Samudrikarahasya 3.1-2

3.1-2

atha śaśakādituryapuruṣāṇāṃ jīvanacaritrāṇi
tatrā''dau śaśakasya—
bhavanti khalu prāyaḥ komalakuntalavipulekṣaṇaśāntaśāntaśāsananiratasūkṣmaśarīrāvayavā'tipavitrapūrṇenduvadanasnigdhasamārūpadaśanāḥ, karāṅghrijānujaghanagrīvoruṣu śyāmatāṃ vibhrāṇāḥ, surabhimadanaspandāḥ sakṛdrativiratā adarśane'pi yojanavyādāsurabhayo yugādyantaprabhavāṣṭatriṃśadvarṣāvacchinnāvayavā alpātmajaprabhāvaśālino devapuruṣā śaśakāḥ
atha sādhāraṇamṛgalakṣaṇam—
mṛdula-snigdha-raktādhāra-mahāsamāna-vihāra-vihasitālāpāhvāna-samakāla
eva dṛṣṭipātāgamanotsukāḥ, khaṇḍā-khaṇḍa-trikoṇopalakṣitapāṇitalapradeśāḥ,
mañjulekṣaṇotpalaśobhanavadanāravinda-mṛdupāṇi-pādā'natisthūlakṛśā, laghuśarīrāstilāṅkita-hṛdaskugrīva-madhyāṃśakāśvañcalatamā api dhīrabuddhayo lajjānatānanā anavaratanṛtyagānavādanādipramode ratāścittākarṣakamohanamūrtayaḥ kuraṅgajātayaḥ puruṣā bhavanti
anyadapi—
prasannamūrtiḥ samudāracetāḥ vaṃśābhimāno śubhavāgvilāsaḥ
anotibhīrurgurusādhunamraḥ sāmrājyalakṣmīṃ labhate manuṣyaḥ