Pramāṇa · Search · About · API

Sarvarthacintamani 37

Sarvārthacintāmaṇi 37

Language
Sanskrit

Contents

37.1

lagnasthito devagururviśeṣātsveṣṭānnihanyādviblāṃstathaiva || ekopi
bālendudharapraṇāmaḥ samastapāpaṃ śamayettathaiva

37.2

atyaṃtasattve
yadi lagnanāthe saumyānvite tādṛśadṛṣṭimārge||keṃdrasthite pāpaddaśā
vihīne sa bhāgyavān jīvati dīrghamāyuḥ

37.3

śaśāṃko randhranāthastu saumyadreṣkāṇasaṃyutaḥ ||jātaṃ śiśuṃ prayatnena
rakṣayedrātrivāsaram

37.4

candraḥ saṃpūrṇagātrastu saumyakṣetrāṃśagopi
vā||sarvvāriṣṭanihantā syādviśeṣācchukravīkṣitaḥ

37.5

jīvabhārgavasaumyānāmekaḥ kendragato balī || pāpahagdogahīnaścetsadyoriṣṭasya bhaṃgakṛt

37.6

candropi śatrurāśistho jīvaśukravidāṃ
yathā || dreṣkāṇaṃ śamayatyevāriṣṭaṃ pāpaṃ harairyathā

37.8

śukle'pi pakṣe yadi rātrijanma candropi ṣaṣṭhāṣṭamarāśiyuktaḥ || śubhekṣitaḥ sanniha kṛṣṇapakṣe dṛśyaḥ sa pāpairvvati prasūtam ||7||niśākare
śobhanakhecarāṃśe śubhekṣite pūritadīptijālaḥ||jātasya niḥśeṣamariṣṭamāśu yathā viṣaṃ hantica vainateyaḥ

37.9

prakāśamāno gaganendrapūjyaḥ kendrasthito rakṣati jātasūnum || saumyāṃśakā jīvaśaśāṃkaśukrasaumyā vinighnanti samastadoṣam

37.10

janmādhipaḥ
kendragataḥ śubhaścejjātaṃ śiśuṃ rakṣati saumyadṛṣṭaḥ || svāṃśāsthitaiḥ
śobhanakhecaraindrairdṛṣṭastadānyo vinihaṃtyariṭam

37.11

lagnāttṛtīyāribhave ca rāhuḥ pāpairvimuktaḥ śubhadṛśyamānaḥ || vināśayatyāśu samastariṣṭaṃ tūlaṃ yathā vāyubalasya vegaḥ

37.12

śīrṣodayasthāḥ sakalā grahendrā riṣṭaṃ harantyāśu śubhāṃśakasthāḥ
pūrṇendudanyairvidyutaḥ śubhaistu dṛṣṭo haratyāśu samastāriṣṭam

37.13

sarvagrahendraiḥ paripūrṇacandro dṛṣṭo haratyāśu samastadoṣān || nayaiḥ
svakīyaiḥ praharet kṣitīśo yathā tathā janmani doṣajālam

37.14

saumyagrahairātibalairvibalaiśca pāpairlagne ca saumyabhavanaṃ
śubhadṛṣṭiyuktam || sarvāpadāṃ viharato bhavati prasūtiḥ pūjāpare khalu
yathā paṭhanairgrahāṇām

37.15

udyo'gastyamuneḥ saptarṣīṇāṃ marīcipūrvāṇām || sarvāriṣṭaṃ naśyati
tama iva sūryodaye prabalam

37.16

ajavṛṣakakiṃṇi lagne
rakṣati rāhuḥ samastapīḍābhyaḥ || pṛthivīpatiḥ prasannaḥ kṛtāparādhaṃ
yathā puruṣam

37.17

caṃdraḥ śubhavargasthaḥ kṣīṇopi śubhekṣito
harati riṣṭam || jalamiva hantyatisāraṃ jātīphalavalkalakathitam

37.18

saptāṣṭamaṣaṣṭhasthāḥ śaśinaḥ saumyā haraṃti kaṣṭaphalam
yuvatijanasya kaṭākṣā lalitā yūnāṃ yathā nūnam

37.19

pāparāṃśiṃgate caṃdre tadīśeena nirīkṣite || saumyagrahāṇāṃ vargasthe
kṛpaṇena dhanaṃ yathā

37.20

caṃdrādhiṣṭhitarāśīśe lagnasthe śubhavīkṣite || bhṛguṇā vīkṣite caṃdre svocce riṣṭaṃ harettadā

37.21

svoccasthe svagṛhetha vāpi suhṛdāṃ varge svakīyetha vā saṃpūrṇaḥ śubhavīkṣitaḥ śaśadharo vargeṣu saumyeṣu vā || śatrūṇāmavalokanena rahitaḥ
pāpairayuktekṣito riṣṭaṃ haṃti sudustaraṃ dinamaṇiḥ prāleyanāśaṃ yathā

37.22

adhyāyoāriṣṭabhaṃgākhyaḥ proktaścitāmaṇau mayā || madhuvṛttyā gṛhītvā tu vyaṃkaṭeśvaraśarmaṇā

37.22.p1

iti śrīsarvārthaciṃtāmaṇāvariṣṭabhaṅganirūpaṇo nāma ekādaśodhyāyaḥ || 11

Linked texts (6)