[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Mathematical Astronomy](https://indike.org/pramana/in.astro.siddhanta) › [Handbooks for practical computation](https://indike.org/pramana/in.astro.siddhanta.karana) › [Dharmasindhusara](https://indike.org/pramana/in.astro.siddhanta.karana.dharmasindhusara) › p519 # Dharmasindhusara p519 Dharmasindhusāra p519 - **Language:** Sanskrit ### [p519](https://indike.org/pramana/in.astro.siddhanta.karana.dharmasindhusara.p519) bhāgādavadānasaṃpadāmekṣaṇe'vadāya somāya pitṛmate svadhā namaḥ somāya pitṛmata idaṃ na mameti homatyāgau kṛtvā dakṣiṇabhāgātpunastathaivāvadāyāgnaye kavyavāhanāya svadhā nama iti homatyāgau kuryāt savyenāpasavyena vā mekṣaṇamagnāvanupraharet yadvā savyena svāhāntoktamantreṇāhutidvayaṃ somāgnyorvyatyāsenādāya juhuyāditi kātīyānāṃ tu gṛhyeśrapaṇamakṛtvaiva pacanāgnipakvamannamādāya ghṛtāktaṃkṛtvā pūrvavatpraśnānujñānantaraṃ smārtāgniṃ paristīrya tisraḥ samidha ādhāya savyenāgnaye kavyavāhanāya svāhā somāya pitṛmate svāheti mekṣaṇenāhutidvayaṃ juhuyādapasavyena vā pāṇihomepītthameva prakāra ūho viśeṣastūktaḥ āpastambānāṃ tu ājyabhāgānte uddhriyatāmagnau cakriyatāmiti praśne kāmamuddhriyatāmiti anujñānam hiraṇyakeśīyānāmuddhariṣyāmyagnau kariṣyāmīti praśnaḥ yanme mātetyādi mantraiḥ saptānnāhutayaḥ ṣaḍājyāhutaya iti trayodaśāhutayaḥ mantrāstu vistarabhayānnoktāḥ hiraṇyakeśīyānāmājyabhāgānte somāya pitṛmate ityādiṣoḍaśamantraiḥ ṣoḍaśājyāhutayaḥ ṣoḍaśānnāhutayaśca pratipārvaṇaṃ bodhyāḥ mantreṣu pitrādipadoha ājyānnapadayorūhaśca tadgrantheṣveva jñeyotivistṛtatvānnocyate atha pāṇihomaprakāraḥ tatra viprapāṇāvagnaukaraṇaṃ kariṣya iti praśnaḥ kriyatāmityanujñā kariṣya iti praśne kuruṣvetyanujñā - [Previous: p518](https://indike.org/pramana/in.astro.siddhanta.karana.dharmasindhusara.p518) - [Next: p520.1](https://indike.org/pramana/in.astro.siddhanta.karana.dharmasindhusara.p520.1) ## Linked texts (1) - [Dharmasindhu](https://indike.org/pramana/in.niti.dharma.nibandha.krtya.dharmasindhu.p519) — Kāśīnātha Upādhyāya 1790, Sanskrit --- Source: [https://indike.org/pramana/in.astro.siddhanta.karana.dharmasindhusara.p519](https://indike.org/pramana/in.astro.siddhanta.karana.dharmasindhusara.p519) · Pramāṇa