Sarvarthacintamani 53
Sarvārthacintāmaṇi 53
- Language
- Sanskrit
53.1
iti rāhudaśāphalavicāraḥ
atha ketudaśāphalam
bhāryāputravināśanaṃ narapaterbhītirmahatkaṣṭatāṃ vidyābandhudhanāptimitrarahitaṃ rogāgnimitrairbhayam || yānārohaṇapātanaṃ viṣajalaiḥ
śastrādibhirvā bhayaṃ deśāddeśavivāsanaṃ kaliruciṃ dehādibhirvā
bhayam
53.2
ketordaśāyāṃ saṃprāptau dāraputravināśanam || rājakopaṃ manastāpaṃ caurāgnikṛpināśanam
53.3
kendrasthasya daśāketoḥ karoti viphalakriyām || rājyārthasutadārāṇāṃ nāśanaṃ vipadaṃ tathā
53.4
lagnakeṃdragatasyāpi ketordāye
mahadbhayam || jvarātisāramehaṃ ca sphoṭakādivisūcikāḥ
53.5
dhanarāśigatasyāpi ketordāye dhanakṣayam || vākpāruṣyaṃ manoduḥkhaṃ kutsitānnaṃ manorujam
53.6
tṛtīyarāśigatasyāpi
ketordāye mahatsukham || manovaikalyamāyāti bhrātṛbhirdveṣaṇaṃ param
53.7
caturtharāśigasyāpi ketordāye sukhakṣayam || prabhagnadāraputrādigṛhe dhānyapraharṣitaḥ
53.8
paṃcamasthasya ketostu daśākāle sutakṣayam || buddhibhramaṃ viśeṣeṇa
rājakopaṃ dhanakṣayam
53.9
ketostvarigatasyāpi daśākāle
mahadbhayam || caurāgniviṣabhītiśca daśātiṃ samupaiti ca
53.10
kalatrarāśisaṃyuktaketordāye mahadbhayam || dāraputrārthanāśaṃ ca mūtrakṛcchraṃ
manorujam
53.11
ketoraṣṭamayuktasya daśākāle mahadbhayam
pitṛmṛtyuśvāsakāsagrahaṇyādikṣayānvitaḥ
53.12
navamasthasya
ketostu daśāpāke piturvipat || gurorvā vipadaṃ duḥkhaṃ śubhakarmavināśanam
53.13
karmasthaketoḥ saṃprāptau daśāyāṃ sukhameti ca || mānahāniṃ manojāḍyamapakīrtiṃ manorujam
53.15
lābhasthaketoḥ saṃprāptau dāye
saukhyaṃ karoti ca || bhrātṛvargādisaukhyaṃ ca yajñadānādivarddhanam
14||ripphasthaketoḥ saṃprāptau dāye kaṣṭataraṃ bhavet || sthānacyutiṃ
pravāsaṃ ca rājapīḍākṣināśanam
53.16
daśādau sukhamāpnoti
daśāmadhye mahadbhayam || daśāṃte rājabhītiśca dehajāḍyamathāpi vā
53.17
śubhavīkṣaṇasaṃyuktaḥ ketuḥ saukhyaṃ karoti ca || rājyārthaṃ gṛhaśāṃtiṃ
ca rājapūṃjāṃ mahādṛḍham
53.18
pāpekṣitayuto vāpi keturduḥkhaṃ
karoti ca || jvarātisāramehāṃśca tvagdoṣaṃ rājapīḍanam