[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Genethlialogy (natal astrology)](https://indike.org/pramana/in.astro.hora) › [Medieval and early modern general compendia of genethlialogy](https://indike.org/pramana/in.astro.hora.nibandha) › [General treatises on predictive astrology (Phalitajyotiṣa / Phalagrantha)](https://indike.org/pramana/in.astro.hora.nibandha.phalajyotisa-works) › [Sarvarthacintamani](https://indike.org/pramana/in.astro.hora.nibandha.phalajyotisa-works.sarvarthacintamani-2) › 52 # Sarvarthacintamani 52 Sarvārthacintāmaṇi 52 - **Language:** Sanskrit ### [52.1](https://indike.org/pramana/in.astro.hora.nibandha.phalajyotisa-works.sarvarthacintamani-2.52.1) artha rāhuketudaśāphalavicārādhyāyaḥ rāhostu vṛṣabhaṃ ketorvṛścikaṃ tuṃgasaṃjñitam || mūlatrikoṇaṃ kumbhaṃ ca priyaṃ mitrabhamucyate ### [52.2](https://indike.org/pramana/in.astro.hora.nibandha.phalajyotisa-works.sarvarthacintamani-2.52.2) eṣāṃ saptamarāśistu ketormūlatrikoṇabham || ṣaṣṭhāṣṭariṣphago rāhuḥ svadāye kaṣṭado bhavet ### [52.3](https://indike.org/pramana/in.astro.hora.nibandha.phalajyotisa-works.sarvarthacintamani-2.52.3) uccasthaḥ saiṃhikeyastu tatpāke sukhado bhavet|| rājyaṃ karoti mitrāptiṃ dhanadhānyavivarddhanam ### [52.4](https://indike.org/pramana/in.astro.hora.nibandha.phalajyotisa-works.sarvarthacintamani-2.52.4) rāhurnīcasthito dāye caurāminṛpabhītidaḥ || udvaṃdhanaṃ viṣādbhītiṃ kurute siṃhikāsutaḥ ### [52.5](https://indike.org/pramana/in.astro.hora.nibandha.phalajyotisa-works.sarvarthacintamani-2.52.5) rāhordaśāyāṃ saṃprāptau nṛpacaurāgnipīḍanam || videśayānaṃ duḥkhārtti vanavāsādbhayaṃ dhruvam ### [52.6](https://indike.org/pramana/in.astro.hora.nibandha.phalajyotisa-works.sarvarthacintamani-2.52.6) lagnagatarāhudāye buddhivihīnaṃ viṣāgniśastrādyaiḥ || baṃdhuvināśaṃ labhate duḥkhārtti ca parājayaṃ samare ### [52.7](https://indike.org/pramana/in.astro.hora.nibandha.phalajyotisa-works.sarvarthacintamani-2.52.7) rāhordaśāyāṃ dhanarāśigasya rājyaṃ ca vittaṃ harate viśeṣāt || kubhojanaṃ kutsitarājasevā manovikāraṃ tvanṛtaṃ prakopam ### [52.8](https://indike.org/pramana/in.astro.hora.nibandha.phalajyotisa-works.sarvarthacintamani-2.52.8) tṛtīyarāśisthitarāhudāye putrārthadārātmasahodarāṇām||sukhaṃ kṛṣervvardhanamādhipatyaṃ videśayānaṃ narapālapūjyam ### [52.9](https://indike.org/pramana/in.astro.hora.nibandha.phalajyotisa-works.sarvarthacintamani-2.52.9) caturtharāśisthitarāhudāye māturvināśaṃ tvathavā tadīyam || kṣetrārtha nāśaṃ nṛpateḥ prakopaṃ bhāryādipātityamanekaduḥkham ### [52.10](https://indike.org/pramana/in.astro.hora.nibandha.phalajyotisa-works.sarvarthacintamani-2.52.10) caurāgnibaṃdhārttimanovikāraṃ dārātmajānāmapi rogapīḍā || caturtharāśisthitarāhudāye prabhagnasaṃsārakaḷatraputram ### [52.11](https://indike.org/pramana/in.astro.hora.nibandha.phalajyotisa-works.sarvarthacintamani-2.52.11) buddhibhramaṃ bhojanasaukhyanāśaṃ vidyāvivādaṃ kalahaṃ ca duḥkham || kopaṃ narendrasya sutasya nāśaṃ rāhoḥ sutasthasya daśāvipāke ### [52.12](https://indike.org/pramana/in.astro.hora.nibandha.phalajyotisa-works.sarvarthacintamani-2.52.12) daśāvipāke tvarirāśigasya caurāglibhūpairbhayamāptanāśam || pramehagulmakṣayapittarogaṃ tvagdoṣarogaṃ tvathavā mṛtiṃ ca ### [52.13](https://indike.org/pramana/in.astro.hora.nibandha.phalajyotisa-works.sarvarthacintamani-2.52.13) kalatrarāśisthitarāhudāye kalatranāśaṃ samupaiti śīghram || videśayānaṃ kṛṣibhāgyahāniṃ sarpādbhayaṃ mṛtyusutārthanāśam ### [52.14](https://indike.org/pramana/in.astro.hora.nibandha.phalajyotisa-works.sarvarthacintamani-2.52.14) rāhordaśāyāṃ nidhanasthitasya yamālayaṃ yāti sutārthanāśam || caurāglibhūpaiḥ svakulodbhavaiśca bhayaṃ bhṛgorvā vanavāsaduḥkham ### [52.15](https://indike.org/pramana/in.astro.hora.nibandha.phalajyotisa-works.sarvarthacintamani-2.52.15) rāhordaśāyāṃ navamasthitasya pitrorvināśaṃ labhate manuṣyaḥ || videśayānaṃ gurubaṃdhunāśaṃ snānaṃ samudrasya sutārthanāśam ### [52.16](https://indike.org/pramana/in.astro.hora.nibandha.phalajyotisa-works.sarvarthacintamani-2.52.16) mānasthitasyāpi daśāvipāke rāhoḥ pravṛtttiṃ labhate manuṣyaḥ || purāṇadharmaśravaṇādibhiśca gāṃgeyatoyairapi śuddhadehaḥ ### [52.17](https://indike.org/pramana/in.astro.hora.nibandha.phalajyotisa-works.sarvarthacintamani-2.52.17) saumyarkṣagaścetphalamevameva pāparkṣagaścenna tathābhaveddhi || proktaṃ phalaṃ yatsakalaṃ tadeva saumyarkṣagaścetphalamanyathā syāt ### [52.18](https://indike.org/pramana/in.astro.hora.nibandha.phalajyotisa-works.sarvarthacintamani-2.52.18) pāpakṣetragato rāhuḥ karmasthaḥ pāpasaṃyutaḥ || abhiśastastadā kāle putradārānipīr̤anam ### [52.19](https://indike.org/pramana/in.astro.hora.nibandha.phalajyotisa-works.sarvarthacintamani-2.52.19) āyarāśigato rāhustatpāke nṛpamānanam || dhanārttiṃ dāralābhaṃ ca gṛhakṣetrādisaṃpadaḥ ### [52.20](https://indike.org/pramana/in.astro.hora.nibandha.phalajyotisa-works.sarvarthacintamani-2.52.20) vyayagatarāhudaśāyāṃ deśabhraṃśaṃ manorujaṃ kurute || vicchinnadāraputraṃ kṛṣipaśudhanadhānyasaṃpadāṃ nāśam ### [52.21](https://indike.org/pramana/in.astro.hora.nibandha.phalajyotisa-works.sarvarthacintamani-2.52.21) kulīragomeṣayutasya rāhordaśāvipāke dhanalābhameti || vidyāvi nodaṃ nṛpamānanaṃ ca kalatrabhṛtyātmasukhaṃ prayāti ### [52.22](https://indike.org/pramana/in.astro.hora.nibandha.phalajyotisa-works.sarvarthacintamani-2.52.22) pātho namīnāśvayutasya rāhordaśāvipāke sutadāralābham || deśādhipatyaṃ naravāhanaṃ ca daśāvasāne sakalaṃ vināśam ### [52.23](https://indike.org/pramana/in.astro.hora.nibandha.phalajyotisa-works.sarvarthacintamani-2.52.23) pāparkṣasaṃyuktaphaṇīndradāye dehasya kārśyaṃ svakulasya nāśam || bhūpādayaṃ vañcanato'ribhītiḥ pramehakāsakṣayamūtrakṛcchram ### [52.24](https://indike.org/pramana/in.astro.hora.nibandha.phalajyotisa-works.sarvarthacintamani-2.52.24) śubhadṛṣṭiyuto rāhuḥ karoti saphalakriyām || rājamānanama rthāttiṃ baṃdhūnāṃ maraṇaṃ dhruvam ### [52.25](https://indike.org/pramana/in.astro.hora.nibandha.phalajyotisa-works.sarvarthacintamani-2.52.25) pāpaddaṣṭiyuto rāhuḥ karmanāśaṃ karoti ca || udyogabhaṃgaṃ dehārttiṃ caurāgninṛpapīr̤anam ### [52.26](https://indike.org/pramana/in.astro.hora.nibandha.phalajyotisa-works.sarvarthacintamani-2.52.26) uccagrahayuto rāhūrājyalābhaṃ karoti ca || strīputradhanasaṃpattivastrābharaṇalepanam ### [52.27](https://indike.org/pramana/in.astro.hora.nibandha.phalajyotisa-works.sarvarthacintamani-2.52.27) nīcagrahayuto rāhurnīcavṛttyānujivinam kubhojanaṃ kudāraṃ ca kuputraṃ labhate tadā ### [52.28](https://indike.org/pramana/in.astro.hora.nibandha.phalajyotisa-works.sarvarthacintamani-2.52.28) daśādau duḥkhamāpnoti daśāmadhye sukhaṃ yaśaḥ || daśāṃte sthānanāśaṃ ca guruputrādināśanam --- Source: [https://indike.org/pramana/in.astro.hora.nibandha.phalajyotisa-works.sarvarthacintamani-2.52](https://indike.org/pramana/in.astro.hora.nibandha.phalajyotisa-works.sarvarthacintamani-2.52) · Pramāṇa