Upapattishekhara 27.2-3.12

27.2-3.12

trijyā śrutiḥ prākparagā tu koṭiḥ
dṛgjīvayā saṃguṇitātra digjyā
trijyoddhṛtā labdhamito bhujaḥ syāt
chāyāguṇā tacchravaṇoddhṛtā vā
digjyā bhujaḥ, sā bhujato vilomāt
dṛṅmaṇḍalaṃ, digbhavamaṇḍalaṃ tad
yāmyottaraṃ, tatra khamadhyato ye
nāḍyāhvayaṃ yāvadihākṣabhāgā
yāvattu nāḍīvalayāt khagendram
te krāntibhāgā dyudaloktivat syurnatāṃśakāḥ kheṭabhavāḥ khamadhyāt
khamavyadeśād grahakendragāmi
dṛṅmaṇḍalaṃ yannijagarbhabhūje
prāksvastikād yaddiśi yairlavaiḥ syāt
taddigbhavāḥ kheṭadigaṃśakāste
yāmyottarā vā samamaṇḍalād ye
digaṃśakāste khalu yāmyasaumyāḥ
te yāmyagole tu sadaiva yāmyāḥ
saumye tu yāmyottaragāḥ kujordhvam
yaddigbhavāḥ kheṭakapālasaṃsthā
digaṃśakāstattvacarāparasthe
kapālake, tatsamadiglavāḥ syustadanyadiksthā niyataṃ svagole
atheṣṭakāle kṣitijācca kheṭo
dṛṅmaṇḍalāharniśavṛttayoge
dṛṅmaṇḍale te syurihonnatāṃśā
dyurātrake tūnnatakālabhāgāḥ
evaṃ khamadhyācca natāṃśakāḥ syurmadhyāhnantānnatakālabhāgāḥ ” iti
“ atheṣṭakālāpamabāhuśaṅkan
jñātvā palāṃśān pravadāśu, yatra
kliśyanti bījakriyayā vṛthaiva
svasvābhimānād grahagolavijñāḥ || ” iti
“ phalīyapūrvoktaharo'tra sādhyastaduddhṛte te triguṇāhate ca
bhujāpamajye dhanuṣostayośca
svadiksthayorvyastasusaṃskṛteḥ syuḥ
akṣāṃśakā, statra yadākṣabhāgā
jñātāstadā krāntirato vilomāt | ” iti
vargeṇa hīnācca haratpadena
natāsukoṭīguṇasaṃguṇena
palaprabhāghnīṣṭahatiryutonā
sūryāhatā hārahatā'pannajyā
dvidhā digevātra vilomaśuddhau
sā tvantarotthā'nudageva vedyā
phalasya vargo harato'dhikaścattadā khiloddiṣṭamathāsya vargaḥ