Sarvarthacintamani 46: atha gurvādidaśāphalavicārādhyāyaḥ
Sarvārthacintāmaṇi 46
- Language
- Sanskrit
atha gurvādidaśāphalavicārādhyāyaḥ
46.1
gurordaśāyāṃ paramoccagasya rājyaṃ mahatsaukhyamupaiti kīrttim
manovilāsaṃ gajavājisaṃghannṛpābhiṣekaṃ svakulādhipatyam
46.2
kulīragasyāpi gurordaśāyāṃ bhāgyottaraṃ bhūpatimānanādvā
videśayānaṃ mahadādhipatyaṃ duḥkhaiḥ pariklinnatanurmanuṣyaḥ
46.3
ārohiṇī devagurormahattvaṃ daśā prapannā kurute'rthabhūmim || gānakriyā strīsutarājapūjyaṃ svavīryataḥ prāptayaśaḥ pratāpam
46.4
jīvadaśāyāmārohiṇyāmīśo maṇḍalādinātho vā || dvijabhūpālalabdhadhano medhāvī kāṃtimān vinītijñaḥ
46.5
devendrapūjyasya daśāvarohī karoti saukhyaṃ sakṛdeva nāśam || sakṛdyaśaḥ kāṃtiviśeṣajālaṃ nareśvaratvaṃ sakṛdeva yāti
46.6
atinīcabhāgabhājo gurordaśāyāṃ prabhagnagṛhapuṃjaḥ || anyonyahṛdayavairaṃ
kṛṣināśaṃ yāti parabhṛtyaḥ
46.7
mūlatrikoṇanilayasya gurordaśāyāṃ rājyārthabhūmisutadāraviśeṣasaukhyam || yānādhirohaṇamapi svabalāttavittaṃ yajñādikarmajanapūjitapādapīṭham
46.8
gurordaśāyāṃ svagṛhaṃ gatasya rājñorthabhūdhānyasukhāṃbaraṃ ca || miṣṭānnado vājimanovilāsaṃ kāvyādipuṇyāgamavedaśāstram
46.9
gurordaśāyāmatiśatrurāśiṃ gatasya duḥkhaṃ samupaiti śokam || viṣādabhūmyarthakalatranāśaṃ nṛpāgnicaurairbahuduḥkhapīḍām
46.10
gurordaśāyāmarirāśigasya kṣetrādivittaṃ śayanāṃvaraṃ ca || nareśasanmānamupaiti nityaṃ strīputrabhṛtyātmasahodarārttim
46.11
prāptau daśāyāmatimitrarāśiṃ gatasya jīvasya narendrapūjyam
mṛdaṃgabherīravayānaghoṣaṃ digaṃtarākrāṃtasamastabhāgyam
46.12
mitrarkṣagatyāpi gurordaśāyāṃ nareśamaitrīṃ samupaiti kīrttim || vidyāvivāde jayamannasaukhyaṃ sugaṃdhamṛdvastraparopakāram
46.13
samarkṣasyāpi gurordaśāyāṃ sāmānyato bhūpatidattabhāgyam || kṛṣyarthagobhūmimanovilāsaṃ mitrāṃbarālaṃkṛtibhūṣaṇāptim
46.15
pañcadaśo'dhyāyaḥ