Sarvarthacintamani 52
Sarvārthacintāmaṇi 52
- Language
- Sanskrit
52.1
artha rāhuketudaśāphalavicārādhyāyaḥ
rāhostu vṛṣabhaṃ ketorvṛścikaṃ tuṃgasaṃjñitam || mūlatrikoṇaṃ kumbhaṃ
ca priyaṃ mitrabhamucyate
52.2
eṣāṃ saptamarāśistu ketormūlatrikoṇabham || ṣaṣṭhāṣṭariṣphago rāhuḥ svadāye kaṣṭado bhavet
52.3
uccasthaḥ saiṃhikeyastu tatpāke sukhado bhavet|| rājyaṃ karoti mitrāptiṃ
dhanadhānyavivarddhanam
52.4
rāhurnīcasthito dāye caurāminṛpabhītidaḥ || udvaṃdhanaṃ viṣādbhītiṃ
kurute siṃhikāsutaḥ
52.5
rāhordaśāyāṃ saṃprāptau nṛpacaurāgnipīḍanam || videśayānaṃ duḥkhārtti vanavāsādbhayaṃ dhruvam
52.6
lagnagatarāhudāye buddhivihīnaṃ viṣāgniśastrādyaiḥ || baṃdhuvināśaṃ labhate duḥkhārtti ca parājayaṃ samare
52.7
rāhordaśāyāṃ dhanarāśigasya rājyaṃ ca vittaṃ harate viśeṣāt || kubhojanaṃ kutsitarājasevā manovikāraṃ tvanṛtaṃ prakopam
52.8
tṛtīyarāśisthitarāhudāye putrārthadārātmasahodarāṇām||sukhaṃ kṛṣervvardhanamādhipatyaṃ videśayānaṃ narapālapūjyam
52.9
caturtharāśisthitarāhudāye māturvināśaṃ tvathavā tadīyam || kṣetrārtha
nāśaṃ nṛpateḥ prakopaṃ bhāryādipātityamanekaduḥkham
52.10
caurāgnibaṃdhārttimanovikāraṃ dārātmajānāmapi rogapīḍā || caturtharāśisthitarāhudāye prabhagnasaṃsārakaḷatraputram
52.11
buddhibhramaṃ bhojanasaukhyanāśaṃ vidyāvivādaṃ kalahaṃ ca duḥkham || kopaṃ narendrasya sutasya nāśaṃ rāhoḥ sutasthasya daśāvipāke
52.12
daśāvipāke tvarirāśigasya caurāglibhūpairbhayamāptanāśam || pramehagulmakṣayapittarogaṃ tvagdoṣarogaṃ tvathavā mṛtiṃ ca
52.13
kalatrarāśisthitarāhudāye kalatranāśaṃ samupaiti śīghram || videśayānaṃ
kṛṣibhāgyahāniṃ sarpādbhayaṃ mṛtyusutārthanāśam
52.14
rāhordaśāyāṃ
nidhanasthitasya yamālayaṃ yāti sutārthanāśam || caurāglibhūpaiḥ
svakulodbhavaiśca bhayaṃ bhṛgorvā vanavāsaduḥkham
52.15
rāhordaśāyāṃ navamasthitasya pitrorvināśaṃ labhate manuṣyaḥ || videśayānaṃ gurubaṃdhunāśaṃ snānaṃ samudrasya sutārthanāśam
52.16
mānasthitasyāpi daśāvipāke rāhoḥ pravṛtttiṃ labhate manuṣyaḥ || purāṇadharmaśravaṇādibhiśca gāṃgeyatoyairapi śuddhadehaḥ
52.17
saumyarkṣagaścetphalamevameva pāparkṣagaścenna tathābhaveddhi || proktaṃ phalaṃ yatsakalaṃ tadeva saumyarkṣagaścetphalamanyathā syāt
52.18
pāpakṣetragato rāhuḥ karmasthaḥ pāpasaṃyutaḥ || abhiśastastadā
kāle putradārānipīr̤anam
52.19
āyarāśigato rāhustatpāke
nṛpamānanam || dhanārttiṃ dāralābhaṃ ca gṛhakṣetrādisaṃpadaḥ
52.20
vyayagatarāhudaśāyāṃ deśabhraṃśaṃ manorujaṃ kurute || vicchinnadāraputraṃ
kṛṣipaśudhanadhānyasaṃpadāṃ nāśam
52.21
kulīragomeṣayutasya rāhordaśāvipāke dhanalābhameti || vidyāvi
nodaṃ nṛpamānanaṃ ca kalatrabhṛtyātmasukhaṃ prayāti
52.22
pātho
namīnāśvayutasya rāhordaśāvipāke sutadāralābham || deśādhipatyaṃ
naravāhanaṃ ca daśāvasāne sakalaṃ vināśam
52.23
pāparkṣasaṃyuktaphaṇīndradāye dehasya kārśyaṃ svakulasya nāśam || bhūpādayaṃ
vañcanato'ribhītiḥ pramehakāsakṣayamūtrakṛcchram
52.24
śubhadṛṣṭiyuto rāhuḥ karoti saphalakriyām || rājamānanama
rthāttiṃ baṃdhūnāṃ maraṇaṃ dhruvam
52.25
pāpaddaṣṭiyuto rāhuḥ karmanāśaṃ
karoti ca || udyogabhaṃgaṃ dehārttiṃ caurāgninṛpapīr̤anam
52.26
uccagrahayuto rāhūrājyalābhaṃ karoti ca || strīputradhanasaṃpattivastrābharaṇalepanam
52.27
nīcagrahayuto rāhurnīcavṛttyānujivinam
kubhojanaṃ kudāraṃ ca kuputraṃ labhate tadā
52.28
daśādau duḥkhamāpnoti daśāmadhye sukhaṃ yaśaḥ || daśāṃte sthānanāśaṃ ca guruputrādināśanam