Upapattishekhara 28.1.8

28.1.8

haroddhṛtaṃ spārśikamaukṣike te
ghaṭīmukhe staḥ sthitikhaṇḍake cet
saṃkṣīyamāṇo viśikho'nyathā tu
te maukṣikasparśabhave kramāt staḥ
itthaṃ ca mānāntarakhaṇḍatulyaṃ
mānaikyakhaṇḍaṃ parikalpya sādhye
sthityarthake te kila mardakhaṇḍe
jñeye susūkṣme grahaṇapravīṇaiḥ
grāsonitaṃ mānadalaikyamevaṃ
prakalpya mānaikyadalaṃ kṛtābhyām
sthityarthakābhyāṃ rahite svakīya—
sthityarthake staḥ pṛthagiṣṭakālau
atra ravīndvorekanāḍībhavabhuktikalāntaraṃ krāntivṛtte koṭiviśeṣasaṃjñā, in‍dorudagdakṣiṇabhuktikalā ekaghaṭībhavāḥ kadambasūtre bhujaḥ śaravegasaṃjñaḥ, tayorvargayogamūlarūpaṃ vimaṇḍale karṇa ityekaṃ jātyatribāhukam | pūrṇāntakālikacandraśaraḥ karṇe
bāṇasaṃjñaḥ, tātkālikabhūbhākendrād vimaṇḍalopari lambaḥ koṭiḥ, tadantarālaṃ
vimaṇḍale bhuja iti tatsajātīyaṃ dvitīyaṃ jātyam| mānaikyakhaṇḍaṃ karṇaḥ, pratipāditalambo bhujaḥ, tadantaraṃ vimaṇḍale koṭiriti tathābhūtaṃ tṛtīyam | iha kṣetraghaṭakāni
cāpakhaṇḍāni svalpāntaratvādṛjūni kalpitānīti dhyeyam | viśeṣavargaḥ śaravegavargayukto hara iti | atha kadambaprotavṛtte madhyo bhavatīti pakṣakakṣīkāreṇa sthityardhānayanam | tatrānupātaḥ | yadi prathamakṣetrakarṇena tadbhujaḥ śaravego labhyate tadā