Pramāṇa · Search · About · API

Sarvarthacintamani 35: athāriṣṭādhyāyaḥ

Sarvārthacintāmaṇi 35

Language
Sanskrit

Contents

athāriṣṭādhyāyaḥ

35.1

kecidyogaṃ praśaṃsanti daśāṃ kecidvadanti hi || tadvinā cāyuṣaṃ jñātuṃ
na śakyaṃ tu manīṣibhiḥ

35.2

trividhāścāyuṣāṃ yogāḥ svalpāyurmadhyamottamāḥ || dvātriṃśatpūrvamalpaṃ syāttadūrdhvaṃ madhyamaṃ bhavet

35.3

āsaptatestadūrdhvaṃ tu dīrghāyuriti saṃmatam || uttamāyuḥ śatādūrdhvamiha śaṃsanti tadvidaḥ

35.4

ādvādaśābdā jaṃtūnāmāyurjñātuṃ na śakyate || japahomacikitsādyairbālarakṣāṃ tu kārayet

35.5

pitrordoṣairmṛtāḥ kecitkecidbālagrahairapi || apare riṣṭayogācca trividhā bālamṛtyuvaḥ

35.6

janmataḥ
pravalenaiva bālānāṃ puṣṭivarddhanam || kathayedeva śeṣaṃ tu tattadyogānurūpataḥ

35.7

alpāyurlagnepe bhānoḥ śatrau madhye tu madhyamam|| mitre lagneśvare tasya
dīrghamāyurudāhṛtam

35.8

alpāyuryogajātasya vipaddāye mṛtirbhavet || jātasya madhyame yoge pratyarau tu mṛtiṃvadet

35.9

dīrghāyuryogajātānāṃ vadhabhe tu mṛtiṃ vadet || jātasya madhyame
yoge pratyekaṃ trividhaṃ bhavet

35.10

carasthireti sūtreṇa dīrghamadhyālpakāyaṣaḥ || tayoranyatamaṃ jñātvā
cāyurjñānaṃ pracakṣate

35.11

alpāyuralpamadhyaṃ tu pūrṇāyustrividhaṃ smṛtam||madhyamādalpamadhyaṃ tu pūrṇāyustrividhaṃ bhavet

35.12

dīrghāyuṣolpamadhyaṃ tu pūrṇāyustrividhaṃ bhavet || evaṃ navavidhaḥ proktaścāyuṣāṃ tu vinirṇayaḥ

35.13

pañcamyaradaśāmṛtyuṃ dadyātṣaṣṭhīgurordaśā||śaneścaturthīmṛtyuḥ syāddaśārāhośca saptamī

35.14

vipatpākadśā kaṣṭā pratyarīśadaśā
tathā||vadhameśadaśā kaṣṭā pāpā syādaśubheśitā

35.15

nīcārātivimūḍhasya vipatpratyarinaidhanāḥ || daśā dadyurmṛtiṃ tasya pāpairyuktā
viśeṣataḥ

35.16

rāśisaṃdhiṣu ye jātāste bālā mṛtajīvanāḥ ||pāpadṛṣṭā yutā vāpi
niḥsaṃśayamnṛtiḥ smṛtā

35.17

gaṃḍāṃteṣūdbhavo martyaḥ pitṛmātṛvalāttataḥ || yadi jīvetsvargapālo gajavājisamanvitaḥ

35.18

tṛtīyagau bhānuniśākarau vā krūrarkṣagau krūranirīkṣitau vā||vyādhiṃ
narasyāpi vadaṃti tajjñāḥ strīvarṣamātraṃ tvatidurlabhaṃ tat

35.19

candrātsmare vāsaranāthabhaumau kujodaye vā maraṇaṃ daśāhāt

35.20

udyadreṣkāṇajā mitre yasya syādāruṇo grahaḥ || kṣīṇacaṃdre vilagnasthe sadyo harati jīvitam

35.22

vilagnādipatirnīce nidhanevārkasaṃyute || kṛcchreṇa jīvitaṃ vidyānmṛtaprāyo bhaviṣyati
21||āpoklimesthitāḥ sarve grahā valavivarjitāḥ || ṣaṇmāsaṃ vā
dvimāsaṃ vā tasyāyuḥ samudāhṛtam

35.23

ketorudayaḥ pūrve paścādulkāgnipavananirghātāḥ || raudre sati mauhūrte
prāṇaiḥ saṃtyajyate jaṃtuḥ

35.24

grahaṇaṃ pariveṣakāle jātaḥ pāpānvite vilagnasthe || lagneśe balahīne jīvati pakṣatrayaṃ trimāsaṃ
vā

35.25

aṃśādhipatirjanmapatirlagnapatiścāstamupagatā yasya||janmāvasānamaraṇaṃ tasya bhavetkatipayāhena

35.26

saṃdhicatuṣṭayakāle jāto mṛtyuṃ samādiśettajjñaḥ || pāpayute vā dṛṣṭe
śīghraṃ saumyairadṛṣṭayute

35.27

rāhau kendre pāpayuktokṣite vā kṣipraṃ nāśaṃ yāṃti saumyairadṛṣṭe
pāpaḥ kendre vārkilagne trikoṇe saumyaiḥ ṣaṣṭhe cāṣṭamaṃtye ca bālaḥ

35.28

jātaḥ kṣīṇe śītagau lagnasaṃsthe pāpairdṛṣṭe nāśamāśu
prayāti || uccakṣetraṃ meṣarāśiṃ ca hitvā rāhuryuktasteṣvapi
prāṇanāśaḥ

35.29

lagnātsvāṃtyau pāpayuktau yadi staḥ saptasvāṃtyau vā vinaśyetkṣaṇena || lagnādvālaścāṣṭame pāpacāraiḥ some kṣīṇe tvaṣṭamābdaṃ ca
jīvet

35.30

kendre candrātpāpayuktairasaumyaiḥ svargaṃ yāti
procyate vatsareṇa || janmādhīśe lagnage krūrayukte paśyatyārkiṃścāṣṭame jīvavarje

35.32

ṣaṣṭhe varṣe dvādaśe vāṣṭame vā saṃdhau rāśerjātako mṛtyumeti
ṣaṣṭhe raṃdhre śītaraśmiśca yasya kṣīṇe riṣphe pāpayukte'tha vāpi
saumyairdṛṣṭe tvaṣṭamābdaṃ ca jīvetpāpaiḥ saumyairmiśritaistaddalākhyam
31||jīve vilagne mithune tulāyāṃ śukreṇa yukte śaśisūnunāpi

35.33

pāpairdṛṣṭe mṛtyurāśisthitairvā jīvedūpaṃ cāṣṭamaṃ caiva
bālaḥ

35.34

lagne kṣīṇe śaśini nidhanaṃ randhrakendreṣu pāpaiḥ pāpāṃtaḥsthairnidhanahibukadyūnasaṃsthe ca candre || evaṃ lagne bhavati madanacchidrasaṃsthaiśca
pāpairmātrā sārddha yadi na ca śubhairvīkṣitaḥ śaktimadbhiḥ

35.35

rāhugraste śītaraśmau vilagne krūrairyukte cāṣṭame bhūmiputre || mātrāsārddhaṃ candravadbhāskarepi śastraiḥ pātenāśu mṛtyuṃ prayāti

35.36

astaṃgate dinapatau ravije vilagne bhaume'tha vā nidhanage vrajati
tṛtīyāt || evaṃ sthite'pi himagāvaṇubhairadṛṣṭe rāhugrahe ca nidhanaṃ
bhavatīha cāṣṭau

35.37

vṛhaspatirbhaumagṛhe'ṣṭamasthaḥ sūryyendubhaumārkajadṛṣṭamūrtiḥ || abdaistribhirbhārgavadṛṣṭihīno lokāntaraṃ prāpayati prasūtam

35.38

vatrī śanirbhaumagṛhaṃ prapannaśchidre ca ṣaṣṭhe ca catuṣṭaye vā || kujena
saṃprātavalena dṛṣṭo varṣadvayaṃ jīvayati prajātam

35.39

saure
smarasthe yadi vā vilagne janmasthalagne śaśini tvalau vā
saumyeṣu kendropagateṣu sadyo jātasya mṛtyuryavanopadiṣṭaḥ

35.40

nīcasthe devapūjye tu bhaumakṣetragate'tha vā || saṃdhitrayepi jātastu
māsānmṛtyuṃ pragacchati

35.41

kṣetrasya sandhau tithirarāśisaṃdhau ekatratā tatprasavastridhā syāt
jātastu mṛtyuṃ samupaiti sadyaḥ śukrehni jīvediti nandikoktam

35.42

ṣaṣṭhyāṃ jātaścārka lagne kuje vā gaṇḍānte vā mṛtyuyogetha
vāpi || bhaumo hanti prāṇinaṃ tatkṣaṇena jīvekṣitaścenna bhavetprajātaḥ

35.43

bhaumodaye taddivase kṛśendau horāsvāmī lagnakendrādvahiṣṭhaḥ || jāto yosau kṣipramevaiti mṛtyuṃ bhaumaḥ sauroṣyevamevaṃ
vidhatte

35.44

sutamadananavāṃtyalagnaraṃdhreṣvaśubhayuto maraṇāya śītaraśmiḥ || bhṛgusutaśaśiputradevapūjyairyyadi balibhirna vilokito yuto vā

35.45

horāstāṣṭamageṣvasatsu himagau kṣīṇe tu jātaḥ śiśuḥ svargaṃ gacchati
saumyakendrarahito jīvo na cedvīkṣate || lagnāṃtyāṣṭamadharmabheṣu
sahitāścaṃdrārkabhaumārkajāḥ kṣipraṃ gacchati cāṃtakaṃ surapatermaṃtrī na
cedvīkṣate

35.46

lagne candre bhāskare vā baliṣṭhe pāpaiḥ kendre naidhane ca trikoṇe
śukraḥ sūryaḥ śītaguścaikasaṃsthā nāśaṃ gacchedadyogamevaiti jātaḥ

35.47

meṣe viṃśatibhāge syānmṛtyuṃ dadyānniśākaraḥ|| ekaviṃśatibhāgastu
siṃhe tattvaistu govṛṣe

35.48

vṛścike ca tathā candrastrayoviṃśatibhāgakaḥ || dvāviṃśatikulīre tu
tulāyāṃ vedabhāgakaḥ

35.49

viṃśatirmakare caṃdraḥ kanyāyāṃ prathamāṃśakaḥ || dhanuraṣṭādaśo bhāgo mīne daśamabhāgayukta

35.50

dvāviṃśatirnṛyugme tu candropyevaṃ mṛtipradaḥ|| kuṃbhe paṃceṃdubhāge ca mṛtyuṃ
dadyāttathaiva ca

35.51

ye ye niśākarāṃśāstu mṛtyubhāgavyavasthitāḥ || tāvadvirvatsarairjāto mṛtyumeti na saṃśayaḥ

35.52

lagnajanmapayoryastu śatrurlagnagataḥ śubhaḥ || karoti mṛtyuṃ jātasya
svasya dhātoḥ prabhāvataḥ

35.53

randhre dharāsūnudineśasaurairjātastu mṛtyuṃ samupaiti māsāt || ketuśca
yasminnuditetra jāto māsadvayenaiva yamaṃ prayāti

35.54

bhūpālayogā yavanaiḥ pradiṣṭā rājñaḥ kule jātanare dhareśāḥ || tetiprayogāstu
tadanyajātāḥ sadyo yamaṃ yāṃti narāstathaivam

35.55

bhānurnabhastho yadi pāpahaṣṭo dharāsutarce śaśinaśca gehe || jātastu mṛtyuṃ
samupaiti śīghraṃ śubhairna dṛṣṭo viyutopi caivam

35.56

lagne ye dreṣkāṇā nirargalā hi vihaṃgapāśadharasaṃjñāḥ|| maraṇāya sapta
varṣaiḥ krūrayutāścāpi saṃdṛṣṭāḥ

35.57

ravicaṃdrabhaumagurubhiḥ kujagurusraurendubhistathaikasthaiḥ || raviśanibhaumaśaśāṃkairmaraṇaṃ khalu pañcabhirvarṣaiḥ

35.58

raviṇā yuktaḥ śaśijaḥ saumyairdṛṣṭo vināśayati
nūnam || ekādaśabhirvarṣairdevāṃkepi sthitaṃ jātam

35.59

lagne raviśanibhaumaiḥ śukragṛhe vā śaśī kṣīṇaḥ || dṛṣṭo na devaguruṇā saptabhirabdairvināśayati

35.60

kendre ravisupitatanuḥ
kṣitijo mandāvalokitotha yutaḥ || varṣacatuṣkeṇāśu mārayati
kimatra gaṇitena

35.62

lagnādhipateścandro maraṇapadasthopi
kṛṣṇatāṃ yāti||krūraiḥ sakalairdṛṣṭo na śubhairvarṣaistribhistu mārayati61
pāpo vilagnādhipatiḥ śaśāṃkādaṃtyasthitaḥ krūranirīkṣitaścet
caṃdrāṃśakastho yadi vā tadīśojātāḥ śiśuḥ pretapurīṃ navābdaiḥ

35.63

dṛśye bhāge saṃyutāḥ saumyakheṭāḥ pāpāḥ sarve yasya
janmanyadṛśye || rāhau lagne pāpayuktetha dṛṣṭe jāto mṛtyuṃ yāti paṃcābdasaṃkhyaiḥ

35.64

rāhuḥ saptamabhavane śaśisūryanirīkṣito na śubhadṛṣṭaḥ||daśabhirdvābhyāṃ
sahitairabdairjātaṃ vināśayati nūnam

35.65

ghaṭālisiṃhe phaṇināthayukte tasminvilagne sati pāpadṛṣṭe || jāto yamaṃ saptadaśe
prayāti varṣendupūjyena yuto na dṛṣṭaḥ

35.66

kṣīṇenduḥ pāpasaṃdṛṣṭo rāhudṛṣṭo viśeṣataḥ || jāto yamapuraṃ yāti
dinaiḥ katipayaiḥ kila

35.67

janmeśalagnādhipatī vilagnātṣaṣṭhāṣṭamāntyeṣu dineśayuktau || jāto yamaṃ dvādaśabhiśca varṣeḥ
prayāti saumyena yutau na dṛṣṭau

35.68

horādhipatirdhyūne pāpajito maraṇameva vidadhāti || rāśiṃ triguṇīkṛtvā varṣe māse na
saṃdehaḥ

35.69

taraṇīndupujāḥ putrasthāne yuktā na saumyagāḥ || jāto yamapuraṃ
yāti navamebde na saṃśayaḥ

35.70

lagneśvare vilagnasthe pāpaiḥ
sarvairadṛśyagaiḥ || caturthe māsi maraṇaṃ yāti bālo na saṃśayaḥ

35.71

candralagnādhipaḥ sūryaḥ svaputreṇa samanvitaḥ || lagnādaṣṭamarāśistho dvādaśābde mṛtipradaḥ

35.72

ṣaṣṭhāṣṭame pāpayute saumyai
dṛṣṭivivarjite|| āpoklime vilagneśe ṣoḍaśe nidhanaṃ vrajet

35.73

parasparakṣetrasamāsthitau vā lagneśarandhrādhipatī na saumye || riṣphāribhe vāgadhipena yukte tvaṣṭādaśābde nidhanaṃ prayāti

35.74

kendreṣu
pāpeṣu niśākareṇa saumyagrahairvīkṣaṇavarjiteṣu || ṣaṣṭhāṣṭame vā yadi
vā śaśāṃke jīvecchiśurviṃśativarṣamātram

35.75

jīvena sahitaḥ sūryo lagnasthaḥ kīṭarāśigaḥ || aṣṭamādhipatau
kendre dvāviṃśe maraṇaṃ dhruvam

35.76

rāhuṇā sahita candre jāmitre
cāpage'pi vā || devejye lagnagehesmin dvāviṃśe maraṇaṃ bhavet

35.77

pāpadvayāṃtarasthe tu horānāthe na saumyage || pitṛjanmani jātastu
paṃcaviṃśe yamaṃ vrajet

35.78

maṃdodaye śatrurāśau saumyairāpoklimopagaiḥ || ṣaḍviṃśe saptaviṃśe vā maraṇaṃ bhavati dhruvam

35.79

candro mandasahāyastu sūryyaścāṣṭamasaṃyutaḥ || ekonatriṃśake varṣe
jāto yamapuraṃ vrajet

35.80

pāpā janmāṣṭamārgasthāḥ saumyāḥ
kendrabahisthitāḥ || asmin yoge samutpanne tvaṣṭāviṃśe mṛtirbhavet

35.81

janmarandhrapayormadhye niśānāthe vyaye gurau
saptaviṃśativarṣe vā triṃśadvarṣepi vā mṛtiḥ

35.82

randhreśe jīvasaṃdṛṣṭe pāpe pāpanirokṣite || randhrasthe janmape vāpi aṣṭāviṃśe mṛtirbhavet

35.83

aṣṭamādhipatau kendre lagne tu balavattare || triṃśadvarṣāṇyasau jīveddvātriṃśadvātha jātakaḥ

35.84

lagnādaṣṭamarāśyaṃśe
bhānuputrasamanvite || pāpe balādhike lagne kendrādvāhye śubhe
tathā

35.85

anyonyasaṃgatau krūrau lagnasthau pāpavīkṣitau || dvādaśe śītaraśmau ca paramāyustathaiva hi

35.86

janmāṣṭamīśau yadi kendrayuktau randhre tu yaḥ kaścana khecarendraḥ
dvāviṃśake tanmaraṇaṃ śubhaistu kendreṣu hīneṣvahitairgrahendraiḥ

35.87

kṣīṇe śaśāṃke divaseśayukte randhrādhipe kendragate'ṣṭamepi || pāpānvite lagnagate vihīne dvātriṃśadabde nidhanaṃ prayāti

35.88

lagnarandhrapayoryoge sphuṭaṃ tatkṛtyasaṃyutaḥ || śubhairyuktaḥ pāpaścenmṛtyuḥ syātsaptaviṃśatau

35.89

lagnādvilome sasutaśca candro randhreśvare kendragate sasaumyaiḥ || dṛṣṭe yute
vā paramāyuratra triṃśatparaṃ nāsti balairvihīnaḥ

35.90

randhreśvare
bhāgyadhanātmayukte lagnādhipe randhrayute tvasaumyaiḥ || jātaścaturviṃśativarṣamātraṃ jīvatyasau śobhanadṛṣṭiyukte

35.91

aṣṭamādhipatau lagne lagneśe balavarjite || triṃśadvarṣāṇyasau jīventriṃśannātīva vartate

35.92

āpoklimagate caṃdre lagneśe ca tathaiva hi
pāpekṣite balairhīne jīvatyāyustathaiva ca

35.93

guruśukrau ca
kendrasthau lagneśe pāpasaṃyute || āpoklimasthe saṃdhyāyāmāyuḥ ṣaṭtriṃśadeva hi

35.94

lagnasthite vāsaranāyake tu pāpāntare śatrugate vihīne || ṣaṭtriṃśadaṃtaṃ paramāyurasya śubhairna dṛṣṭe sati satyametat

35.95

bhūsūnucandrau tanugau śubhāstu kendrāṣṭamasthā na bhaveyuratra || jāto yadā
māndyudaye śiśuḥ syātṣaṭtriṃśakebde nidhanaṃ prayāti

35.96

horāśāstrābhyāsabalātsaṃgṛhya viduṣāṃ mude || paraṃ tyaktā tvasāraṃ tu
kṛtaṃ vyaṅkaṭaśarmaṇā

35.96.p1

iti śrīsarvārthacintāmaṇāvariṣṭayoganirūpaṇaṃ nāma daśamo'dhyāyaḥ || 10

Linked texts (6)