Samaravijayodaya 3

Language: Sanskrit

3.44 — 1 part

3.1

raviśukrabhaumaviṣadharaśanaiścaraśaśāṅkasaumyavākpatayaḥ
prācyādīnāṃ patayo bhavantyamī vāranetāraḥ

3.2

kālasyātmādityo manaḥ śaśāṅko dharātmajaḥ sattvam
jño vāg jīvaḥ prāṇo bhṛguḥ sukhaṃ sūryajaḥ kopaḥ

3.3

aruṇasitāsṛkśyāmāḥ svarṇapayaḥkṛṣṇanīlavarṇāḥ syuḥ
ravicandrabhaumabudhaguruśukrārkajabhoginaḥ kramaśaḥ

3.4

śaśiśukrau strīrūpau dinakaragurubhūmisūnavaḥ puruṣāḥ
budhabhujagasūryata nayā napuṃsakāḥ syurgrahāste'pi

3.5

kṣīṇendusūryabhūmijanīloragaketavaḥ sadā krūrāḥ
bhārgavasurejyasaumyāḥ saumyāścandraśca śukle'pi

3.6

vihagau śanaiścarabudhau dvipadau gurubhārgavau śaśī kīṭaḥ
divasakarabhūmitanayau catuṣpadau sarvadā bhavataḥ

3.7

samadṛṣṭirjāmitre tripādadṛṣṭiścaturthanaidhanayoḥ
navame sute'rdhadṛṣṭirdaśame sahaje'ṅghridṛṣṭiḥ syāt

3.8

kujasūryau caturaśrau sumaṇḍalaḥ śītakṛd budhastryaśraḥ
āyatavṛtto jīvaḥ sito'ṣṭakoṇo bhavatyevam

3.9

atyāyatacaturaśrāḥ sūryātmajarāhuketavaḥ sarve
bhūmyādīnāṃ patayaḥ koṇaśaśāṅkārabudhajīvāḥ

3.10

adṛḍhaṃ raveḥ sakāṣṭhaṃ navaṃ ca śaśinaḥ kujasya dagdhagṛham
bahuśilpaṃ śaśisūnordṛḍhaṃ guroḥ syād bhṛgościtram

3.11

dinakarasūnoḥ śūnyaṃ jīrṇaṃ bhujagasya veśma nirdiṣṭam
ketugṛhaṃ pravibhaktaṃ nimnāśritamāhuranye'pi

3.12

bhūmivanakośacaityajvalanāmṛtadevatāśramāḥ proktāḥ
mandāsurāptasuragurusaumyorvījendusūryāṇām

3.13

rātrau mandendukujāḥ śaśāṅkajaḥ sarvadāhni śeṣāśca
balavanto niśi pāpāḥ saumyāḥ śukle vadantyanye

budhabhaumabhāskarātmajajīvasitendūṣṇaraśmibhujagendrāḥ
kramaśo balādhikāste sahajastha bhavanti loke'smin
asitasitaraktaśaśibudhaguravaḥ śiśirādināyakāḥ proktāḥ
kṣityādīnāṃ patayo budhabhṛgukujamandajīvāḥ syuḥ

3.16

jīvabudhau grāmacarau ravikujasauroragāstvaraṇyacarāḥ
jalanilayau bhṛgucandrau nirdiṣṭau tatra śāstrajñaiḥ

3.17

bhṛgusaumyau rājasikau raviguruśaśinastu sāttvikāḥ proktāḥ
tāmasikau kujamandau grahasvabhāvāḥ samākhyātāḥ

3.19

rājā dinakṛt somaḥ paṇyastrī syāt kujo'pi daṇḍadharaḥ
saumyo yatiratha gaṇako gururapi vipraḥ sitaḥ strī syāt
dāso nikṛṣṭajātiścaṇḍālaḥ sūryasūnurākhyātaḥ
rāhuśca carmakāraḥ ketuḥ saṅkīrṇavarṇo'yam

3.20

ādityaḥ śivaveṣaścandraḥ kāpālikaḥ kujo bhikṣuḥ
pāśupato jño jīvo vipraḥ śukrastathau yogī

3.21

nagnaḥ śanaiścaro'sau rāhurve bhairavaḥ samākhyātaḥ
keturbhavet parivrāḍ grahāḥ svaveṣāḥ pṛthak proktāḥ

3.22

mūrdhamukhakaṇṭhaivakṣohṛdūruyugmāṅghriyugaḷabhāgāḥ syuḥ
bhaumasitasaumyaśaśiravimandagurūṇāṃ pradeśāste

3.23

mastatalocanakarṇaśvāsāśraryavaktrakaṇṭhacibukāni
saurārasaumyagurubhṛgudinakaraśaśināṃ pradeśāḥ syuḥ

3.24

śaśinaḥ kapolavakṣaḥ śukrasya tu nāsikāgranetrayugam
liṅgāgraśiraḥkaṇṭhāḥ koṇasya gurośca karṇayugam

3.25

gudahṛdayabāhuyugalaṃ kujasya hanavò raveśva jānuyugam
pṛṣṭhorū śaśisūnornirdiṣṭau śāstratattvajñaiḥ

3.26

raktaśyāmo hrasvaḥ kṛśo'lpakeśaḥ samāṃsalaḥ śūraḥ
pittātmakaḥ pratāpī madhudṛk sūryo'sthisāraśca

3.27

gauraścapalo dīrghaḥ strīlolaḥ śleṣmavātasaṃspṛṣṭaḥ
tanuvṛtto mṛduvāk ca svakṣaścandro rudhirasāraḥ

3.28

krūraḥ khalaḥ pratāpī lubdho rakto dṛḍho'bhimānī ca
majjāsāro bhaumo raktākṣo vātapittātmā

3.29

śyāmaḥ subhago mānī vātaśleṣmādhiko'caro dīrghaḥ
nātyaṅgastvaksāraḥ kalānvito buddhimān saumyaḥ

3.30

medaḥsāro matimān medhāvī dharmavatsalo gauraḥ
madhyatanuḥ priyavādī bṛhaspatiḥ sarvavidyātmā

3.31

gauraḥ śyāmaḥ subhagastyāgī bhogī samāṃsalo bhadraḥ
jñānī ca sthirabuddhiḥ śāstrajño bhārgavo dīrghaḥ

3.32

rūkṣo dīrghaḥ kṛṣṇaḥ piṅgākṣo bhīrukaḥ kṛśaḥ piśunaḥ
vātaprakṛtirmando nirmāṃsaiḥ snāyusāraśca

3.33

atikṛṣṇaḥ kuṭilatanurdīrghāṅghrirvikaṭalocanaḥ krūraḥ
vakragatirdurmedhā rāhuḥ sākṣādadhodṛṣṭiḥ

3.34

ekādaśe tṛtīye daśame ṣaṣṭhe ca bhāskaraḥ śubhadaḥ
janmani dhane caturthe cāgre'ntye pañcame krūraḥ

3.35

janmānalartusaptamadaśamaikādaśeśubhapradaścandraḥ
ardhī(ṣṭā ? stā) ṣṭadvādaśonilaye'sau mṛtyudo jñeyaḥ

3.36

analarasarudradaśame rudhirārkajagahuketavaḥ śubhadāḥ
aṣṭamajanmārthāṣṭamajāmitrāntyeṣu jīvaharāḥ

3.37

janmadvitīyapañcamacaturthaṣaṣṭhāṣṭasaptadaśameṣu
dvādaśame śaśiputraḥ phalapradaḥ sarvakāryakaraḥ

3.38

bhūtanayaneśasaptamarandhrasthāneṣu lābhamarthāptim
putrotpattiṃ puṣṭiṃ śakrācāryaḥ sthitaḥ kurute

3.39

janmani daśame ṣaṣṭhe dvādaśahibukāṣṭame tṛtīye(pu? ca |)
śatrutvamarthahāniṃ ruṅ‌nirgamanaṃ guruḥ kurute

3.40

munirasadaśamasthāne yuvativiyogaṃ vipūcimapavādam
karmavihīnaṃ kalahaṃ vastrālārbha bhṛguḥ kurute

3.41

aṣṭamaidaśamaikādaśapañcamahibukavyayārthasahajeṣu
strīsamparkaṃ lābhaṃ dehasukhaṃ bhārgavaḥ kurute

3.42

ādityasaumyaśukrāḥ sadaikarāśyekamāsabhoktāraḥ
gururekavarṣabhoktā tripakṣabhoktā bhaved bhaumaḥ

3.43

varṣadvayārdhavarṣaṃ tiṣṭhati rāśau śanaiścaro rāhuḥ
ardhābdaṃ varṣaṃ ca dinadvayaṃ sāṅghribhuk candraḥ

3.44

pūrvajanmani śubhāśubhamudyatkarmaṇaḥ phalamiha grahacāraḥ
vyañjayatyakhilavastu padārthān dhāmni dīpa iva tatrai tama[sthān

3.44.p1

iti saṅgrāmavijayodaye dvitīyo'dhyāyaḥ

Samaravijayodaya 3

Contents