Samaravijayodaya 26: atha caturviṃśo'dhyāyaḥ

Samaravijayodaya 26

Language: Sanskrit

26.48 — 1 part

atha caturviṃśo'dhyāyaḥ

26.1

atha sāravidhiṃ vakṣye parasainyastambhanāya saṃkṣepāt
kuryānmaṇḍalamādyaṃ bhasitena dvārabhinnaṃ¹ ca

26.2

sacaturviṃśativāraṃ bhasmacayaḥ kudhyate² muhustatra
rāsaṃ gāyantībhyāṃ kumārikābhyāṃ dṛḍhaṃ dvābhyām

26.3

khiri vikhiri piñjaṇa³ paviḍilauhu uhvāyasa āṇihi vilauṇa vicali uṇalāviu evantuṇe gaba
evaṃ kathito rāso mantro'yaṃ rudravaktrasambhūtaḥ
stambhayati śatrusainyaṃ caturaṅgabalānvitaṃ sadyaḥ

26.4

maṅkacyā2 sameto dvikanyakāhastidanta hantatataḥ (?)
daṇḍākārāṃ lekhāṃ sīmānte prakṣipet prājñaḥ

26.5

tallekhām parasenā na laṅghayet sā parāṅmukhī sadyaḥ
bhayamohākulacittā parasparaṃ dveṣatāṃ yā (nti ? ti)

oṃ kumāri avatarāvatara harabāṇāgravāsini tripuruṣesatyena bhañjaya bhañjaya | sarvāyudhān bhañjaya svāhā
kulavidyeyaṃ śreṣṭhā sadyaḥ phaladā ca japtamātreṇa
puṣpairmadhumāṃsādyaiḥ sampūjya japennavamyāṃ tu

26.7

sidhyati paścād vidyā samastarodrāstraśastrasaṅghātam
stambhayati tannirīkṣaṇamātreṇa sadā bhavecchīghram

26.8

om ativipari sapari sāpari mopacari māviri
aṭimaḍimāmadri hrīṃ namaḥ svāhā
aṭavīkārpāsodbhavakanyākaturjāttusiddhasūtreṇa
aṣṭagranthi kṛtvā kusumbhaghṛtarañjitenaiva

26.9

mātṛgaṇān nyastvāṣṭau tanmantreṇābhimantrayitvā tu
dhārayatu vāmabāhau sarvāyudhavāraṇaṃ samare

26.10

oṃ kalikuṇḍaṃ pravakṣyāmi mahākuṇḍaṃ cinti hanirmiya mahādevena asikodaṇḍe upparṇasaśirovajjaḷam
oṃ yavamupari hantaṃ oṃ oṃ ḍaṃ jadulicintiuttamahumaṃgebhramādahi vajraṃ bāhahi hutthi oṃ gha aṅke caṃ me gṛhṇe gṛhṇe
ṭhari ṭhari ṭhāra dhaya īkhivāharasayantraparivimilijāvatacchoṭavigaṇḍī huṃphaṭ svāhā | pūrvavat
atha vakṣye sārataraṃ cāmuṇḍādehabhedavadane caṃ
cāmuṇḍābījena tu saṃveṣṭya maheśabījākhyam

26.11

aindrāsanasthamugraṃ catuleṃkāraṃ śirasyadho madhye
ūrdhvasthitāṃśca paścāllikhellukāraṃ tato bāhye

26.12

ṣoḍaśadala mambhojaṃ mantrālaṅkārabhūṣitaṃ cakram
ṣoḍaśakalābhiyuktaṃ lakārayuktaṃ jakāraṃ ca

26.13

tadbāhye dvātriṃśatpatrāmbhojaṃ vilikhya tadlagam
tat kādihakārāntaṃ lakāragaṃ ṣaṣṭhabinduyutam

26.14

dantāntaṃ tadbāhye nyastvā ghorakha mantravarṇagaṇaiḥ
saha yuktaṃ vakṣye'haṃ tāsāṃ nāmāni tantre'smin

26.15

caṇḍā prathamā proktā ghaṇṭā tadanantaraṃ karāḷī ca
sumukhī caturmukhīyaṃ revatyā padmadhī divyā

26.16

ghorā saumyā cānyā vibhīṣaṇīyaṃ jayā ca vijayākhyā
vijayantī parājitayā mahodarīyaṃ virūpākṣī

26.17

śuṣkaśikhākhagamātā sahodarī jātahāriṇī cānyā
daṃṣṭrāpi viśuṣkamukhī piṣpalikā puṣpahārī ca

26.18

sumatiḥ sasyavihārī vibhadrakālī subhadrakā bhīmā
atibhīmā dvātriṃśanmātṛgaṇāstāḥ samākhyātāḥ

26.19

tadvāhye vinyastvā kālīṃ pham̐ṭkārabhīṣaṇīṃ raudrīm
punarapi tadvāhye'smin vidhāstāḥ karṇamoṭyāṃ ca

26.20

ekaikaṃ kramakathanaṃ kṛtvā samyagyadārṇavenaiva
śāntaṃ rāntaṃ bhauntaṃ vāntaṃ caturaśrake likhya

26.21

koṇeṣu nyastanyā devyo'ṣṭau rakṣaṇāya tat kramaśaḥ
raktāyāṃ vikarāḷā viḷampaṭā tatra baḷadākhyā

26.22

yāvaccharikā śaktirvīrācirikātra piṅgalām̐ proktā
praṇavanamaskārayutā kuliśāṣṭakasaṃyutāgre ca

26.23

kālīṃ phaṭkāraravāṃ vaijārūḍhāṃ bhayaṅkarīṃ caiva
tālena likhed yantraṃ haridrayā vātra gairikayā

26.24

cāmuṇḍāṃ tatra likhed vyāvṛtavadanāṃ bhujaṅgamaiḥ sahitām
daṃṣṭrāsyāṃ bhīmamukhīṃ piṅgākṣīṃ rūpagandhāṃ ca

26.25

pretārūḍhāṃ raudrīṃ narāntramālāvibhūṣitoraskām
pāśāṅkuśaśūladharīṃ ḍamarukakheṭakakapāladharīm

26.26

khaḍgadharīṃ vikṛtarucāmudare yantraṃ likhet tasyāḥ
tatra pūjayed budhendraḥ samastasiddhipradaṃ nityam

26.27

gandhakusumāsavādyaiḥ prapūjayet saptakanyakāṃstatra
brāhmayādyāścaṇḍayantyāḥ saṅkalpya yathākrameṇaiva

26.28

punariha bhakṣyaṃ bhojyaṃ tābhyo dattvā pradāpayed grāsam
śamayecchatrusamūhaṃ rājāyuṣmān bhavet sadyaḥ

26.29

oṃ avahu avahu, māpaḍi āhodasaramaujogrārprāccho ucchat ṇihe parā iti ajaraktā pottāṇi śatrutrāsaṇi
ājadavaṇa sañcaroso iṇi āho rudire māse viḷi viḷi
āhoḥ saubaṇṇapake pacchuri āpaccheri hau kumāri skaindhadapāpāṇiho ghujādāṇa dayāpaṇī ājakapaṇakājjaā iti
japtvāaikalakṣamādyaṃ sainyastambhaṃ tu kārayet paścāt
tadbhasitaṃ sīmānte kṣiped ripustambhanāya param

Samaravijayodaya 26: atha caturviṃśo'dhyāyaḥ

Contents

atha caturviṃśo'dhyāyaḥ