Samaravijayodaya 6: atha pañcamo'dhyāyaḥ
Samaravijayodaya 6
- Language
- Sanskrit
Contents
- 6.16 — 1 part
atha pañcamo'dhyāyaḥ
6.1
atha tithayaḥ pañcadaśa svarapañcadaśādhidevatāḥ proktāḥ
kṣayavṛddhikalopetāḥ kṛṣṇe śukle savarṇāstāḥ
6.2
kādidakārānto'yaṃ hīnatrayavarjito bhavecchuklaḥ
dhādiham̐kārānto'yaṃ kṛṣṇe'hani sūryajaḥ pakṣaḥ
6.3
tāḥ ṣaṣṭināḍyupetā dve dve ghaṭike prabhuñjate tithayaḥ
sakalatithīnāṃ sandhau caratyamā sarvagā nityā
6.4
dīrghakalābhiḥ śuklaḥ kṛṣṇaḥ sauraḥ salāghavaḥ pakṣaḥ
śaityasthitisṛṣṭikaraḥ saṃhārakaro bhavedrauṣṇaḥ
6.5
nityaṃ śubhā dvitīyā trayodaśī pañcamī śubhā jñeyā
ekādaśī ca ṣaṣṭhī daśamī ca dvādaśī nogrā
6.6
saptāṣṭanavamatithayaḥ krūrāḥ pratipaccaturdaśī jñeyā
raudrī sadā tṛtīyā caturthyamāpūrṇimāstīkṣṇāḥ
6.7
divasakaro himaraśmeḥ kalāṃ pibeccandramāśca sūryakalām
recakapūrakahetoḥ śukle kṛṣṇe kramāt pakṣe
6.8
ākāraścandramasaḥ sa pūrakaḥ sṛṣṭikṛd dineśasya
aṅgāraḥ saṃhāraḥ sa recako dakṣiṇāvartaḥ
6.9
ātmaprāṇārūḍhāstārāgraharāśibhūtasaṃyuktāḥ
tithayaścaranti dehe śubhāśubhoddīpakāḥ puṃsaḥ
6.10
yasyāṃ tithau sa jātastasyāṃ mṛtyuḥ sthitaḥ samuddiṣṭaḥ
yasyāṃśakalā bhāryā sā vaśyā kāmadā sevyā
6.11
guruṣaṣṭhī yamanavamī site'ṣṭamī dvādaśī ravau dūṣyā
ekādaśī śaśāṅke budhe dvitīyātha pañcamī bhaume
6.12
punaranyaṃ vakṣye'haṃ dagdhatithiprāptamuṣṇakiraṇena
dvādaśamāseṣu tataḥ samastakāryāpahaṃ raudram
6.13
vṛṣakumbhayoścaturthī kanyāmithunāṣṭamī dhanurjhaṣayoḥ
dagdhā tithirdvitīyā karkaṭake'je bhavet ṣaṣṭhī
6.14
daśamī harivṛścikayostulāmakarayośca vaiṣṇavī dagdhā
ete tithayo jñeyāḥ saṃvarjyāḥ śāstrasaṃvidbhiḥ
6.15
brahmaprajeśahariyamahimāṃśuśikhivāhanendravasuphaṇinaḥ
dharmaharrasūryamanasijaśaṅkaraviśve ca̍ tithipatayaḥ
6.16
pitaro'māvāsyāyāṃ paॅtayastasyāṃ ca̍ pūjanādhīśāḥ
udyante tithisahitāḥ śaśicakre kālarūpābhāḥ
6.16.p1
iti saṅgrāmavijayodaye tithikalpanaṃ nāma pañcamo'dhyāyaḥ