Aryasiddhanta 3
Āryasiddhānta 3
- Language
- Sanskrit
3.1
athodayāstādhikāraḥ
tatradāvudayāstavyavasthāmaha
kujajīvārkajamunayaḥ śukrajñau vakriṇau ca sūryālpāḥ
yānti prācyāmudayaṃ paścādastaṃ vrajantyadhikāḥ
3.2
idānīṃ viśeṣamāha
ṛjugau jñasitau cenduḥ prācyāmūnā ravervrajantyastam
adhikāḥ paścādudayaṃ sānnidhye lakṣaṇaṃ cintyam
3.3
idānīṃ kālāṃśānāha
koḍhā ksā klā prā dā pomā kālāṃśakāḥ śaśimukhānām
lūnakalonā vakragabudhasitayoḥ saṃbhavantyuktāḥ
3.4
ravidṛkkheṭau paścāt kāryau bhagaṇārdhasaṃyuktau
tadviśleṣāṃśahataṃ svadṛkāṇaṃ cīnanai vibhajet
3.5
phalamiṣṭāṃśā etairaktāṃśebhyo'dhikaireṣyaḥ
asto nyūnairyāto vyasto'smāllakṣaṇādudayaḥ
3.6
iṣṭoktāṃśaviyogaḥ kāryo'tha prāginādadhikaḥ
paścādūno vā ceddṛkkheṭaḥ syāttadā yogaḥ
3.7
talliptaughaṃ vibhajedgatyoḥ svadṛkāṇasaṅguṇayoḥ
tananai hṛtayoryutyā vakriṇi sveṣṭe'nyathā viyogena
3.8
labdhairdivasaiḥ kathitavadeṣyagatatvaṃ vicintyamiha
ghaṭajadhruvako jṇāṃśā śaro'ntakasthaḥ saso'pamajāt
3.9
iti śrīmadāryabhaṭakṛte mahāsiddhānta udayāstādhikāro navamaḥ
3.9-2
iti mahārthabhaṭīyakṛteḥ sphuṭo budha sudhākarajastilako'gamat
udayamukhyagatau paripūrṇatāṃ sujanamānasa haṃsasukhākaraḥ
iti sudhākaradvivedikṛte mahārthabhaṭasiddhāntatilake
grahodayāstādhikāro navamaḥ
3.6-2
udayavilagnasamāne sphuṭalagne khecarodayo bhavati
nityaṃ pravahavaśenārstaṃ yātyastamayasamalagne
3.7-2
nijadinadalajaspaṣṭakrāntyakṣāṃśagataśeṣakaiḥ kuryāt
ravivat samayacchāyāsādhanamatrāpi kālajñaḥ
3.8-2
ṛṣibhodayāstalagne katicidvarṣāṇi susthire bhavataḥ
na tathā candrādīnāṃ kṣaṇagānāṃ cañcalatvena
3.10
iti śrīmadāryabhaṭakṛte mahāsiddhānte grahacchāyādhikāro daśamaḥ
3.10-2
iti mahārthabhaṭīyakṛteḥ sphuṭo budha sudhākarajastilako'gamat
dyutividhau dyusadāṃ paripūrṇatāṃ sujanamānasa haṃsasukhākaraḥ
iti sudhākaradvivedikṛte mahārthabhaṭasiddhāntatilake
grahacchāyādhikāro daśamaḥ