Sarvarthacintamani 55
Sarvārthacintāmaṇi 55
- Language
- Sanskrit
55.1
atha grahāṇāṃ lagnādisthitabhedena punarapyaṃtardaśāphalaviśeṣamāha
lagnagasya raveḥ pāke bhaumārkiśikhibhoginām || aṃtardaśāyāṃ
duḥkhaṃ ca rājyārthagṛhanāśanam
55.2
teṣāmagocarasthānāṃ dineśātphalamīdṛśam || gocarasthe phalaṃ saukhyaṃ sarvasmin pākapādgrahe
55.4
"gocaratvaṃ nāma" svarkṣatuṃgatrikoṇasthaḥ paḍaṣṭāṃtyavivarjitaḥ || anastago mitragastu gocarastho bhavedgrahaḥ ||3||astago
nīcago vāpi svarkṣamūlavivarjitaḥ || ṣaṣṭhāṣṭamavyayastho vā yaḥ kheṭo
yamagocaraḥ
55.5
lagnasthavāsareśasya daśāyāmijyaśukrayoḥ || śaśāṃkasaumyayorbhuktau
kṛṣigosutadārabhūḥ
55.6
dhanasthavāsareśasya pāpabhuktau dhanakṣayam || vākpāruṣyaṃ manoduḥkhaṃ netrarogaṃ mahadbhayam
55.7
saumyabhuktau raveḥ pāke dhanasthasya mahatsukham || vidyālābhaṃ nṛpātprītiṃ
vastravāhanabhūṣaṇam
55.8
tṛtīyasthasya tu raveḥ pāke pāpahṛtau
yadā || gocarasthe mahatsaukhyaṃ nocetpāpaphalaṃ vadet
55.9
tatrasthabhānupāke ca śubhayuktau mahatsukham || dhairyaṃ vittaṃ sutārti
ca samare jayamāpnuyāt
55.10
dineśasya sukhasthasya daśāyāṃ
pāpināṃ hṛtau || mātṛnāśaṃ manoduḥkhaṃ caurāġninnṛpapīḍanam
55.11
raveḥ sukhasthitasyāpi śubhabhuktau mahatsukham || rājyārthaputradārādi
vastramālyānulepanam
55.12
paṃcamastharaveḥ pāke śanryāraśikhi
bhoginām || aṃtardaśāyāṃ putrārtiṃ caurabhūpāgnipīḍanam
55.13
śubhagrahāṇāṃ bhuktau ca raveḥ paṃcamagasya tu || paripāke sutārtiṃ ca
rājyavāhanabhūṣaṇam
55.14
ṣaṣṭhasthasūryadāye'smin pāpadāhṛtipāpinām || ṛṇacaurāgnibhūpaistu bhītirāvaśyakī tathā
55.15
saumyānāmapahāre tu
bhāskarasyārigasya ca || paripāke sukhaṃ pūrvaṃ paścādviṣṭaṃ vinirdiśet
55.16
saptamastharaveḥ pāke śukrejyābjavidāṃ hṛtau || dāralābhaṃ manotsāhaṃ yānāṃbaravibhūṣaṇam
55.17
tathāvidharaveḥ pāke
duḥkhaṃ syātpāpināṃ hṛtau || jvarātisāraṃ pittaṃ ca mehakṛcchrāri
pīḍanam
55.18
aṣṭamastharaveḥ pāke śubhabhuktau śubhaṃ vadet || kiṃcidduḥkhaṃ śubhādhikyaṃ śayanāṃbarabhūṣaṇam
55.19
tathāvidharaverdāye pāpabhuktau
mahadbhayam || maraṇaṃ vyādhipīḍā vā || parapreṣyatvameva vā
55.20
śubhasthānagatasyāpi raveḥ pāke hṛtau yadā || saumyānāṃ śubhakarmāṇi dānayajñaṃ mahotsavam
55.21
navamastharaveḥ pāke pāpabhuktau yadā tadā || karoti duḥkhabāhulyaṃ gurupitrādipīḍanam
55.22
karmastharavidāye tu pāpabhuktiryadā tadā || karoti karmaśokārttiṃ
corāgninṛpapīḍanam
55.23
tathāvidharaveḥ pāke śubhabhuktiryadā
tadā || karoti vipulaṃ rājyaṃ kīrttiścācaṃdratārakam
55.24
lābharāśigatasyāpi raveḥ pāke śubhetarā || bhuktiryadā tadā duḥkhaṃ
paścātsaukhyaṃ karoti ca
55.25
tathāvidharaveḥ pāke śubhabhuktiryadā tadā || dhanāptiṃ rājasaṃmānaṃ dāraputranṛpātpriyam
55.26
dvādaśastharaveḥ pāke pāpabhuktau mahadbhayam || sthānacyutiṃ pravāsaṃ
ca nṛpakopāddhimānatā
55.27
tathāvidharaveḥ pāke śubhabhuktau mahatsukham || gobhūmivastradhānyādimaṇividrumabhūṣaṇam