<!-- Pramāṇa, a library of Indian primary sources · https://indike.org/pramana/in.astro.hora.nibandha.phalajyotisa-works.sarvarthacintamani-2.1 -->

[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Medieval and early modern general compendia of genethlialogy](https://indike.org/pramana/in.astro.hora.nibandha) › [General treatises on predictive astrology (Phalitajyotiṣa / Phalagrantha)](https://indike.org/pramana/in.astro.hora.nibandha.phalajyotisa-works) › [Sarvarthacintamani](https://indike.org/pramana/in.astro.hora.nibandha.phalajyotisa-works.sarvarthacintamani-2) › 1

# Sarvarthacintamani 1

Sarvārthacintāmaṇi 1

- **Language:** Sanskrit

### [1.1](https://indike.org/pramana/in.astro.hora.nibandha.phalajyotisa-works.sarvarthacintamani-2.1.1)

śrīmaccheṣagirestaṭādhinilayaṃ śrīveṅkaṭeśaṃ guruṃ  
natvā veṅkaṭanāyakaṃ tvanudinaṃ jātohamāryātsudhīḥ  
jyotiḥśāstramahārṇavapāragamane vakṣyāmi potātmakaṃ  
jyotiḥśāstravivekapākaviduṣāṃ sarvārthacintāmaṇim

### [1.2](https://indike.org/pramana/in.astro.hora.nibandha.phalajyotisa-works.sarvarthacintamani-2.1.2)

nīlāṃbujaruciṃ devaṃ sakṛdyāṃti manoratham || devāḥ praṇamya yaṃ sarve  
taṃ namāmi gajānanam

### [1.3](https://indike.org/pramana/in.astro.hora.nibandha.phalajyotisa-works.sarvarthacintamani-2.1.3)

vāgvibhūtipradā devī yā śvetāṃburuhasthitā || gokṣīradhavalākārā svayaṃ tiṣṭhatu vāci me

### [1.4](https://indike.org/pramana/in.astro.hora.nibandha.phalajyotisa-works.sarvarthacintamani-2.1.4)

meṣādirāśayaḥ sarve dineśapramukhā grahāḥ || ye ca lokopakartāraḥ  
pāṃtu māmiha te sadā

### [1.5](https://indike.org/pramana/in.astro.hora.nibandha.phalajyotisa-works.sarvarthacintamani-2.1.5)

yajjātake nigaditaṃ bhuvi mānavānāṃ tatprāśniṃkepi sakalaṃ kathayaṃti tajjñāḥ || praśnopi janmasadṛśo bhavati prabhedaḥ praśnasya cātra .  
jananasya na kaścidasti

### [1.6](https://indike.org/pramana/in.astro.hora.nibandha.phalajyotisa-works.sarvarthacintamani-2.1.6)

bhaumācchaviccandraravijñaśukravaktrejyamaṃdārkasutāmarejyāḥ || meṣādibhānāmadhipāḥ krameṇa tadaṃśakānāmapi te bhaveyuḥ

### [1.7](https://indike.org/pramana/in.astro.hora.nibandha.phalajyotisa-works.sarvarthacintamani-2.1.7)

meṣādimūrddhā vadanaṃ galādhohṛtkukṣivārsobhṛtavastiguhyam || tatorujānudvayajaṃghamaṃghrī pāpānvitaṃ yattadupaiti nāśam

### [1.8](https://indike.org/pramana/in.astro.hora.nibandha.phalajyotisa-works.sarvarthacintamani-2.1.8)

vyatyastamatsyadvayamaśvajaṃghaścāpī manuṣyaḥ sagadaṃ savīṇam || nṛyugmamādāya karotisasye nausthābalā mānadharo vaṇik ca

### [1.9](https://indike.org/pramana/in.astro.hora.nibandha.phalajyotisa-works.sarvarthacintamani-2.1.9)

ghaṭī jalādānagrahītukāmaḥ śeṣāḥ svanāmānuguṇā bhavanti  
meṣastu meṣo vṛṣabhaḥ sa eva karkī kulīrastvatha vṛścikoliḥ

### [1.10](https://indike.org/pramana/in.astro.hora.nibandha.phalajyotisa-works.sarvarthacintamani-2.1.10)

rāśiṃ tridhākṛtya dṛkāṇamāhustadīśaputreśaśubhādhināthāḥ||puṃjīndusūryau bhavane ravīndū nāthau tvayugme bhavanastha cārddhe

### [1.11](https://indike.org/pramana/in.astro.hora.nibandha.phalajyotisa-works.sarvarthacintamani-2.1.11)

careṃśakānāṃmadhipāstadaṃśādrāśau sthire tannavameśvarādyāḥ || dvidehametatsutarāśināthādvadaṃti śāstrārthavido mahāṃntaḥ

### [1.12](https://indike.org/pramana/in.astro.hora.nibandha.phalajyotisa-works.sarvarthacintamani-2.1.12)

horācakram  
dreṣkāṇacakramidam  
graṃthāṃtare caturthāṃśo yathā || svakṣādikendrapatayasturyāṃśeśāḥ  
kriyāditaḥ || sanakaśca sanandanaśca kumāraśca sanātanaḥ  
navamāṃśacakram  
tatkṣetrapā dvādaśabhāganāthā lagnasya vargādhipatistadīśāt  
triṃśāṃśapā bhaumaśanījyasaumyaśukrā bhavaṃtyojagṛhe same tu

### [1.13](https://indike.org/pramana/in.astro.hora.nibandha.phalajyotisa-works.sarvarthacintamani-2.1.13)

vilomataḥ paṃcaśarāṣṭasaptabāṇāḥ kramādūcuranekaśāstreḥ || saptāṃśapāstvojagṛhe tadīśādyugme gṛhe saptamarāśipāttu

### [1.14](https://indike.org/pramana/in.astro.hora.nibandha.phalajyotisa-works.sarvarthacintamani-2.1.14)

- dvādaśāṃśacakram  
\[table containing columns: svāminaḥ, a, me, vṛ, mi, ka, siṃ, ka, tu, vṛ, dha, ma, ku, mī  
Rows for: gaṇeśaḥ, aśvinīkumāraḥ, yamaḥ, ahiḥ, gaṇeśaḥ, aśvinīkumāraḥ, yamaḥ, ahiḥ, gaṇeśaḥ, aśvinīkumāraḥ, yamaḥ, ahiḥ\]  
viṣamatriṃśāṃśacakram.  
Rows for: vahniḥ, vāyuḥ, iṃdraḥ, dhanadaḥ, jaladaḥ\]  
samatriṃśāṃśacakram.  
Rows for: jaladaḥ, dhanadaḥ, śakraḥ, vāyuḥ, vahniḥ\]  
daśāṃśapānāmadhipāstadīśādoje same tannavameśvarādyāḥ|| oje kalānāmadhipāstadīśāścaturmukho viṣṇuharau dineśaḥ

### [1.15](https://indike.org/pramana/in.astro.hora.nibandha.phalajyotisa-works.sarvarthacintamani-2.1.15)

yugme  
kramādvyatyayameva rāśau ṣaṣṭyaṃśapānāmadhipāstvayugme

## Linked texts (1)

- [Bṛhatparāśarahorāśāstra](https://indike.org/pramana/in.astro.hora.yavana.brhatparasara.6.9) — Parāśara, Sanskrit

---
Source: [https://indike.org/pramana/in.astro.hora.nibandha.phalajyotisa-works.sarvarthacintamani-2.1](https://indike.org/pramana/in.astro.hora.nibandha.phalajyotisa-works.sarvarthacintamani-2.1) · Pramāṇa
