[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Physiognomy](https://indike.org/pramana/in.astro.samudrika) › [Works attributed to sages and ancient authorities](https://indike.org/pramana/in.astro.samudrika.arsa) › [Angavidya](https://indike.org/pramana/in.astro.samudrika.arsa.angavidya) › 4 # Angavidya 4 Aṅgavidyā 4 - **Language:** Sanskrit ### [4.1](https://indike.org/pramana/in.astro.samudrika.arsa.angavidya.4.1) vanitāṃgānāṃ lakṣaṇaviśeṣaḥ skanda uvāca— sadā gṛhī sukhaṃ bhuṃjate yadi strī lakṣaṇairyutaḥ ataḥ sukhasamṛddhacarthamādau lakṣaṇamīkṣayet ### [4.2](https://indike.org/pramana/in.astro.samudrika.arsa.angavidya.4.2) strīlakṣaṇa-bhūmikā vapurāvartagandhāśca chāyā sattvaṃ svaro matiḥ varṇaścedaṣṭadhā proktā budhairlakṣaṇabhūmikā ### [4.3](https://indike.org/pramana/in.astro.samudrika.arsa.angavidya.4.3) āpādatalamārabhya yāvanmaulirahaṃ kramāt śubhāśubhāni vakṣyāmi lakṣaṇāni mune ! śṛṇu ### [4.4](https://indike.org/pramana/in.astro.samudrika.arsa.angavidya.4.4) ādau pādatalaṃ rekhāstato'ṅguṣṭhāṃgulīnakhāḥ pṛṣṭhaṃ gulphadvayaṃ pārṣṇijaṃghe romāṇi jānuno ### [4.5](https://indike.org/pramana/in.astro.samudrika.arsa.angavidya.4.5) ūrukaṭitanitambasphig bhago jaghanavastike nābhiḥ kukṣidvayaṃ pārśvodaramadhyavalitrayam ### [4.6](https://indike.org/pramana/in.astro.samudrika.arsa.angavidya.4.6) romālī hṛdayaṃ vakṣo vakṣojadvayacūcukam jatru skandhāṃsakakṣo dormaṇibandhakaradvayam ### [4.7](https://indike.org/pramana/in.astro.samudrika.arsa.angavidya.4.7) pāṇipṛṣṭhaṃ pāṇitalaṃ rekhā'ṅguṣṭhāṃgulī-nakhāḥ pṛṣṭiḥ kṛkāṭikā-kaṃṭha cibukaṃ ca hanudvayam ### [4.8](https://indike.org/pramana/in.astro.samudrika.arsa.angavidya.4.8) kapolau vaktramadharottaroṣṭhāṃ dvija-jihvikā ghaṭikā tālu hasitaṃ nāsikā kṣutamakṣiṇī ### [4.6-2](https://indike.org/pramana/in.astro.samudrika.arsa.angavidya.4.6-2) yoṣitaḥ śubhāṅgānāṃ saṅkhyā pakṣmabhrūkarṇabhālāni maulisīmantamaulijāḥ ṣaṣṭiṣaḍuttarā yoṣidaṃgalakṣaṇasatkhaniḥ ### [4.10](https://indike.org/pramana/in.astro.samudrika.arsa.angavidya.4.10) strīṇāṃ pādavalaṃ snigdhaṃ māṃsalaṃ mṛdulaṃ samam asvedamūṣṇamaruṇaṃ bahubhogocitaṃ smṛtam ### [4.11](https://indike.org/pramana/in.astro.samudrika.arsa.angavidya.4.11) rūkṣaṃ vivarṇaṃ paruṣaṃ khaṇḍitaṃ pratibimbakam śūrpākāraṃ viśuṣkaṃ ca duḥkhadaurbhāgyasūcakam ### [4.12](https://indike.org/pramana/in.astro.samudrika.arsa.angavidya.4.12) cakra-svastika-śaṅkha-abja-dhvaja-mīnātapatravat yasyāḥ pādatale rekhā sā bhavet kṣitipāṅganā ### [4.13](https://indike.org/pramana/in.astro.samudrika.arsa.angavidya.4.13) bhavedakhaṇḍabhogā yo‍rdhvamadhyāṃgulisaṃyutā rekhā''khusarpakākābhā duḥkhadāridryasūcikā ### [4.14](https://indike.org/pramana/in.astro.samudrika.arsa.angavidya.4.14) pādāṃguṣṭhalakṣaṇam unnato māṃsaloṃ'guṣṭho vartulo'tulabhogadaḥ vakro hrasvaśca cipaṭaḥ sukhasaubhāgyabhañjakaḥ ### [4.15](https://indike.org/pramana/in.astro.samudrika.arsa.angavidya.4.15) pādāṃgulilakṣaṇam vidhavā vipulena syād dīrghāṅguṣṭhena durbhagā mṛdavo'ṅgulayaḥ śastāḥ ghanā vṛttāḥ samunnatāḥ ### [4.16](https://indike.org/pramana/in.astro.samudrika.arsa.angavidya.4.16) dīrghāṅgulībhiḥ kulaṭā kṛśābhiratinirdhanā hrasvāyuṣyā ca hrasvābhirbhugnābhirbhugnavartinī ### [4.17](https://indike.org/pramana/in.astro.samudrika.arsa.angavidya.4.17) cipiṭābhirbhaved dāsī viralābhirdaridriṇī parasparaṃ samārūḍhāḥ pādāṃgulyo bhavanti hi ### [4.18](https://indike.org/pramana/in.astro.samudrika.arsa.angavidya.4.18) hatvā bahūnapi patīn parapreṣyā tadā bhavet yasyāḥ pathi samayāntyā rajo bhūmeḥ samucchalet sā pāṃsulā prajāyeta kulatrayavināśinī ### [4.19](https://indike.org/pramana/in.astro.samudrika.arsa.angavidya.4.19) yasyāḥ kaniṣṭhikā bhūmiṃ na gacchantyāḥ parispṛśet sā nihatya patiṃ yoṣit dvitīyaṃ kurute patim ### [4.20](https://indike.org/pramana/in.astro.samudrika.arsa.angavidya.4.20) pranāmikā ca madhyā yasyā bhūmiṃ na saṃspṛśet patidvayaṃ nihatyādyā dvitīyā ca patitrayam ### [4.21](https://indike.org/pramana/in.astro.samudrika.arsa.angavidya.4.21) patihīnatvakāriṇyau hīne te dve ime yadi pradeśinī bhaved yasyāḥ aṃguṣṭhād vyatirekinī ### [4.22](https://indike.org/pramana/in.astro.samudrika.arsa.angavidya.4.22) kanyaiva kulaṭā sā syādeṣa eva viniścayaḥ ### [4.23](https://indike.org/pramana/in.astro.samudrika.arsa.angavidya.4.23) snigdhāḥ samunnatāstāmrā vṛttā pādanakhāḥ śubhāḥ rājñītvasūcakaṃ strīṇāṃ pādapṛṣṭhaṃ samunnatam ### [4.24](https://indike.org/pramana/in.astro.samudrika.arsa.angavidya.4.24) asvedamasirādyaṃ ca masṛṇaṃ mṛdumāṃsalam daridrā madhyabhagnena śirālena sadādhvagā ### [4.25](https://indike.org/pramana/in.astro.samudrika.arsa.angavidya.4.25) gulphalakṣaṇam romāḍhyena bhaved dāsī nirmāṃsena ca durbhagā gūḍhau gulphau śivāyoktāvasirālau suvartulau ### [4.26](https://indike.org/pramana/in.astro.samudrika.arsa.angavidya.4.26) pārṣṇilakṣaṇam sthūlapuṭau śithilau dṛśyau syātāṃ daurbhāgyasūcakau samapārṣṇiḥ śubhā nārī pṛthupārṣṇiśca durbhagā ### [4.27](https://indike.org/pramana/in.astro.samudrika.arsa.angavidya.4.27) kulaṭonnatapārṣṇiḥ syād dīrghapārṣṇiśca duḥkhabhāk romahīne same snigdhe yajjaṃghe kramavartule ### [4.28](https://indike.org/pramana/in.astro.samudrika.arsa.angavidya.4.28) sā rājapatnī bhavati viśire sumanohare ### [4.29](https://indike.org/pramana/in.astro.samudrika.arsa.angavidya.4.29) ekaromā rājapatnī dviromā ca sukhāvahā triromā romakūpeṣu bhaved vaidhavyaduḥkhabhāk ### [4.30](https://indike.org/pramana/in.astro.samudrika.arsa.angavidya.4.30) vṛttaṃ piśitasaṃlagnaṃ jānuyugmaṃ praśasyate nirmāṃsaṃ svairacāriṇyā daridrāyāśca viślatham ### [4.30-2](https://indike.org/pramana/in.astro.samudrika.arsa.angavidya.4.30-2) parapuruṣaṃ carati yā sā svairacāriṇī tasyāḥ, viślatham-apuṣṭaṃ ca jānuyugmaṃ daridrāyāḥ bhavati ### [4.31](https://indike.org/pramana/in.astro.samudrika.arsa.angavidya.4.31) ūrulakṣaṇam viśiraiḥ karabhākārairūrubhirmasṛṇairghanaiḥ suvṛttaiḥ romarahitairbhaveyurbhūpavallabhāḥ ### [4.32](https://indike.org/pramana/in.astro.samudrika.arsa.angavidya.4.32) vaidhavyaṃ romaśairūrutaṃ daurbhāgyaṃ cipiṭairapi madhyacchidrairmahāduḥkhaṃ dāridracaṃ kaṭhinatvacaiḥ ### [4.33](https://indike.org/pramana/in.astro.samudrika.arsa.angavidya.4.33) kaṭilakṣaṇam caturbhiraṅgulaiḥ śastā kaṭirviṃśatisaṃyutaiḥ samunnatanitambāḍhyā caturasrā mṛgīdṛśām ### [4.34](https://indike.org/pramana/in.astro.samudrika.arsa.angavidya.4.34) vinatā cipiṭā dīrghā nirmāṃsā saṃkaṭā kaṭiḥ hasvā romayutā nāryā duḥkhavaidhavyasūcikā ### [4.35](https://indike.org/pramana/in.astro.samudrika.arsa.angavidya.4.35) nitambalakṣaṇam nitambabimbo nārīṇāmunnato māṃsalaḥ pṛthuḥ mahābhogāya samproktastadanyo'śarmaṇe mataḥ ### [4.36](https://indike.org/pramana/in.astro.samudrika.arsa.angavidya.4.36) sphiglakṣaṇam kapitthaphalavad vṛttau mṛdulau māṃsalau ghanau sphicau valivinirmuktau ratisaukhyavivardhanau ### [4.37](https://indike.org/pramana/in.astro.samudrika.arsa.angavidya.4.37) yonilakṣaṇam śubhaḥ kamaṭhapṛṣṭhābho gajaskandhopamo bhagaḥ vāmonnatastu kanyājaḥ putrajo dakṣiṇonnataḥ ### [4.38](https://indike.org/pramana/in.astro.samudrika.arsa.angavidya.4.38) ākhuromā gūḍhamaṇiḥ suśliṣṭaḥ saṃhataḥ pṛthuḥ tuṅgaḥ kamalavarṇābhaḥ śubho'śvatthadalākṛtiḥ ### [4.39](https://indike.org/pramana/in.astro.samudrika.arsa.angavidya.4.39) kuraṃgakhurarūpo yaśculikodarasannibhaḥ romaśo vivṛtāsyaśca dṛśyanāso'ti durbhagaḥ ### [4.40](https://indike.org/pramana/in.astro.samudrika.arsa.angavidya.4.40) śaṃkhāvarto bhago yasyā sā garbhamiha necchati cipiṭaḥ kaparākāraḥ kikirīpadado bhagaḥ ### [4.41](https://indike.org/pramana/in.astro.samudrika.arsa.angavidya.4.41) vaṃśavetasapatrābho gajaromoccanāsikaḥ vikaṭaḥ kuṭilākāro lambagallastathā'śubhaḥ ### [4.42](https://indike.org/pramana/in.astro.samudrika.arsa.angavidya.4.42) jaghanalakṣaṇam bhagasya bhālaṃ jaghanaṃ vistīrṇaṃ tuṅgamāṃsalam mṛdulaṃ mṛduromāḍhyaṃ dakṣiṇāvartamīḍitam ### [4.43](https://indike.org/pramana/in.astro.samudrika.arsa.angavidya.4.43) vāmāvartaṃ ca nirmāṃsaṃ bhugnaṃ vaidhavyasūcakam saṃkaṭasthapuṭaṃ rūkṣaṃ jaghanaṃ duḥkhadaṃ sadā ### [4.44](https://indike.org/pramana/in.astro.samudrika.arsa.angavidya.4.44) vastilakṣaṇam vastiḥ praśastā vipulā mṛdvī ca stokamunnatā romaśā ca śirālā ca rekhāṅkā naiva śobhanā ### [4.45](https://indike.org/pramana/in.astro.samudrika.arsa.angavidya.4.45) nābhilakṣaṇam gambhīradakṣiṇāvartā nābhiḥ syāt sukhasampade vāmāvartā samuttānā vyaktagranthirna śobhanā ### [4.46](https://indike.org/pramana/in.astro.samudrika.arsa.angavidya.4.46) kukṣilakṣaṇam sūte sutān bahūnnārī pṛthukukṣī sukhāspadam kṣitīśaṃ janayet putraṃ maṇḍūkābhena kukṣiṇā ### [4.47](https://indike.org/pramana/in.astro.samudrika.arsa.angavidya.4.47) valilakṣaṇam unnatena valībhājā sāvartenāpi kukṣiṇā vandhyā pravrajitā dāsī kramād yoṣā bhavediha ### [4.48](https://indike.org/pramana/in.astro.samudrika.arsa.angavidya.4.48) pārśvalakṣaṇam samaiḥ samāṃsalairmṛdubhiryoṣinmagnāsthibhiḥ śubhaiḥ pārśvaiḥ saubhāgyasukhayornidhānaṃ syādasaṃśayam ### [4.49](https://indike.org/pramana/in.astro.samudrika.arsa.angavidya.4.49) yasya dṛśyaśire pārśve unnate romasaṃyute nirapatyā ca duḥśīlā sā bhaved duḥkhaśevadhiḥ ### [4.50](https://indike.org/pramana/in.astro.samudrika.arsa.angavidya.4.50) udareṇātitucchena visireṇa mṛdutvacā yoṣid bhavati bhogāḍhyā nityaṃ miṣṭānnasevinī ### [4.51](https://indike.org/pramana/in.astro.samudrika.arsa.angavidya.4.51) kumbhākāraṃ daridrāyāḥ jaṭharaṃ ca mṛdaṅgavat kūṣmāṇḍābhaṃ yavābhaṃ ca duṣpūraṃ jāyate striyāḥ ### [4.52](https://indike.org/pramana/in.astro.samudrika.arsa.angavidya.4.52) suviśālodarī nārī nirapatyā ca durbhagā pralambajaṭharā hanti śvaśuraṃ cāpi devaram ### [4.53](https://indike.org/pramana/in.astro.samudrika.arsa.angavidya.4.53) romāvalilakṣaṇam madhyakṣāmā ca subhagā bhogāḍhyā savalitrayā ṛjvī tanvī ca romālī yasyāḥ sā śarmanarmabhūḥ ### [4.54](https://indike.org/pramana/in.astro.samudrika.arsa.angavidya.4.54) kapilā kuṭilā sthūlā vicchinnā romarājikā caurya-vaidhavya-daurbhāgyaṃ vidadhyādiha yoṣitām ### [4.55](https://indike.org/pramana/in.astro.samudrika.arsa.angavidya.4.55) hṛdayalakṣaṇam nirlomaṃ hṛdayaṃ yasyāḥ samaṃ nimnatvavarjitam aiśvaryaṃ cāpyavaidhavyaṃ priyaprema samālabhet ### [4.56](https://indike.org/pramana/in.astro.samudrika.arsa.angavidya.4.56) vistīrṇahṛdayā yoṣā puṃścalī nirdayā tathā udvinnaromahṛdayā patiṃ hanti viniścitam ### [4.57](https://indike.org/pramana/in.astro.samudrika.arsa.angavidya.4.57) śraṣṭādaśāṅgulatatpuraḥ pīvaramunnatam sukhāya, duḥkhāya bhaved romaśaṃ viṣamaṃ pṛthu ### [4.58](https://indike.org/pramana/in.astro.samudrika.arsa.angavidya.4.58) kucalakṣaṇam ghanau vṛttau dṛḍhau pīnau samau śastau payodharau sthūlāgrau viralau śuṣkau vāmorūṇāṃ na śarmadau ### [4.59](https://indike.org/pramana/in.astro.samudrika.arsa.angavidya.4.59) dakṣiṇonnatavakṣojā putriṇī tvagraṇī matā vāmonnatakucā sūte kanyāṃ saubhāgyasundarīm ### [4.60](https://indike.org/pramana/in.astro.samudrika.arsa.angavidya.4.60) araghaṭṭaghaṭītulyau kucau dauḥśīlyasūcakau pīvarāsyau sāntarālau pṛthūpāntau na śobhanau ### [4.61](https://indike.org/pramana/in.astro.samudrika.arsa.angavidya.4.61) mūle sthūlau kramakṛśāvagre tīkṣṇau payodharau sukhadau pūrvakāle tu paścādatyantaduḥkhadau ### [4.62](https://indike.org/pramana/in.astro.samudrika.arsa.angavidya.4.62) cūcukalakṣaṇam sadṛśaṃ cūcukayugaṃ śyastaṃ śyāmaṃ suvartulam antarmagnaṃ ca dīrghaṃ ca kṛśaṃ kleśāya jāyate ### [4.63](https://indike.org/pramana/in.astro.samudrika.arsa.angavidya.4.63) jatrulakṣaṇam pīvarābhyāṃ ca jatrubhyāṃ dhanadhānyanidhirvadhūḥ ilathāsthibhyāṃ ca nimnābhyāṃ viṣamābhyāṃ daridriṇī ### [4.64](https://indike.org/pramana/in.astro.samudrika.arsa.angavidya.4.64) skandhalakṣaṇam abaddhāvanatau skandhāvadīrghāvakṛśau śubhau vakrau sthūlau ca romāḍhyau preṣya-vaidhavyasūcakau ### [4.65](https://indike.org/pramana/in.astro.samudrika.arsa.angavidya.4.65) nigūḍhasandhī srastāgrau śubhāvaṃsau susaṃhatau vaidhavyadau samuccāgrau nirmāṃsāvatiduḥkhadau ### [4.66](https://indike.org/pramana/in.astro.samudrika.arsa.angavidya.4.66) kakṣayoḥ lakṣaṇam kakṣe susūkṣmarome ca tuṃge snigdhe ca māṃsale śaste, na śaste gambhīre sirāle svedamedure ### [4.67](https://indike.org/pramana/in.astro.samudrika.arsa.angavidya.4.67) bhujālakṣaṇam syātāṃ doṣau tu nirdoṣau gūḍhāsthigranthikomalau visirau ca viromāṇau saralau hariṇīdṛśām ### [4.68](https://indike.org/pramana/in.astro.samudrika.arsa.angavidya.4.68) vaidhavyaṃ sthūlaromāṇau hasvau daurbhāgyasūcakau parikleśāya nārīṇāṃ paridṛśyasirau bhujau ### [4.69](https://indike.org/pramana/in.astro.samudrika.arsa.angavidya.4.69) hastalakṣaṇam ambhojamukulākāram aṣṭāṃgulisammukham hastadvayaṃ mṛgākṣīṇāṃ bahubhogāya jāyate ### [4.70](https://indike.org/pramana/in.astro.samudrika.arsa.angavidya.4.70) pāṇitalalakṣaṇam mṛdumadhyonnataṃ raktaṃ talaṃ pāṇyorarandhrakam praśastaṃ śastarekhāḍhyamalparekhaṃ śubhaśriyam ### [4.71](https://indike.org/pramana/in.astro.samudrika.arsa.angavidya.4.71) vidhavā bahurekheṇa virekheṇa daridriṇī bhikṣukī tu sirāḍhyena nārī karatalena vai ### [4.72](https://indike.org/pramana/in.astro.samudrika.arsa.angavidya.4.72) viromaṃ visiraṃ śastaṃ pāṇipṛṣṭhaṃ samunnatam vaidhavyaheturomāḍhyaṃ nimnaṃ sisnāyutaṃ tyajet ### [4.73](https://indike.org/pramana/in.astro.samudrika.arsa.angavidya.4.73) hastarekhālakṣaṇam raktā vyaktā gabhīrā ca snigdhā pūrṇā ca vartulā kararekhāṅganāyāḥ syācchubhā bhāgyānusārataḥ ### [4.74](https://indike.org/pramana/in.astro.samudrika.arsa.angavidya.4.74) matsyena śubhagā nārī svastikena vasupradā padmena bhūpateḥ patnī janayed bhūpāṃta sutam ### [4.75](https://indike.org/pramana/in.astro.samudrika.arsa.angavidya.4.75) cakravartistrayāḥ pāṇau nadyāvartaḥ pradakṣiṇaḥ śaṅkhātapatrakamaṭhā nṛpamātṛtvasūcakāḥ ### [4.76](https://indike.org/pramana/in.astro.samudrika.arsa.angavidya.4.76) tulāmānākṛtī rekhe vaṇigpatnītvahetuke gajavājivṛṣākārāḥ kare vāme mṛgīdṛśām ### [4.77](https://indike.org/pramana/in.astro.samudrika.arsa.angavidya.4.77) rekhā prāsādavajrābhā bhrūyaḥ tīrthaṃṅkaraṃ sutam kṛṣīvalasya patnī syācchakaṭena yugena vā ### [4.78](https://indike.org/pramana/in.astro.samudrika.arsa.angavidya.4.78) cāmarāṅkuśakodaṇḍe rājapatnī bhaved dhruvam aṅguṣṭhamūlānnirgatya rekhā yāti kaniṣṭhikām ### [4.79](https://indike.org/pramana/in.astro.samudrika.arsa.angavidya.4.79) yadi, sā patihantrī syād dūratastāṃ tyajet sudhīḥ triśūlādigadāśaktidundubhyākṛtirekhayā nitambinī kīrtimatī tyāgena pṛthivītale ### [4.80](https://indike.org/pramana/in.astro.samudrika.arsa.angavidya.4.80) kaḍku-jambūka-maṇḍūka vṛka-vṛścikabhoginaḥ rāsabhoṣṭraviḍālāḥ syuḥ karasthā duḥkhadāḥ striyāḥ ### [4.81](https://indike.org/pramana/in.astro.samudrika.arsa.angavidya.4.81) hastāṅguṣṭhalakṣaṇam śubhadaḥ saralo'ṅguṣṭho vṛtto vṛttanakho mṛduḥ ### [4.82](https://indike.org/pramana/in.astro.samudrika.arsa.angavidya.4.82) aṅgulīnāṃ lakṣaṇam aṅgulyaśca suparvāṇo dīrghāvṛttāḥ kramāt kṛśāḥ cipiṭāḥ sthūlapuṭā rūkṣāḥ pṛṣṭharomayujo'śubhāḥ ### [4.83](https://indike.org/pramana/in.astro.samudrika.arsa.angavidya.4.83) atihrasvāḥ kṛśā vakrā viralā romahetukāḥ duḥkhāyāṅgulayaḥ strīṇāṃ bahuparvasamanvitāḥ ### [4.84](https://indike.org/pramana/in.astro.samudrika.arsa.angavidya.4.84) nakhalakṣaṇam aruṇāḥ saśikhāstuṅgāḥ karajāḥ sadṛśāḥ śubhāḥ nimnā vivarṇāḥ śuktyābhāḥ pītā dāridryadāyakāḥ ### [4.85](https://indike.org/pramana/in.astro.samudrika.arsa.angavidya.4.85) nakheṣu bindavaḥ śvetāḥ prāyaḥ syuḥ svairiṇīstriyāḥ puruṣā api jāyante duḥkhinaḥ puṣpitairnakhaiḥ ### [4.86](https://indike.org/pramana/in.astro.samudrika.arsa.angavidya.4.86) pṛṣṭhasya lakṣaṇam antarnimagnavaṃśāsthiḥ pṛṣṭhaḥ syānmāṃsalā śubhā pṛṣṭhena romayuktena vaidhavyaṃ labhate dhruvam ### [4.87](https://indike.org/pramana/in.astro.samudrika.arsa.angavidya.4.87) bhugnena vinatenāpi sasireṇāpi duḥkhitā ṛjvī kukāṭikā śreṣṭhā samāṃsā ca samunnatā ### [4.88](https://indike.org/pramana/in.astro.samudrika.arsa.angavidya.4.88) śuṣkā śirālā romāḍhyā viśālā kuṭilā śubhā māṃsalo vartulaḥ kaṇṭhaḥ praśastaścaturaṃgulaḥ ### [4.89](https://indike.org/pramana/in.astro.samudrika.arsa.angavidya.4.89) śastā grīvā trirekhāṅkā vyaktā'sthisusaṃhitā nirmāṃsā cipiṭā dīrghāsthipuṭā na śubhapradā ### [4.90](https://indike.org/pramana/in.astro.samudrika.arsa.angavidya.4.90) sthūlagrīvā ca vidhavā vakragrīvā ca kiṅkaro vandhyā hi cipiṭagrīvā hasvagrīvā ca niḥsutā ### [4.91](https://indike.org/pramana/in.astro.samudrika.arsa.angavidya.4.91) cibukaṃ dvyaṅgulaṃ śastaṃ vṛttaṃ pīnaṃ sukomalam sthūlaṃ dvidhā suvibhaktamāyataṃ romaśaṃ tyajet ### [4.92](https://indike.org/pramana/in.astro.samudrika.arsa.angavidya.4.92) hanuścibukasaṃlagnā nilomā sughanā śubhā vakrā sthūlā kṛśā hrasvā romaśā na śubhapradā ### [4.63-2](https://indike.org/pramana/in.astro.samudrika.arsa.angavidya.4.63-2) śastau kapolau vāmākṣyāḥ pīnau vṛttau samunnatau romaśau paruṣau nimnau nirmāṃsau parivarjayet ### [4.64-2](https://indike.org/pramana/in.astro.samudrika.arsa.angavidya.4.64-2) samaṃ samāsaṃ susnigdhaṃ svāmodaṃ vartulaṃ mukham janitṛvadanacchāyaṃ dhanyānāmiha jāyate ### [4.95](https://indike.org/pramana/in.astro.samudrika.arsa.angavidya.4.95) pāṭalo vartulaḥ snigdho lekhābhūṣitamadhyabhūḥ sīmantinīnāmadharo dharājānipriyo bhavet ### [4.96](https://indike.org/pramana/in.astro.samudrika.arsa.angavidya.4.96) kṛśaḥ pralambasphuṭito rūkṣo daurbhāgyasūcakaḥ śyāvaḥ sthūlo'dharoṣṭhaḥ syād vaidhavyakalahapradaḥ ### [4.97](https://indike.org/pramana/in.astro.samudrika.arsa.angavidya.4.97) masṛṇo mattakāśinyāścottaroṣṭhaḥ śubho'gadaḥ kiñcinmadhyonnato'romā viparīto viruddhakṛt ### [4.98](https://indike.org/pramana/in.astro.samudrika.arsa.angavidya.4.98) gokṣīrasannibhāḥ snigdhā dvātriṃśaddaśanāḥ śubhāḥ adhastādupariṣṭācca samāḥ stokasamunnatāḥ ### [4.66-2](https://indike.org/pramana/in.astro.samudrika.arsa.angavidya.4.66-2) pītāḥ śyāvāśca daśanāḥ sthūlā dīrghā dvipaṅktayaḥ śuktyākārāśca viralā duḥkhadaurbhāgyakāraṇam ### [4.100](https://indike.org/pramana/in.astro.samudrika.arsa.angavidya.4.100) adhastādadhikairdantairmātaraṃ bhakṣayet sphuṭam patihīnā ca vikaṭaiḥ kulaṭā viralairbhavet ### [4.101](https://indike.org/pramana/in.astro.samudrika.arsa.angavidya.4.101) jihvālakṣaṇam jihveṣṭamiṣṭabhoktrī syācchoṇā mṛdvī tathā sitā duḥkhāya madhyasaṅkīrṇā purobhāgasavistarā ### [4.102](https://indike.org/pramana/in.astro.samudrika.arsa.angavidya.4.102) sitayā toyamaraṇaṃ śyāmayā kalahapriyā daridrā māṃsalatayā lambayā'bhakṣyabhakṣiṇī ### [4.103](https://indike.org/pramana/in.astro.samudrika.arsa.angavidya.4.103) viśālayā rasanayā pramadātipramādabhāk snigdhaṃ kokanadābhāsaṃ praśastaṃ tālu komalam ### [4.104](https://indike.org/pramana/in.astro.samudrika.arsa.angavidya.4.104) site tāluni vaidhavyaṃ pīte pravrajitā bhavet kṛṣṇe'patyaviyogārtā rūkṣe bhūrikuṭumbinī ### [4.105](https://indike.org/pramana/in.astro.samudrika.arsa.angavidya.4.105) kaṇṭhe sthūlā suvṛttā ca kramatīkṣṇā sulohitā apralambā śubhā ghāṭā sthūlā kṛṣṇā ca duḥkhadā ### [4.106](https://indike.org/pramana/in.astro.samudrika.arsa.angavidya.4.106) smitalakṣaṇam alakṣitadvijaṃ kiñcit kiñcit phullakapolakam smitaṃ praśastaṃ sudṛśāmanimīlitalocanam ### [4.107](https://indike.org/pramana/in.astro.samudrika.arsa.angavidya.4.107) nāsālakṣaṇam samavṛttapuṭā nāsā laghucchidrā śubhāvahā sthūlāgrā madhyanimnā ca na praśastā samunnatā ### [4.108](https://indike.org/pramana/in.astro.samudrika.arsa.angavidya.4.108) ākuñcitā'ruṇāgrā ca vaivaṇryakleśadāyinī parapreṣyā ca cipiṭā hrasvā dīrghā kalipriyā ### [4.106-2](https://indike.org/pramana/in.astro.samudrika.arsa.angavidya.4.106-2) chikkālakṣaṇam dīrghāyuṣkṛtkṣutaṃ dīrghaṃ yugapad dvitripiṇḍitam netralakṣaṇam lalanālocane śaste raktānte kṛṣṇatārake ### [4.110](https://indike.org/pramana/in.astro.samudrika.arsa.angavidya.4.110) gokṣīravarṇaviśade susnigdhe kṛṣṇapakṣmaṇī unnatākṣī na dīrghāyurvṛttākṣī kulaṭā bhavet ### [4.111](https://indike.org/pramana/in.astro.samudrika.arsa.angavidya.4.111) meṣākṣī mahiṣākṣī ca kekarākṣī na śobhanā kāmagṛhītā nitarāṃ gopiṅgākṣī sudurvṛtā ### [4.112](https://indike.org/pramana/in.astro.samudrika.arsa.angavidya.4.112) pārāvatākṣī duḥśīlā raktākṣī bhartṛghātinī koṭarānayanā duṣṭā gajanetrā na śobhanā ### [4.113](https://indike.org/pramana/in.astro.samudrika.arsa.angavidya.4.113) puṃścalī vāmakāṇākṣī vandhyā dakṣiṇakāṇikā madhupiṅgalākṣī ramaṇī dhanadhānyasamṛddhibhāk ### [4.114](https://indike.org/pramana/in.astro.samudrika.arsa.angavidya.4.114) pakṣmaṇo lakṣaṇam pakṣmabhiḥ sughanaiḥ snigdhaiḥ kṛṣṇaiḥ sūkṣmaiḥ subhāgyabhāk kapilairviralaiḥ sthūlairnindyā bhavati bhāminī ### [4.115](https://indike.org/pramana/in.astro.samudrika.arsa.angavidya.4.115) bhrūlakṣaṇam bhruvau suvartule tanvyāḥ snigdhe kṛṣṇe asaṃhate praśaste mṛduromāṇau subhruvaḥ kārmukākṛtī ### [4.116](https://indike.org/pramana/in.astro.samudrika.arsa.angavidya.4.116) khararomā ca pṛthulā vikīrṇā saralā striyāḥ na bhrūḥ praśastā militā dīrgharomā ca piṅgalā ### [4.117](https://indike.org/pramana/in.astro.samudrika.arsa.angavidya.4.117) karṇalakṣaṇam lambakarṇau śubhāvartau sukhadau ca śubhapradau ṣaṣkulīrahitau nindyau sirālau kuṭilau kṛśau ### [4.118](https://indike.org/pramana/in.astro.samudrika.arsa.angavidya.4.118) bhālalakṣaṇam bhālaḥ śirāvirahito nirlomārdhendusannibhaḥ animnastryaṃgulo nāryāḥ saubhāgyārogyakāraṇam ### [4.119](https://indike.org/pramana/in.astro.samudrika.arsa.angavidya.4.119) vyaktasvastikarekhaṃ ca lalāṭaṃ rājyasampade pralambaṃ mastakaṃ yasyāḥ devaraṃ hanti sā dhruvam ### [4.120](https://indike.org/pramana/in.astro.samudrika.arsa.angavidya.4.120) romaśena śirālena prāṃśunā rogiṇī matā ### [4.121](https://indike.org/pramana/in.astro.samudrika.arsa.angavidya.4.121) sīmantalakṣaṇam sīmantaḥ saralaḥ śasto mauliḥ śastaḥ samunnataḥ gajakumbhanibho vṛttaḥ saubhāgyaiśvaryasūcakaḥ ### [4.122](https://indike.org/pramana/in.astro.samudrika.arsa.angavidya.4.122) śiraso lakṣaṇam sthūlamūrdhanā ca vidhavā dīrghaśīrṣā ca bandhakī viśālenāpi śirasā bhaved daurbhāgyabhājanam ### [4.123](https://indike.org/pramana/in.astro.samudrika.arsa.angavidya.4.123) keśalakṣaṇam keśā bhralikulacchāyāḥ sūkṣmāḥ snigdhāḥ sukomalāḥ kiñcidākuñcitāgrāśca kuṭilāścātiśobhanāḥ ### [4.124](https://indike.org/pramana/in.astro.samudrika.arsa.angavidya.4.124) paruṣāḥ kuṭilāgrāśca viralāśca śiroruhāḥ piṅgalā laghavo rūkṣā duḥkhadāridrayabandhanāḥ ### [4.125](https://indike.org/pramana/in.astro.samudrika.arsa.angavidya.4.125) maśakasya tilasya ca lakṣaṇe bhruvorantarlalāṭe vā maśako rājyasūcakaḥ vāme kapole maśakaḥ śoṇo miṣṭānnadaḥ smṛtaḥ ### [4.126](https://indike.org/pramana/in.astro.samudrika.arsa.angavidya.4.126) tilakaṃ lāñchanaṃ vāpi hṛdi saubhāgyakāraṇam yasyā dakṣiṇavakṣoje śoṇe tilakalāñchane ### [4.127](https://indike.org/pramana/in.astro.samudrika.arsa.angavidya.4.127) kanyācatuṣṭayaṃ sūte sūte sā ca sutatrayam tilakaṃ lāñchanaṃ śoṇaṃ yasyā vāme kuce bhavet ekaṃ putraṃ prasūyādau tataḥ sā vidhavā bhavet ### [4.128](https://indike.org/pramana/in.astro.samudrika.arsa.angavidya.4.128) guhyasya dakṣiṇe bhāge tilakaṃ yadi yoṣitaḥ tadā kṣitipateḥ patnī sūte vā kṣitipaṃ sutam ### [4.126-2](https://indike.org/pramana/in.astro.samudrika.arsa.angavidya.4.126-2) nāsāgre maśakaḥ śoṇo mahiṣyā eva jāyate ### [4.130](https://indike.org/pramana/in.astro.samudrika.arsa.angavidya.4.130) kṛṣṇaḥ sa eva bhartṛghnyāḥ puṃścalyāśca prakīrtitaḥ ### [4.131](https://indike.org/pramana/in.astro.samudrika.arsa.angavidya.4.131) nābheradhastāt tilakaṃ maśako lāñchanaṃ śubham maśakastilakaṃ cihnaṃ gulphadeśe daridrakṛt ### [4.132](https://indike.org/pramana/in.astro.samudrika.arsa.angavidya.4.132) kare karṇe kapole vā kaṇṭhe vāme bhavedyadi eṣāṃ trayāṇāmekaṃ tu prāg garbhe putradaṃ bhavet ### [4.133](https://indike.org/pramana/in.astro.samudrika.arsa.angavidya.4.133) bhālagena triśūlena nirmitena svayambhuvā nitambinīsahasrāṇāṃ svāmitvaṃ yoṣidāpnuyāt ### [4.134](https://indike.org/pramana/in.astro.samudrika.arsa.angavidya.4.134) suptā parasparaṃ yā tu dantān kiṭikiṭāyate sulakṣaṇāpyaśastā sā yā kiñcit pralapet tathā ### [4.135](https://indike.org/pramana/in.astro.samudrika.arsa.angavidya.4.135) pāṇau pradakṣiṇāvarto dhanyo vāmo na śobhanaḥ nābhau śrutāvurasi vā dakṣiṇāvarta īḍitaḥ ### [4.136](https://indike.org/pramana/in.astro.samudrika.arsa.angavidya.4.136) sukhāya dakṣiṇāvartaḥ pṛṣṭhavaṃśasya dakṣiṇe antaḥpṛṣṭhaṃ nābhisamo vahvāyuḥ putravardhanaḥ ### [4.137](https://indike.org/pramana/in.astro.samudrika.arsa.angavidya.4.137) rājapatnyāḥ pradṛśyeta bhagamaulau pradakṣiṇaḥ sa cecchakaṭabhaṅgaḥ syād bahuputrasukhapradaḥ ### [4.138](https://indike.org/pramana/in.astro.samudrika.arsa.angavidya.4.138) kaṭigo guhyago vartaḥ patyapatyanipātanaḥ syātāmudaravedhena pṛṣṭhāvartau na śobhanau ### [4.139](https://indike.org/pramana/in.astro.samudrika.arsa.angavidya.4.139) ekena hanti bhartāraṃ bhavedanyena puṃścalī kaṇṭhago dakṣiṇāvarto duḥkhavaidhavyahetukaḥ ### [4.140](https://indike.org/pramana/in.astro.samudrika.arsa.angavidya.4.140) sīmante'tha lalāṭe vā tyājyā dūreṇa yatnataḥ sā patiṃ hanti varṣeṇa yasyāḥ madhye kūkāṭikā ### [4.141](https://indike.org/pramana/in.astro.samudrika.arsa.angavidya.4.141) pradakṣiṇo vā vāmo vā romṇāmāvartakaḥ striyāḥ eko vā mūrdhni dvau vā vāme vāmagatau api ādaśāhaṃ patighnau tau tyājyau dūrāt subuddhinā ### [4.142](https://indike.org/pramana/in.astro.samudrika.arsa.angavidya.4.142) kaṭyāvartā tu kulaṭā nābhyāvartā pativratā ### [4.143](https://indike.org/pramana/in.astro.samudrika.arsa.angavidya.4.143) pṛṣṭhāvartā ca bhartṛghnī kulaṭā vā'tha jāyate ### [4.144](https://indike.org/pramana/in.astro.samudrika.arsa.angavidya.4.144) skanda uvāca-sulakṣaṇāpi duḥśīlā kulakṣaṇaśiromaṇiḥ alakṣaṇāpi yā sādhvī sarvalakṣaṇabhūstu sā ### [4.145](https://indike.org/pramana/in.astro.samudrika.arsa.angavidya.4.145) sulakṣaṇā sucāritrā svādhīnā patidevatā viśveśānugrahādeva gṛhe yoṣidavāpyate ### [4.146](https://indike.org/pramana/in.astro.samudrika.arsa.angavidya.4.146) alaṅkṛtāḥ svavāsinyo yābhiḥ prāktanajanmani nānāvidhairalaṃkāraistāḥ surūpā bhavanti hi ### [4.147](https://indike.org/pramana/in.astro.samudrika.arsa.angavidya.4.147) sutīrtheṣu vapuryābhiḥ kṣālitaṃ vā vihāyitam tā lāvaṇyataraṅgiṇyo bhavantīha sulakṣaṇāḥ ### [4.148](https://indike.org/pramana/in.astro.samudrika.arsa.angavidya.4.148) pracitā jagatāṃ mātā yābhirmṛḍavadhūriha tā bhavanti sucāritrā yoṣāḥ svādhīnabhartṛkāḥ ### [4.149](https://indike.org/pramana/in.astro.samudrika.arsa.angavidya.4.149) svādhīnapatikānāṃ ca suśīlānāṃ mṛgīdṛśām svargāpavargavitraiva sulakṣaṇaphalaṃ hi tat ### [4.150](https://indike.org/pramana/in.astro.samudrika.arsa.angavidya.4.150) sulakṣaṇaiḥ sucaritairapi mandāyuṣaṃ patim dīrghāyuṣaṃ prakurvanti pramadāḥ pramadāspadam ### [4.151](https://indike.org/pramana/in.astro.samudrika.arsa.angavidya.4.151) ataḥ sulakṣaṇā yoṣāḥ pariṇeyā vicakṣaṇaiḥ lakṣaṇāni parīkṣyādau hitvā durlakṣaṇānyapi ### [4.152](https://indike.org/pramana/in.astro.samudrika.arsa.angavidya.4.152) lakṣaṇāni mayoktāni sukhāya gṛhamedhinām ## Linked texts (12) - [Skandamahāpurāṇa (vulgate)](https://indike.org/pramana/in.purana.skanda*vulgate.4.37.4) — Sanskrit - [Bṛhatparāśarahorāśāstra](https://indike.org/pramana/in.astro.hora.yavana.brhatparasara.82.5) — Parāśara, Sanskrit - [Sāmudrika (Garga)](https://indike.org/pramana/in.astro.samudrika.arsa.samudrika.4.2) — Garga, Sanskrit - [Nītikalpataru](https://indike.org/pramana/in.niti.dharma.rajadharma.nitikalpataru.94.5) — Kṣemendra, Sanskrit - [Kāśīpurāṇa](https://indike.org/pramana/in.purana.sthala.kasi.kasipurana.49.16) — Sanskrit - [Jyotiṣatattvaprakāśa](https://indike.org/pramana/in.astro.sangraha.sarasangraha-works.jyotisatattvaprakasa.6.250-2) — Lakṣmīkānta Kanyāla Jyotiṣācārya, Sanskrit - [Vīramitrodaya](https://indike.org/pramana/in.astro.hora.nibandha.other.viramitrodaya.1.p176) — Rāmamiśra, Sanskrit - [Śivatattvaratnākara](https://indike.org/pramana/in.niti.dharma.rajadharma.sivatattvaratnakara.90.5) — Basappa Nāyaka 1684, Sanskrit - [Sāmudrikarahasya](https://indike.org/pramana/in.astro.samudrika.nibandha.samudrikarahasya.2.19) — Kālikāprasāda, Sanskrit - [Puruṣārthasudhānidhi](https://indike.org/pramana/in.niti.dharma.nibandha.other.purusarthasudhanidhi.74.92.5) — Sāyaṇācārya, Sanskrit - [Śabdakalpadruma](https://indike.org/pramana/in.art.visvakosa.sabdakalpadruma.552.12.3) — Rājā Sir Rādhākānta Deb, Sanskrit - [Avayavalakṣaṇaśāstra](https://indike.org/pramana/in.astro.samudrika.arsa.avayavalaksanasastra.3.3-3) — Samudra, Sanskrit --- Source: [https://indike.org/pramana/in.astro.samudrika.arsa.angavidya.4](https://indike.org/pramana/in.astro.samudrika.arsa.angavidya.4) · Pramāṇa