Sarvarthacintamani 54

Sarvārthacintāmaṇi 54

Language: Sanskrit

54.1

athāntardaśāphalāni
tejasvinamatisukhinaṃ susthiravibhavaṃ nṛpācca labdhadhanam || svanavāṃ
śakavalayuktaḥ puruṣaṃ kuryāddhanānvitaṃ khyātam

54.2

śubhadarśana
phalayuktaḥ karoti vikhyātakiṃ sadhanam || subhagaprayāsamamalaṃ suhṛpadehaṃ susaumyaṃ ca

54.3

anyonyaṣaṣṭhāṣṭamadāyakāle nṛpādbhayaṃ bhṛtyajanairvirodham || striyā
virodhaṃ sutadāranāśaṃ caurāgnivaṃdhvārtimanovikāram

54.4

pākeśvarādaṃtyagatasya bhuktau sthānacyutiṃ baṃdhujanairvirodham || videśayānaṃ svajanairvirodhaṃ pādākṣihṛdrogamupaiti kāle

54.5

daśādhipenāpi yutasya bhuktau strīputrabhṛtyārthakṛṣervināśam || udyogabhaṃgaṃ svajanairvirodhamākasmikaṃ dūṣaṇameti kāle

54.6

daśādhipādittagatasya bhuktau mṛdvannapānāṃbaragaṃdhamālyam||paropakāraṃ svajanasya sakhyaṃ strīputrabaṃdhvātmamanovilāsam

54.7

daśādhipātsodararāśigasya bhuktau nṛpādittamupaiti sakhyam || sugaṃdhamālyāṃbarabhūṣaṇaṃ ca suhṛdbhavaṃ bhojanasaukhyapuṣṭim

54.8

dāyeśvarādvaṃdhugatasya bhuktau dārātmajārthagṛhadharmayānam || miṣṭānna
pānāṃbarabhūṣaṇaṃ ca śubhagrahaścetphalamanyathā tat

54.9

pāpagrahopi śubhadaḥ khalu dāyanāthādvandhusthitasvabhavanoccabalādiyuktaḥ || saumyagrahopyaśubhadaḥ sukharāśiyukto dāyeśvarātsvabhavanoccabalādihīnaḥ

54.10

daśānāthātsutasthasya bhuktau putrādimādiśet || śubhagrahasya saukhyaṃ ca pāpabhuktau sutakṣayam

54.11

antardaśāyāṃ pāpasya ṣaṣṭhasthasya daśeśvarāt || caurādikṣaṇadeharti labhate padavibhramam

54.12

tasmātṣaṣṭhasya saumyasya daśeśātsukhavarddhanam||labhate putramitrārtti sveāccamūlādigasya tu

54.13

dāyeśātsaptamasthasya pāpasyāpahṛtau tathā || dārārthaputrabaṃdhūnāṃ
nāśaṃ bhūmipaterbhayam

54.14

saptamasthaśubhasyāpi hṛtau saukhyaṃ
daśādhipāt || nīcaśatruvihīnasya sadratnāṃbarabhūṣaṇam

54.15

pākeśādaṣṭamasthasya saumyasyāpahṛtau sukham || bhuktyādau śobhanaṃ proktamaṃte kaṣṭaṃ vinirdiśet

54.16

pākeśādaṣṭamasthasya
pāpasyāpahṛtau bhayam || nidhanaṃ kutsitānnaṃ ca caurāgninṛpapīḍanam

54.17

dāyeśānnavamasthasya pāpasyāpahṛtau yadā
aśubhaṃ labhate karmasthānabhraṃśo manorujam

54.18

pradhānataḥ
śubhasthasya saumyasyāpahṛtau yadā || vivāhaṃ yajñadīkṣāṃ ca dānādīn labhate naraḥ

54.19

karmasthapāpakheṭasya hṛtau pākeśvarādyadā || karmanāśamavāpnoti
duṣkīrti vividhāpadam

54.20

tasmātkarmasthasaumyasya hṛtau
saukhyaṃ vinirdiśet || taḍāgagopurādīnāṃ puṇyakarmādisaṃgrahaḥ

54.21

lābhasthasya daśānāthātpāpasyāpahṛtau dhanam || labhate
putramitrārthasthānaprāptiṃ ca śāśvatīm

54.22

pākeśāllābhayuktasya saumyasyāpahṛtau sukham || bhāgyottaraṃ nṛpātprītiṃ dāraputrādivarddhanam

54.23

vyayasthasya hṛtau duḥkhaṃ pāpasya tu daśādhipāt || arthanāśaṃ nṛpātkrodhaṃ sthānanāśaṃ smṛtibhramam

54.24

pākeśvarādvayasthasya saumyasyāpahṛtau yadā || vāhanaṃ bhogabhāgyaṃ
ca vastrābharaṇabhūṣaṇam

54.25

tattaddaśāyāṃ saṃyojyamevamevaṃ viśeṣataḥ || svakṣoccavargamitrādi vinā
sarvatra kalpayet

54.26

lagnārthasotthagasyāpi pāpasyāpahṛtau
tadā||pākeśādduḥkhamāpnoti saumyabhuktau śubhaṃ bhavet

54.27

aṃtardaśāyāṃ krūrasya krūradāye mahadbhayam || sthānākṣivandhuputrārthadāranāśaṃ nṛpādbhayam

54.28

śubhabhuktau śubhe dāye sthānavāhanabhūṣaṇam || saumyabhuktau pāpadāye
tvādau saukhyaṃ paraṃ bhayam

54.29

saumyadāye pāpabhuktau tvādau
kaṣṭaṃ tataḥ śubham ||śīrṣodayarkṣagāḥ kheṭāstvādau cānte nṛṛkṣagāḥ

54.30

yatra saṃpādabāhulyaṃ yojayitvā phalaṃ vadet || api
saṃvādakāryeṣu yathoktaṃ phalamādiśet