Angavidya 5
Aṅgavidyā 5
- Language
- Sanskrit
5.1
iti strīlakṣaṇam
tasmāt parīkṣya matimān kanyāṃ lakṣaṇasaṃyutām
vivāheta yathā na syāt sarvathā'narthabhājanam
5.2
tathā ca sampravakṣyāmi kanyādoṣānaśeṣataḥ
yān vijñāya sudhīḥ kvāpi na majjed duḥkhasāgare
5.3
kapilā kekarākṣī ca hīnāṅgī rogiṇī khalā
alomā cātilomnī cādhikāṅgī piṅgalā tathā
5.4
vakranāsā kṛśā dīrghā sthapuṭā skhaladgatistathā
etāḥ kanyāḥ parityājyā vivāhe tu kṛtātmabhiḥ
5.5
ime kanyāgatā doṣāścaturdaśa prakīrtitāḥ
bāhyāstvābhyantarā doṣā durjñānā akṛtātmabhiḥ
5.6
doṣajñānopāyāḥ
tasmād vedoktamāhṛtya doṣajñānaṃ bhavediha
aṣṭau piṇḍān vidhāyādau śuddhamṛtsambhavāniha
5.7
tābhistasyāḥ parīkṣyeta lakṣaṇaṃ hṛdgataṃ ca yat
kṣetrād goṣṭhād veditaḥ sindhutaśca,
dyūtasthānādairiṇāccāpi samyak
catuṣpadāt pitṛvanāt tathaiva
grāhyāḥ mṛdaḥ śuddhimabhīpsamānaiḥ
5.8
itthamānīya mṛtkūṭānasaṃkīrṇān pṛthak-pṛthak
vedamantreṇa sammantrya piṇḍitān tāṃ gururvadet
5.9
etanmadhye tvayā grāhyaṃ piṇḍamekaṃ sulakṣaṇe
piṇḍe gṛhīte matimān phalaṃ brūyāt suniścitam
5.10
kṣetrapiṇḍena saṃyuktā patiputrasukhānvitā
goṣṭhapiṇḍe patimatī, rūpiṇī vedipiṇḍataḥ
5.11
nadīpiṇḍe samṛddhā syāt dyūtapiṇḍe śaṭhā bhavet
pravrāṭ catussṛtī piṇḍādairiṇāddhanavarjitā
5.12
śmaśānapiṇḍe sukrūrā patighnī syānna saṃśayaḥ
bhrāntaraṃ lakṣaṇaṃ vīkṣya kuryād bhāryāṃ manoramām
5.13
daśa pitṛdoṣāḥ
ime kanyāgatā doṣā mayā te'daca prakīrtitāḥ
pitṛsambandhato doṣān śṛṇu tvaṃ varavarṇini
5.14
hīnakarmā'tha niśchando lomaśo'rśasa śrāmayī
kṣayī niṣpauruṣaḥ śivatrikuṣṭhacapasmāriṇastathā
5.15
daśemān pitṛdoṣāṃśca parīkṣya vidhivad budhaḥ
kanyāṃ sulakṣaṇavatīṃ vivāheta mudānvitaḥ