[Pramāṇa](https://indike.org/pramana/) › [Indian literature](https://indike.org/pramana/in) › [Astronomy & Mathematics](https://indike.org/pramana/in.astro) › [Mathematical Astronomy](https://indike.org/pramana/in.astro.siddhanta) › [Handbooks for practical computation](https://indike.org/pramana/in.astro.siddhanta.karana) › [Karanakaustubha](https://indike.org/pramana/in.astro.siddhanta.karana.karanakaustubha) › 9\_24 # Karanakaustubha 9\_24 Karaṇakaustubha 9\_24 - **Language:** Sanskrit ### [9\_24](https://indike.org/pramana/in.astro.siddhanta.karana.karanakaustubha.9_24) prakuru tatkaraṇaṃ grahasiddhaye. sugamadṛggaṇitaikyavidhāyi yat . iti nṛpendraśivābhighanoditaḥ . prakurute kṛtikṛṣṇavidhijñarāṭ . iti tadīyaślokātsidhyati . etadnusaṃdhāyaiva granthakartrā'sya karaṇakaustubha iti nāma vyadhāyi . khagolasthitattajjyotiścakrīyatattadrekhāṃśagatagrahanakṣatrādijñānopāyabhūto jyoti:śāstrīyagranthaḥ karaṇaśabdenocyate . sa ca kaustubha ivetyupāsitasamāsaḥ . atra kaustubhasya dṛṣṭāntatvenopādānādyathā sa maṇirnirmalo'ta eva svaprabhayā'ndhakārasthitaṃ vastu samyak pratyāyayati tathā'yaṃ karaṇagrantho nirdoṣaḥ sandṛkpratyayatulyagaṇitaṃ pratipādayatīti sūcitam . so'yaṃ kṛṣṇadaivajñaviracitaḥ karaṇakaustubhaḥ svakṛtasyaiva tantraratnanāmno'tivistṛtasya granthasya saṃkṣiptaḥ pariṇāma iti manye . tasyāsya mahatastantraratnasya hastalikhitā pustikā śaṃkaradīkṣitānāmathavā'nyeṣāṃ keṣāṃcitdṛkpathaṃ nādyayāvatsamāpatitā . ataḥ karaṇakaustubhapranthagatānāṃ tattatsthalīyaśaṅkānāṃ parimārjane sarvotkṛṣṭaṃ sādhanamajñātāvasthāmanubhavatīti mahārāṣṭravācakān saṃśrāvya tādṛśatantraratnagranthapustikāsaṃpādane prayatnavadbhistatrabhavadbhirbhavādbhirbhavitavyamiti tānvijñāpayituṃ karaṇakaustubhagranthasaṃbandhinaḥ kāṃścidvipayānsaṃkṣepata ullilikhiṣāmi . atra granthe bhāgāparaparyāyāścaturdaśādhikārāḥ santi . te ca yathā - - [Previous: 9\_23](https://indike.org/pramana/in.astro.siddhanta.karana.karanakaustubha.9_23) - [Next: 9\_25](https://indike.org/pramana/in.astro.siddhanta.karana.karanakaustubha.9_25) --- Source: [https://indike.org/pramana/in.astro.siddhanta.karana.karanakaustubha.9_24](https://indike.org/pramana/in.astro.siddhanta.karana.karanakaustubha.9_24) · Pramāṇa