Sarvarthacintamani 56

Sarvārthacintāmaṇi 56

Language: Sanskrit

56.1

iti ravipākāntardaśāphalam
atha caṃdradaśāyāmantardaśāmāha
mūrtisthacandradāye tu śukrejyābjavidāṃ hṛtau || dehārogyaṃ nṛpātprītiṃ vāhanāṃbarabhūṣaṇam

56.2

tathāvidhasya cābjasya paripāke śubhetarā || hṛtiḥ karoti duḥkhaṃ ca kṛpigobhūmināśanam

56.3

dvitīyasthaniśānāthaparipāke śubhetarā || kalatraputrabaṃdhūnāṃ nṛpādrītiṃ karoti ca

56.4

saumyāhṛtau dvitīyasthacaṃdradāye mahatsukham || bhojanāṃbarapānaṃ ca manotsāhaṃ karoti ca

56.5

tṛtīyasthaniśānāthaparipāke mahatsukham || śubhagrahāṇāṃ bhuktistu
karoti nṛpamānyatām

56.6

tathāvidhāniśānāthaparipāke śubhetarā || hṛtiḥ karoti vaikalyaṃ bhrātṛdhairyavināśanam

56.7

caturthasthaniśānāthaparipāke mahatsukham || śubhabhuktau nṛpātprītirjāyate
gṛhajaṃ sukham

56.8

pāpabhuktau mahatkaṣṭaṃ gṛhadārārthanāśanam
caurāgninṛpabhītiṃ ca tādṛgdabjadaśāṃtare

56.9

paṃcamasthāniśānāthaparipāke mahatsukham || saumyabhuktau kalatrārthaputramitrāṃbarāṇi ca

56.10

tathāvidhadaśānāthadāye pāpahṛtau yadā
buddhikṣobhaṃ manastāpaṃ putradāranṛpādbhayam

56.11

kṛpināśamṛṇa
grastaṃ ṣaṣṭhasthitaniśākarāt || syātpāpināṃ hṛtau duḥkhaṃ pramehakṣayapāṇḍubhiḥ

56.12

ripusthitadaśānāthe saumyānāṃ tu yadā hṛtiḥ
karoti sarvato maitrīṃ caurāgnibhayanāśanam

56.13

kalatrasthaniśānāthādyadā saumyāhṛtistadā || kalatraputrasaṃpattirvāhanāṃbarabhūṣaṇam

56.14

tathāvidhadaśānāthātpāpināṃ tu hatiryadā || videśayānaṃ putrārthadārabaṃdhuvināśanam

56.15

aṣṭamasthaniśānāthātpāpabhuktau mahadbhayam || maraṇaṃ dāraputrāṇāṃ kutsitānnaṃ
parājayam

56.16

raṃdhrasthitaniśānāthaparipāke mahatsukham
saumyabhuktau mahatkīrtirdhairyavāhanabhūṣaṇam

56.17

dharmasthitadaśānāthācchubhabhuktau pituḥ sukham || dharme yajñaṃ vivāhaṃ
ca rājyastrīdhanasaṃpadaḥ

56.18

tathāvidhadaśānāthātpāpināṃ tu
hṛtiryadā || dharmahānirmanoduḥkhaṃ rājyārthagṛhanāśanam

56.19

karmasthacandradāye ca saumyabhuktiḥ karoti hi || svakarmanirataṃ śāstra
dharmadānaparāyaṇam

56.20

karmasthitaniśānāthātpāpabhuktiryadā
tadā || karmanāśaṃ karotyatra hyapakīrtiṃ mahadbhayam

56.21

lābhacandradaśābhuktirdhanadhānyāṃbarāṇi ca || vāhanaṃ rājyalābhaṃ
ca karoti vividhaṃ sukham

56.22

lābhacandre pāpabhuktau dhananāśamupaiti ca || kṛṣidhānyākṣidehārti nṛpacaurādipīḍanam

56.23

dvādaśasthaniśānāthaparipāke'rthanāśanam || pāpabhuktaumahatkaṣṭaṃ sarvaśatrutvameva ca

56.24

śubhabhuktau vyayasthasya vastramālyavibhūṣaṇam || dārārthaputramitrāṇāṃ vardhanaṃ vāhanaṃ sukham