Samaravijayodaya 2
Samaravijayodaya 2
- Language
- Sanskrit
Contents
- 2.40 — 2 parts
2.1
saṅgrāmavijayodayaḥ
prathamo'dhyāyaḥ
jayati jagadekahetuḥ śaśāṅkamauli1strilocanaḥ śarvaḥ
sakalasurāsuravanditacaraṇayugaḥ śaṅkaraḥ sakalaiḥ
2.2
śriyamādadhātu bhavatām̐umāpatistriguṇamūrtiravyaktaḥ
śrīmānanantaśaktistrilokanāthastrayīrūpaḥ
2.3
kṣitijalapavanahutāśanayajamānākāśa̍sūryasomamayam
vibhuma6jamīśamanantaṃ namāmi viśveśvaraṃ viśvam
2.4
jagadekaheturīśo jagāda jagato hitāya sarvajñaḥ
śāstramativistarārthaṃ yuddhasya jayārṇavaṃ nāma
2.5
viṣṇupitāmahagirijānandīndrakumāracandrasūryādyaiḥ
garuḍoragendramunibhiḥ śrutaṃ ca tacchāstramīśānāt
2.6
yuddhajayārṇavaśāstrāduddhṛtya manāk tato mayāryābhiḥ
kriyate śāstraṃ sāraṃ saṅgrāmajayodayaṃ nāma
2.7
prācīdakṣiṇapaścimasaumyāśādhiṣṭhitāḥ pṛthivyāṃ ca
aṣṭāviṃśatitārāḥ sākṣādanalādiyāmyāntāḥ
2.8
ajavṛṣayamakarkeṭakāḥ siṃhaḥ kanyāṃ tulālicāpamṛgāḥ
ghaṭamīnau dvau dvādaśa pūrvādayā rāśayo jñeyāḥ
2.9
te'pi dvividhā jñeyāḥ puruṣastrīsaṃjñitāḥ krameṇaiva
te'pi carasthiramiśrāḥ prācyādīśānaparyantāḥ
2.10
bhaumasitasaumyaśaśiravisaumyasitorvījasūrisūryasutāḥ
saśanaiścaraśakrāśāḥ kṣetrāṃśakanāyakāḥ proktāḥ
2.11
bhūmisutabhānusuragurumandasitajñāsurāmandabudhāḥ
śītakarabhaumaguravo drekkāṇasvāmino jñeyāḥ
2.12
bhāskarabhṛgubudhaśaśinaḥ śanigururaktāśca kālahoreśāḥ
vārādyadhipaḥ pūrvaṃ hyudeti tataṣaṣṭhapaḥ kramaśaḥ
2.13
kṣitijanaiśvarasuragurusaumyāsuramantriṇaśca viṣamabhujaḥ
bhūteṣunāgaparvataśaradinasaṅkhyāprabhoktāraḥ
2.14
bhārgavabudhendraguravo mandārau yugmarāśibhāgeśāḥ
bāṇakulādridvipaśarabhūtaikramabhāgino jñeyāḥ
2.15
oje rāśau prathamaṃ pakṣaṃ bhuṅkte divākaraḥ satatam
candrastadarthabhogī yugme rāśau śaśī pūrvam
2.17
ācāryo gurusaumyau budhaśukau vyuṣṇadā vibhūjāḥ syuḥ
vīndrarkā vīndubu(jāḥ? ja)prabhākarāste kramāt suhṛdaḥ
meṣavṛṣamakarakanyā uccāḥ kramaśaḥ kulīramīnatulāḥ
ādityacandrakujabudhasuraguruśukrārkatanayānām
2.18
nīcāstulālikarkaṭamīnāmbucarāṅganāḥ sameṣāḥ syuḥ
ete krameṇa sākṣādādityādigrahāntānām
2.19
digdahanāṣṭāviṃśatitiśiranakṣatraviṃśatiścaiva
atyuccairatinīcairādityādigrahāntānām
2.20
śaramūrcchācaladharmāḥ sadikkaḷāvedabāṇayugalāśca
kiraṇāḥ ketvantānāṃ sūryādīnāṃ krameṇoktāḥ
2.21
ajavṛṣakulīrakārmukanakrāḥ pṛṣṭhodayāḥ samākhyātāḥ
ubhayodayo dvimīnaḥ śeṣā mūrdhodayāḥ sarve
2.22
vanabhūpurāmbugirinadapurāpagodyānanimnajalagarbhāḥ
meṣādīnāṃ dvādaśarāśīnāṃ ca pradeśāḥ syuḥ
2.23
tanudhanasahajahitasutadviṭstrīmṛtidharmakarmalābhagamāḥ
dvādaśa horābhedāḥ svalagnadhāmnastathārabhya
2.24
udayo deho lagnaṃ dvitīyamartho dvikaṃ śubhaṃ khyātam
duścitkaṃ sahajagṛhaṃ sopacayaṃ yattṛtīyaṃ ca
2.25
pātālahibukakaṇṭakakendracatuṣkaṃ caturthabhavanaṃ ca
putraṃ trikoṇasaṃjñaṃ pañcamakaṃ ṣaṣṭhamahitaṃ ca
2.26
jāmitramastabhavanaṃ caturaśraṃ randhramaṣṭamaṃ nidhanam
dharmaitrikoṇanavamaṃ daśamaṃ meṣūraṇaṃ vyoma
2.27
ekādaśamaupacayaṃ lābhaṃ bhavamāyabhavanamākhyātam
antyaṃ vyayañca kathitaṃ dvādaśamaṃ nirgamaṃ riḥpham
2.28
lagnahibukāstadaśamaṃ kendraṃ ca catuṣṭayaṃ paraṃ tasmāt
paṇaparamāpoklī maṃ trividhaṃ jñeyaṃ tataḥ parataḥ
2.29
mukto raviṇordhvamukhastiryagvakro'grasaṃsthito rāśiḥ
tatsaṃviṣṭo yasmādadhomukho bhavati na śreṣṭhaḥ
2.30
nāgatrayodaśācalahararasaṣaḍrasahayeśadiṅmanavaḥ
sacaturviṃśatikiraṇā meṣādīnāṃ tu vijñeyāḥ
2.31
vṛścikamīnanṛmithunāḥ śyāmāḥ śvetāstulākulīravṛṣāḥ
kesarimeṣabhadhanuṣo raktāḥ śeṣāstrayaḥ kṛṣṇāḥ
2.32
ajaharidhanuṣo bhūpāḥ śūdrā vṛṣabhāṅganā̍mṛgā vaiśyāḥ
mithunatulākumbhāḥ syurviprāste karkaṭālijhaṣāḥ
2.33
ajavṛṣabhasiṃhadhanuṣaścatuṣpadāḥ syurmanuṣyasaṃjñāste
ghaṭayugmatulākanyāḥ sarīsṛpau kīṭakarkaṭakau
2.34
vihagau jhaṣapāṭhīnau manuṣyajaścāpapūrvabhāgo yaḥ
jalayonayaḥ sa̱doktāḥ kulīraghaṭanakramīnāḥ syuḥ
2.35
cāpatulādharakanyāḥ paurāḥ kumbhājayugmavṛṣabhāste
grāmyāḥ kesarimeṣau vanecarau kecana prāhuḥ
2.36
śīrṣa+vadanagrīvāskandhoraḥkukṣivastiliṅgāni
ūruyugajānujaṅghācaraṇāni bhavantyajādīnām
2.37
kanyā sānalasasyā plavagā ca tulādharo ghaṭī mīnau
nakrī mṛgendravadano naro'śvajaghano dhanuṣpāṇiḥ
2.38
meṣavṛṣasiṃhavṛścikakarkaṭakāste svanāmatulyāḥ syuḥ
naramithunaṃ daṇḍadharaṃ vīṇāhastaṃ ca vijñeyam
2.39
ajavṛṣayamakarkīṇāṃ mūrcchāmanutīrthakṛtturaṅgāḥ syuḥ
puṣkarabhāgāḥ kramaśaḥ proktāḥ śeṣāṣṭarāśīnām
2.40
ajavṛṣayamakarkiṃ kumbhamīnāḥ
pṛthubalino niśi rāśayaḥ ṣaḍete
harimakaratulālicāpakanyā
divasabalāḥ ṣaḍime'tra rāśayaśca
2.40.p1
divase balino nṛrāśayo niśi balinaḥ paśurāśayastataśca
divase vilaye sarīsṛpāḥ pṛthubalinaḥ khagarāśayastataśca
2.40.p2
iti saṅgrāmavijayodaye prathamo'dhyāyaḥ atha dvitīyo'dhyāyaḥ