Upapattishekhara 27.2-3.4

27.2-3.4

dvighnyāgrākṛtyonastrijyāvargaḥ parākhyaḥ syāt
tau palabhākṛtinetrādrisamāsahatau parād dvisaptaguṇāt
prathamakṛtiyutānmūlaṃ prathamayuto naṃ vidik śaṅkuḥ
golakramādiha syādatha yadyagrākṛtirnayananighnī
trijyākṛterna śudhyed viruddhaśuddhyā tadā paro jñeyaḥ
tena pareṇa nayananaganighnenonāt prathamavargāt
mūlenonoṃ yuktaḥ prathamo dvividho vidiṅnaraḥ saumye
yāmye tadā kujordhvaṃ bhānurnahi koṇamaṇḍalaṃ viśati
itthaṃ ghaṭate nagabhūmyaṅgulasamadhikapalaprabhe viṣaye
kujyonarābhyāmiha sādhitābhyāṃ
yaṣṭirbhavellambaguṇena tulyā ||'
tailaṅgarāmakṛṣṇasvāmisaṃpāditaṃ dṛggolacchedyakam | (18)
“ yat siddhāntaśiromaṇau samuditaṃ madhyāntyayonnā hataḥ
saṃbhaktaścarajīvayā dinadale śaṅkurbhaved vā'tha saḥ
akṣakṣetrajakoṭibhirviguṇitastatkarṇabhakto hṛtistatsarvaṃ viṣuvaddine vyabhicaratyasmānmayā noditam || ”
tribhajyayā ced yadilambajīvā
tadā dyumaurvyā kila yaṣṭikā syāt
tribhajyayā cākṣalavajyakā cet
krāntijyayodvṛttanarastadā syāt
udvṛttaśaṅkvāḍhyavihīnayaṣṭirgolakramāt syād dinamadhyaśaṅkuḥ
sa eva lambāpamabhāgayogāntara yaketi tvatirohitaṃ syāt
ato'bhīṣṭayoścāpayoryad bṛhat syāt
tadeva prakalpyaṃ hi lambauṃśamānam
tato'nyat tathā krāntimānaṃ ca tābhyāṃ
kṛte proktarītyātra madhyāhnaśaṅkau
cāpayoriṣṭayordorjye ityādau bhāskarāditā
samyag jyābhāvanā tūrṇaṃ sukhenaivopapadyate
evaṃ trimaurvyā palaśiñjinī ced
dyujīvayā yaṣṭitalaṃ tadā syāt
trijīvayā lambaguṇastathā cedagrādikhaṇḍaṃ tvapamajyayā syāt
agrādikhaṇḍonayutaṃ dinārdhe
golakramād yaṣṭitalaṃ hi dṛgjyā
lambāpamaikyāntarakoṭijīvā