Upapattishekhara 27.2-3.9

27.2-3.9

krameṇa bhinnaikakapālajātam
yatrādya ādityaguṇāgrakāyāḥ
kṛtyā samaḥ syādiha digguṇasya
agrālapakatve'pi hi saumyagole
chāyāśrutaḥ syāt sphuṭamekadhaiva
sā''syāt pareṇāptamitā'thavāgrā'bdhyabdhīndughātāt palabhātrimaurvyoḥ
ghātena labdhā hyathavārkanighnakrāntijyakāyāḥ palajīvayāptā
digjyā yadā tvagrakayā samā syāt
saumye tadādyasya dalāt pareṇa
avāptamekā khalu bhāśrutiḥ syāt
tathāparā tatra bhavedanantā
cet saumyagole'rkaguṇāgrakāyā
vargāllaghuḥ syāt prathamastadedam
digaṃśato bhāvagamādya pṛṣṭaṃ
duṣṭaṃ bhavet spaṣṭamidaṃ budhānām
“yātaḥ śeṣaḥ prāk paratronnataḥ syāt
kāla, stenonaṃ dyukhaṇḍaṃ nataḥ syāt ||”
‘pūrvaṃ nataṃ syād dinarātrikhaṇḍaṃ
divāniśoriṣṭaghaṭīvihīnam
divāniśoriṣṭaghaṭīṣu śuddhaṃ
dyurātrakhaṇḍaṃ tvaparaṃ nataṃ syāt ||' iti
"sveṣṭakāle dyurātrasthahṛtergolordhvagaṃ nayet
sūtraṃ svamārgavṛddhaṃca, tathā prākparasūtrataḥ
koṭivat samasūtraṃ ca, bhitvā golordhvagaṃ ca yat
hṛtisūtreṇa saṃlagnaṃ tatsūtraṃ samanā bhavet
sūtraikyācca, tathā sūtraṃ hṛtestaddhṛtisaṃjñakam
proktamevaṃ dyurātrasthād yatra kutra sthitārkantaḥ ||” iti
nataṃ digaṃśānapamaṃ bhujaṃ ca
vijñāya vijñendra samānayāśu
dṛṅmaṇḍalīyāṃ samamaṇḍalīyāṃ
natāṃśamaurvīṃ phalamaṇḍalīyām
‘ natāsujīvāguṇitā dyumaurvī
triṣṭhā digaṃśodbhavakoṭimaurvyā
tathopavṛttārdhajavigraheṇa
tathā trimaurvyā vihṛtā krameṇa
ādyaṃ hi dṛgvṛttanatāṃśajīvā
dvitīyakaṃ sā samamaṇḍalīyā
tṛtīyakaṃ syātphalavṛttagā sā
tābhirvilomena natāsujīvā
pūrvāparasvastikasaktavṛttaṃ
dṛgvṛttanamrāṃśagataṃ phalākhyam