.astro.samudrika.arsa.angavidya.3.229) pāṇipādamuro grīvā vṛṣaṇau hṛdayaṃ śiraḥ lalāṭamudaraṃ pṛṣṭhaṃ bṛhantaḥ pūjitā daśa ### [3.230](https://indike.org/pramana/in.astro.samudrika.arsa.angavidya.3.230) netre tārāvirahite daśanāśca sitāḥ śubhāḥ etacca lakṣaṇaṃ kṛtsnaṃ narāṇāṃ samudāhṛtam ## Linked texts (6) - [Bṛhatsaṃhitā (another edition)](https://indike.org/pramana/in.astro.samhita.rsi.brhatsamhita*alt.16.23) — Sanskrit - [Bhaviṣyapurāṇa](https://indike.org/pramana/in.purana.bhavisya.3.26.26) — Vyāsa, Sanskrit - [Sāmudrika (Garga)](https://indike.org/pramana/in.astro.samudrika.arsa.samudrika.1.27) — Garga, Sanskrit - [Vīramitrodaya](https://indike.org/pramana/in.astro.hora.nibandha.other.viramitrodaya.1.p87) — Rāmamiśra, Sanskrit - [Sāmudrikarahasya](https://indike.org/pramana/in.astro.samudrika.nibandha.samudrikarahasya.1.24) — Kālikāprasāda, Sanskrit - [Avayavalakṣaṇaśāstra](https://indike.org/pramana/in.astro.samudrika.arsa.avayavalaksanasastra.1.130) — Samudra, Sanskrit --- Source: [https://indike.org/pramana/in.astro.samudrika.arsa.angavidya.3](https://indike.org/pramana/in.astro.samudrika.arsa.angavidya.3) · Pramāṇa