Upapattishekhara 27.2-3.7

27.2-3.7

kṛtāpanādeva hi bhādvayaṃ syāt
kujordhvamitthaṃ viphalottaraṃ tu
vicāryamāryairbhamasaumyagole
saumye svagole yadi diglavajyāprakālpakā svāpamabhāgakeṣu
svākṣālyakeṣūditamāryavaryaiśchāyādvayaṃ tatra kapālabhedāt
evaṃ hi tatraiva yadākṣabhāgā'nalpāśca te svāpamabhāgakāḥ syuḥ
tadā bhavedekakapāla eva
chāyādvayaṃ kālavibhedasiddham
itthaṃ kapāladvayabhāprasaṅge
yā syādaśuddhākṣavaśāt prabhātra
sā yāmyadigdiglavakhecarasya
yā tadviśuddhākṣavaśācca sā syāt
bhā saumyadigdiglavakhecarasya
kṛtaikadṛṅmaṇḍaladiṅnarotthā
dyurātrahaṅ‌maṇḍalajadviyogāditthaṃ khagole sudhiyā vicāryam
evaṃ yadā caikakapāla eva
cchāyādvayaṃ sādhitamasti tatra
yā syāddinārdhānnikaṭe'tha tasya
bhavedaśuddhākṣasamudbhavā bhā
dūrasthitasyātra bhavedviśuddhākṣajā prabhā tadgaṇataṃ puroktam
parālapakasvāpamabhāgakeṣu
proktaṃ svidaṃ naiva tayoḥ samatve
digjyāgrayā syāt kṣitije samaiva
tatastadalpātha tato vivṛddhā
samāgrakāṅgābhyadhikā ca saumye
gole palāt svāpamakādhikatve
evaṃ dinārdhāvadhi vaiparītyādūrdhvaṃ dinārdhāttu tadeva bodhyam
svāpakramasvākṣalavālpakāste
parāṃśukā naiva bhavanti gole
alpādhiko'kṣādapamastadā syāt
saumye kramād hyekakapālajā bhā
sadottarālpakadigjyakāyāmādyaiḥ kṛtaṃ bhādvitayaṃ svatantraiḥ
agrālyakāyā api digdvayāyāmekaprabhāyā api saṃbhavaḥ syāt
yadā paraḥ svāpamabhāgatulyastadā khanandāṃśitā abhīṣṭāḥ
krāntyaṃśakāstatra tu ye'kṣabhāgāiṣṭāśca te śaṅkulavāstadūnāḥ
khāṅkā natāṃśā athavā parākhyasvākṣajyayorvargaviyogamūlam
trijyāguṇaṃ saṃvihṛtaṃ parākhyajyayā natajyā ca tataḥ prabhā syāt