Karanakaustubha 9
Karaṇakaustubha (ed. Dattātreya Viṣṇu Āpaṭe) 9
- Language
- Sanskrit
9.2
tribhonitārkāntarabhāgakāṣṭhā lavonanighnāgnibhuvo harāptāḥ
nāḍyādikaṃ lambanamarkato'dhike hīne tribhone svamṛṇaṃ tithau syāt
9.3
ṣaḍghnalambanamitairlavairviṃyugyuktatribhribhanatāṃśasiñjinī
svāmbarāmbudhilavonitāṅgulādyā natāṃśadigasau natistrihṛt
9.4
spaṣṭabhuktivivarāhatā hṛtā madhyabhuktivivareṇa sā sphuṭā
viśvasaṃguṇitalambanaṃ kalāstaddhihīnasāhitādyagoḥ śarāt
9.5
channatādinatisaṃskṛtādatho ṣaḍguṇasthitilavairviṃyugyutāt
dvisthadarśabhavavitribhodayāllambane kathitavattithau kuru
9.6
madhyame sthitivihīnayute tau sparśamokṣasamayo parivedyau
mardato'pi ca nimīlanamevonmīlanaṃ ca sudhiyā pravidheyam
9.7
grāsāṃgulaghnaṃ sthitikhaṇḍakena svīyaṃ svakīyena hṛtaṃ tvabhīṣṭam
rūpāṅghriyugvā kṛtakandalāḍhyamabhīpsitāsannamidaṃ pidhānam
9.6-2
iti śrīmanmahādevadaivajñātmajakṛṣṇadaivajñaviracite svakṛtatantraratnāduddhṛte
karaṇakaustubhe sūryagrahaṇādhikāraḥ ṣaṣṭhaḥ