Aryasiddhanta 2
Āryasiddhānta 2
- Language
- Sanskrit
2.1
atha chedyakādhikāraḥ
tatrādau grahaṇaparilekhamāha
samabhuvi vinduṃ dattvā tasmādvṛttaṃ ghanāṅgulaiḥ kāryam
diksiddhiṃ tadvṛtte valanaṃ prācyāṃ yathāśamarkendvoḥ
2.2
dadyādvaruṇāśāyāṃ vyastāśaṃ sarvadā valanam
sparśavimokṣāvindoḥ prāk paścādanyathā bhānoḥ
2.3
mānaikyārdhena likhedvṛttaṃ ca grāhyakhaṇḍasūtreṇa
valanāgravindusūtrasya yutirmānaikyakhaṇḍavṛttena
2.4
yā tasyāstadvṛtte lekhyā vyastā''śako śarau śaśinaḥ
bhānoryathāgatāśau valanāgrādvindugaṃ sūtram
2.5
dhāryaṃ tadgrāhyārdhajavṛttayutau sparśamokṣakau syātām
valanāgrābhyāṃ matsyaṃ vilikhya tatpucchamukhasūtre
2.6
dadyādvindo rmadhyaṃ vyastāśeṣurvidhau ravau svāśam
tadvāṇāgrādvilikhedgrāhakakhaṇḍena vṛttaṃ vā
2.7
tadgrāhyavṛttayutivacchannaṃ syāt paramamarkendvoḥ
vindorbāhuṃ dadyādvalanasūtre'tha tasyāgrāt
2.8
dadyāt koṭiśalākāṃ yathāśakāṃ saumyayāmyāyām
śravaṇaśalākāṃ vindordadyāt koṭyagragāṃ tayoryogāt
2.9
lekhyaṃ grāhakaṃmaṇḍaladalena vṛttaṃ bhavedasau grāsaḥ
iṣṭo'tha nimīlanakaṃ hyunmīlanakaṃ ca mardabhavaiḥ
2.10
śṛṅgonnatau himāṃśormaṇḍalakhaṇḍena maṇḍalaṃ kuryāt
sitapakṣe prāgvalanaṃ dadyādasite †digaṅkitaṃ paścāt
2.11
vindorvalanagasūtre koṭiṃ dadyāttadagrato vṛttam
‡karṇajasūtre vilikhet saṃsthā syācchṛṅgayorindoḥ
2.12
śaśiśukle tva'rdhone sādhyā śṛṅgonnatirgaṇakaiḥ
bimbādau parilekhe'ṅgulāni liptāsamānyatra
2.8-2
iti śrīmahāryabhaṭaviracite mahāsiddhānte chedyakādhikāro'ṣṭamaḥ
Linked texts (1)
Discussed in (1)
- Bhāratīya Jyotiḥśāstra (History of Indian Astronomy), translated by R. V. Vaidya — Dīkṣita & Vaidya 1896, English