Sarvarthacintamani 50
Sarvārthacintāmaṇi 50
- Language
- Sanskrit
Contents
- 50.45 — 1 part
50.1
iti śukradaśāphalam
atha śanidaśāphalavicāraḥ
mandocyuccadaśāyāṃ grāmasabhāmaṇḍalādhipatyaṃ syāt || labhate
vinodaśīlaṃ pitṛnāśaṃ baṃdhukalahaṃ ca
50.2
svoccadaśāyāṃ kurute
deśabhraṃśaṃ manorujaṃ duḥkham || vāṇijyasattvahāniṃ kṛṣihāniṃ nṛpavirodhaṃ ca
50.3
ārohiṇīṃ vāsaranāthasūnordaśāvipāke nṛpalabdhabhāgyam || vāṇijyalābhaṃ kṛṣibhūmilābhaṃ govājiyānaṃ sutadāralābham
50.4
dineśasūnostvavarohakāle rājyacyutiṃ dārasutārthanāśam
bhāgyakṣayaṃ bhūpatikopayuktaṃ preṣyatvamāyāti gudākṣirogam
50.5
nīcasthitasyāpi dineśasūnordāye kalatrātmajasodarāṇām
nāśaṃ mahatakaṣṭatarāṃ kṛpiṃ ca nīcānuvṛttyā samupaiti vṛttim
50.6
mūlatrikoṇanilayasya śanerdaśāyāṃ deśāntarādvinavāsamupaiti
kāle || nāmadvayaṃ yadi sabhānagarādhipatyaṃ vidveṣaṇaṃ sutakalatradhanādibhirvā
50.7
svakṣetragasya ca daśā divaseśasūnordveṣaṃ karoti
balapauruṣakīrtijālam || rājāśrayaṃ kanakabhūṣaṇabhūmilābhaṃ dhairya
svanāmasadṛśānuguṇaṃ ca saukhyam
50.9
śanerdaśāyāmatiśatrugasya sthānacyutiṃ baṃdhuvirodhatāṃ ca || caurādibhūpairbhaya matravighno bhṛtyārthadārātmajakopameti||8||dineśasūnostvara rāśigasya vaiśyāddhanaṃ prāpyati bhūma Corporate nāśam || kṛṣervināśaṃ
svapadacyutiṃ ca vairaṃ samāyāti śarīrakṛcchram
50.10
mitrakṣetradaśāyāṃ maṃdasya tu śilpakarmaguṇavettā || jñānabalaṃ ca
pratāpaṃ dadāti duḥkhaṃ mahattvaṃ ca
50.11
adhimitramaṃdadāye dadāti
saukhyaṃ nareśasanmānam || sutadhanadāraviśeṣāt paśukṛṣimahiṣādivāṇijyam
50.12
samarkṣagasyāpi śanerdaśāyāṃ samānabuddhiḥ
sutadāramitre || bhṛtyāpadaṃ baṃdhujaneṣu vairaṃ dehasya kaṣṭaṃ kṣayavātapittaiḥ
50.13
nīcakhecarasaṃyuktaśanerdāye mahadbhayam || vipralaṃbhopavāsaśca nīcavṛttyānujīvanam
50.14
svoccakhecarasaṃyuktaśanerdāye mahatsukham
kiñcidrājyaṃ kṛṣerlābhaṃ bhṛtyavargārthanāśanam
50.15
pāpānvitasyāpi śanerdaśāyāṃ pāpāni gūḍhāni karoti kāle
nīcastriyā saṃgamanaṃ viśeṣāccaurādinīcaiḥ kalahaṃ vidāram
50.16
śubhānvitasyāpi śanerdaśāyāṃ viśeṣato jñānamupaiti kāle
paropakāraṃ nṛpalabdhabhāgyaṃ kṛṣṇāni dhānyānyayaśaśca lābham
50.17
pāpekṣitasyāpi śanerdaśāyāṃ bhṛtyārthadārātmajasodarāṇām ||nāśaṃ
samāyāti parāpavādaṃ kubhojanaṃ kutsitagaṃdhamālyam
50.18
śubhekṣitasyāpi śanerdaśāyāṃ strīputrabhṛtyārthamupaiti kāle || paścādupaityatra mahattvakaṣṭaṃ gobhūmivānijyakṛṣervināśam
50.19
kendrānvitaśanerdāye kalahāyāsapīḍanam || putramitrārthadārādibaṃdhūnāṃ maraṇaṃ dhruvam
50.20
lagnasthitaśanerdāye dehakṛcchramupaiti ca || sthānacyutiṃ pravāsaṃ ca rājakopaṃ śirorujam
50.21
caturthasthaśanerdāye mātṛtadvarganāśanam || gṛhadāhaṃ padabhraṃśaṃ caurārti
nṛpapīḍanam
50.22
dārarāśigatasyāpi śanerdāye'ripīḍanam || mūtrakṛcchraṃ mahādveṣaṃ
strīhetormaraṇaṃ ca vā
50.23
daśamasthaśanerdāye karmanāśamupaiti
ca || deśāṃtaraṃ padabhraṃśaṃ nigaḍaṃ rājapīḍanam
50.24
dvitīyasthaśanerdāye vittanāśamathākṣiruk || rājakopaṃ manastāpamannadveṣaṃ
manorujam
50.25
tṛtīyasthaśanerdāye kṛṣigodhanasaṃpadaḥ
manojāḍyaṃ manotsāhaṃ bhrātṛvarganāśanam
50.26
paṃcamasthaśanerdāye putranāśaṃ manorujam || rājakopaṃ bhṛtyanāśaṃ
baṃdhustrīvittavibhramam
50.27
ṣaṣṭhastharavisūnostu daśākāle'ripīḍanam || vyādhicauraviṣairbādhāṃ gṛhakṣetravināśanam
50.28
maraṇapadastho maṃdaḥ karoti nityaṃ sutārthadārāṇām || nāśaṃ
bhṛtyajanānāṃ gomahiṣabhūmidāranāśaṃ ca
50.29
navamagatamaṃdadāye pitrornāśaṃ gurostathaivāpi || labhate videśayānaṃ svakulajātairvināśamupayāti
50.30
lābhagatamaṃdadaśāyāṃ labhate vividhārtha
saukhyasanmānam || sutadārabhṛtyasaukhyaṃ manovilāsaṃ kṛṣeśca
dhanalābhaḥ
50.31
vyayagatamaṃdadaśāyāṃ bhītiṃ caurāgnibhūpasaṃghaiśca || vividhāpadaṃ ca
duḥkhaṃ videśayānaṃ svabaṃdhunāśaśca
50.32
arkagamaṃdadaśāyāṃ
svajanadveṣaṃ parastriyaṃ labhate || bhṛtyāpatyavirodhaṃ mahodyamaṃ doṣaparibhūtam
50.33
nīcāṃśamaṃdadāye nīcācāreṇa jīvanaṃ labhate || sarveṣāṃ preṣyatvaṃ
dhanasutadāraiśca vigrahaṃ duḥkham
50.34
uccāṃśamaṃdadāye vividhasukhānandabhogabhāgyādīn || kurute videśayānaṃ grāmasabhāmaṇḍalādhipatyaṃ vā
50.35
ādau maṃdadaśāyāmatiduḥkhaṃ mātṛnāśanaṃ
kurute || madhye videśayānaṃ paragṛhavāsaṃ parānnabhuk cāṃte
50.36
sthānavīryayutamaṃdadaśāyāṃ dāraputradhanakīrtimupaiti || coraśatrunṛpavahnibhayaṃ vā dhānyabhūmikṛṣivāhanalābham
50.37
maṃdasya
digviryayutasya dāye digaṃtarādāptasutārthakīrttim || bhūpūḍhadārāmajasodarāṇāṃ vināśanaṃ baṃdhujanairvirodham
50.38
kālavīryayutamaṃdadaśāyāṃ kālakūṭaviṣabhītimupaiti || dāraputranṛpacorabhayaṃ
vā dhānyabhūmikṛpivāhanalābham
50.39
vakracārayuto mandaḥ karoti viphalāṃ kriyāṃm || udyogabhaṃgaṃ duḥkhaṃ
ca sodarāṇāṃ canāśanam
50.40
krūraṣaṣṭyaṃśayuktasya śanidāye
mahadbhayam || nṛpakopaṃ padabhraṃśaṃ kārāgṛhaniveśanam
50.41
saumyaṣaṣṭyaṃśasaṃyuktaśanidāye mahatsukham||dāraputrārthasaṃpattiṃ labhate
bandhuvigraham
50.42
vaiśeṣikāṃśasaṃyuktaḥ śaniḥ saukhyaṃ karoti ca !! viśeṣādrājasanmānaṃ vicitrāṃbarabhūṣaṇam
50.43
krūradreṣkāṇasaṃyuktaśanidāye
mahadbhayam || udvaṃdhanaṃ viṣādbhītiṃ nṛpacaurāgnijaṃ bhayam
50.44
nīcarāśigato maṃdaḥ svoccāṃśakasamanvitaḥ ||daśādau duḥkhamāpādya
daśāṃte sukhado bhavet
50.45
uccarāśigato maṃdo nīcāṃśakasamanvitaḥ||daśādau sukhamāpādya daśānte kaṣṭado bhavet
50.45.p1
iti śrīsarvārthaciṃtāmaṇau gurvādiśanyantadaśāphalānirūpaṇo nāma paṃcadaśo'dhyāyaḥ
Linked texts (1)
- Bhārgavanāḍikā — Bhārgava, Sanskrit