Sarvarthacintamani 57
Sarvārthacintāmaṇi 57
- Language
- Sanskrit
57.1
iti caṃdrapākāntardaśāphalam
atha bhaumadaśāṃtarāphalāni
lagnasthitadharāsūnoḥ paripāke vraṇaṃ kṣatam || pāpabhuktau mahatkaṣṭamajīrṇādimahadbhayam
57.2
śubhabhuktau nṛpātprītiṃ bhrātṛvargabhavaṃ sukham || tathāvidhadharāsūnordaśāyāṃ kṣetravāhane
57.3
dhanasthitadharāsūnoḥ śubhabhuktiryadā tadā || bhrātṛsaukhyaṃ manotsāhaṃ vidyāvāhanabhūṣaṇam
57.4
dvitīyasthadharāsūnoḥ paripāke śubhāhatiḥ
pūrvavittavināśaṃ ca rājakopaṃ jvarāgnibhīḥ
57.5
tṛtīyasthadharāsūnoḥ pāpabhuktiryadā tadā || manovaikalyamāyāti
bhrātṛvargavināśanam
57.6
tṛtīyasthadharāsūnoḥ pāke saumyahatiryadā || bhojanāṃvarasaukhyaṃ ca kṛṣibhūṣaṇavāhanam
57.7
hibukasthadharāsūnoḥ krūrabhuktau mahadbhayam || gṛhakṣetravināśaṃ ca nṛpacorāgnipīḍanam
57.8
hibukasthadharāsūnoḥ pāke saumyahṛtiryadā
kṣetrāṃbarasukhāvāpti paśuvāhanabhūṣaṇam
57.9
paṃcamasthadharāsūnoḥ pāke pāpahṛtiryadā || kṛṣigodhanadhānyārthaṃ
sutadāravināśanam
57.10
tathāvidhakujātsaumyabhuktau śobhanamādiśet || rājapūjyaṃ sutāptiṃ ca maṃtrāvāptimihādiśeta
57.11
ṣaṣṭhasthitakujātapāpabhuktau kaṣṭaṃ vinirdiśet || caurāgninṛpapīḍāṃ ca
sphoṭakakṣayamehanam
57.12
tathāvidhakujātsaumyabhuktau bhūpālamitratām||bandhunāśaṃ manoduḥkhaṃ paścātsaukhyaṃ vinirdiśeta
57.13
kalatrasthakujātapāpabhuktau strīsutarājabhīḥ || śubhabhuktau mahatsaukhyaṃ
nṛpavāhanabhūṣaṇam
57.14
aṣṭamasthakujādbhuktau pāpināṃ maraṇaṃ
kṛśam || saumyabhuktau mahatsaukhyaṃ kṛṣigonṛpapūjanam
57.15
navamasthadharāsūnordāye pāpahṛtiryadā || pitrornāśaṃ gurornāśaṃ
dharmahāniṃ manorujam
57.16
tathāvidhakujātsaumyabhuktau godhanasaṃpadaḥ || vivāhaṃ yajñadīkṣāṃ ca devabhūsuratarpaṇam
57.17
karmasthitadharāsūnorduḥkhaṃ syātpāpināṃ hṛtau || videśayānaṃ
duṣkīrttiṃ labhate hi parājayam
57.18
lābhasthabhūmiputrasya
pāke pāpahṛtiryadā || karoti vipulaṃ rājyaṃ gaṃdhamālyādibhūṣaṇam
57.19
śukrejyābjavidāṃ bhuktau lābharāśigatasya tu || paripāke mahatsaukhyaṃ dānadharmādisaṃgraham
Linked texts (1)
- Devakerala — Acyuta, Sanskrit