[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Sarvarthacintamani](https://indike.org/pramana/in.astro.sarvarthacintamani) › 55 # Sarvarthacintamani 55 Sarvārthacintāmaṇi 55 - **Language:** Sanskrit ### [55.1](https://indike.org/pramana/in.astro.sarvarthacintamani.55.1) atha grahāṇāṃ lagnādisthitabhedena punarapyaṃtardaśāphalaviśeṣamāha lagnagasya raveḥ pāke bhaumārkiśikhibhoginām || aṃtardaśāyāṃ duḥkhaṃ ca rājyārthagṛhanāśanam ### [55.2](https://indike.org/pramana/in.astro.sarvarthacintamani.55.2) teṣāmagocarasthānāṃ dineśātphalamīdṛśam || gocarasthe phalaṃ saukhyaṃ sarvasmin pākapādgrahe ### [55.4](https://indike.org/pramana/in.astro.sarvarthacintamani.55.4) "gocaratvaṃ nāma" svarkṣatuṃgatrikoṇasthaḥ paḍaṣṭāṃtyavivarjitaḥ || anastago mitragastu gocarastho bhavedgrahaḥ ||3||astago nīcago vāpi svarkṣamūlavivarjitaḥ || ṣaṣṭhāṣṭamavyayastho vā yaḥ kheṭo yamagocaraḥ ### [55.5](https://indike.org/pramana/in.astro.sarvarthacintamani.55.5) lagnasthavāsareśasya daśāyāmijyaśukrayoḥ || śaśāṃkasaumyayorbhuktau kṛṣigosutadārabhūḥ ### [55.6](https://indike.org/pramana/in.astro.sarvarthacintamani.55.6) dhanasthavāsareśasya pāpabhuktau dhanakṣayam || vākpāruṣyaṃ manoduḥkhaṃ netrarogaṃ mahadbhayam ### [55.7](https://indike.org/pramana/in.astro.sarvarthacintamani.55.7) saumyabhuktau raveḥ pāke dhanasthasya mahatsukham || vidyālābhaṃ nṛpātprītiṃ vastravāhanabhūṣaṇam ### [55.8](https://indike.org/pramana/in.astro.sarvarthacintamani.55.8) tṛtīyasthasya tu raveḥ pāke pāpahṛtau yadā || gocarasthe mahatsaukhyaṃ nocetpāpaphalaṃ vadet ### [55.9](https://indike.org/pramana/in.astro.sarvarthacintamani.55.9) tatrasthabhānupāke ca śubhayuktau mahatsukham || dhairyaṃ vittaṃ sutārti ca samare jayamāpnuyāt ### [55.10](https://indike.org/pramana/in.astro.sarvarthacintamani.55.10) dineśasya sukhasthasya daśāyāṃ pāpināṃ hṛtau || mātṛnāśaṃ manoduḥkhaṃ caurāġninnṛpapīḍanam ### [55.11](https://indike.org/pramana/in.astro.sarvarthacintamani.55.11) raveḥ sukhasthitasyāpi śubhabhuktau mahatsukham || rājyārthaputradārādi vastramālyānulepanam ### [55.12](https://indike.org/pramana/in.astro.sarvarthacintamani.55.12) paṃcamastharaveḥ pāke śanryāraśikhi bhoginām || aṃtardaśāyāṃ putrārtiṃ caurabhūpāgnipīḍanam ### [55.13](https://indike.org/pramana/in.astro.sarvarthacintamani.55.13) śubhagrahāṇāṃ bhuktau ca raveḥ paṃcamagasya tu || paripāke sutārtiṃ ca rājyavāhanabhūṣaṇam ### [55.14](https://indike.org/pramana/in.astro.sarvarthacintamani.55.14) ṣaṣṭhasthasūryadāye'smin pāpadāhṛtipāpinām || ṛṇacaurāgnibhūpaistu bhītirāvaśyakī tathā ### [55.15](https://indike.org/pramana/in.astro.sarvarthacintamani.55.15) saumyānāmapahāre tu bhāskarasyārigasya ca || paripāke sukhaṃ pūrvaṃ paścādviṣṭaṃ vinirdiśet ### [55.16](https://indike.org/pramana/in.astro.sarvarthacintamani.55.16) saptamastharaveḥ pāke śukrejyābjavidāṃ hṛtau || dāralābhaṃ manotsāhaṃ yānāṃbaravibhūṣaṇam ### [55.17](https://indike.org/pramana/in.astro.sarvarthacintamani.55.17) tathāvidharaveḥ pāke duḥkhaṃ syātpāpināṃ hṛtau || jvarātisāraṃ pittaṃ ca mehakṛcchrāri pīḍanam ### [55.18](https://indike.org/pramana/in.astro.sarvarthacintamani.55.18) aṣṭamastharaveḥ pāke śubhabhuktau śubhaṃ vadet || kiṃcidduḥkhaṃ śubhādhikyaṃ śayanāṃbarabhūṣaṇam ### [55.19](https://indike.org/pramana/in.astro.sarvarthacintamani.55.19) tathāvidharaverdāye pāpabhuktau mahadbhayam || maraṇaṃ vyādhipīḍā vā || parapreṣyatvameva vā ### [55.20](https://indike.org/pramana/in.astro.sarvarthacintamani.55.20) śubhasthānagatasyāpi raveḥ pāke hṛtau yadā || saumyānāṃ śubhakarmāṇi dānayajñaṃ mahotsavam ### [55.21](https://indike.org/pramana/in.astro.sarvarthacintamani.55.21) navamastharaveḥ pāke pāpabhuktau yadā tadā || karoti duḥkhabāhulyaṃ gurupitrādipīḍanam ### [55.22](https://indike.org/pramana/in.astro.sarvarthacintamani.55.22) karmastharavidāye tu pāpabhuktiryadā tadā || karoti karmaśokārttiṃ corāgninṛpapīḍanam ### [55.23](https://indike.org/pramana/in.astro.sarvarthacintamani.55.23) tathāvidharaveḥ pāke śubhabhuktiryadā tadā || karoti vipulaṃ rājyaṃ kīrttiścācaṃdratārakam ### [55.24](https://indike.org/pramana/in.astro.sarvarthacintamani.55.24) lābharāśigatasyāpi raveḥ pāke śubhetarā || bhuktiryadā tadā duḥkhaṃ paścātsaukhyaṃ karoti ca ### [55.25](https://indike.org/pramana/in.astro.sarvarthacintamani.55.25) tathāvidharaveḥ pāke śubhabhuktiryadā tadā || dhanāptiṃ rājasaṃmānaṃ dāraputranṛpātpriyam ### [55.26](https://indike.org/pramana/in.astro.sarvarthacintamani.55.26) dvādaśastharaveḥ pāke pāpabhuktau mahadbhayam || sthānacyutiṃ pravāsaṃ ca nṛpakopāddhimānatā ### [55.27](https://indike.org/pramana/in.astro.sarvarthacintamani.55.27) tathāvidharaveḥ pāke śubhabhuktau mahatsukham || gobhūmivastradhānyādimaṇividrumabhūṣaṇam --- Source: [https://indike.org/pramana/in.astro.sarvarthacintamani.55](https://indike.org/pramana/in.astro.sarvarthacintamani.55) · Pramāṇa