Samaravijayodaya 7: atha ṣaṣṭho'dhyāyaḥ
Samaravijayodaya 7
- Language
- Sanskrit
Contents
- 7.34 — 1 part
atha ṣaṣṭho'dhyāyaḥ
7.1
atha kathayāmi samāsāt strīpuruṣanapuṃsakātmanakṣatram
viṃśatyakṣarajātaṃ pañcasvarabheditaṃ spaṣṭam
7.2
śatakoṣṭhaṃ saṃlikhya prāgādyaṃ nātivistaraṃ paścāt
avaiṃkahaḍaudyān nyastvā viṃśativarṇaॉśca pūrvādyam
7.3
ekaikaṃ pratyekaṃ vibhedayet pañcabhiḥ svaraiḥ kramaśaḥ
ṛkṣaṃ sacatuṣpādaṃ rāśiṃ navapādasaṃyuktam
7.4
āgneyādiyamantāstārāstāścāṣṭaviṃśatiḥ proktāḥ
akṣarasaṃsthāḥ sarvāstābhyaste rāśayo jñātāḥ
7.5
ekāṃśakāścatasrastārāstāḥ stambhāśca nāmākhyāḥ
ārdrāhastāṣāḍhottarabhadrāṇi nāmnā syuḥ (?)
7.6
ādhānajanmanāmnāṃ trirāśayaḥ sarvalokavikhyātāḥ
teṣu pradhānabhūto raṇāgame nāmabhūtarāśiśca
7.7
yad yasya suprasiddhaṃ loke nāma pragīyate bahubhiḥ
tannāma grahītavyaṃ natu guptaṃ nāprasiddhaṃ ca
7.8
kathanīyaṃ nāmarkṣaṃ yannāmādyakṣareṇa saṅgaṇya
avakahaḍavarṇarāśinyāyopāyena tat tasya
7.9
nāmādyakṣarapārā jñātvā samyak śubhāśubhaṃ brūyāt
koṣṭhanavatrikamadhye janmakṣaṃ yasya saṅgaṇya
7.10
janma prathamaṃ sammad dvitīyamṛkṣaṃ vipat tṛtīyaṃ syāt
kṣemakaraṃ ca caturthaṃ pratyaramapi pañcamaṃ jñeyam
7.11
ṣaṣṭhaṃ sādhakametat saptamabhaṃ naidhanaṃ tato maitram
navamaṃ ca paramamaitraṃ punarapi nava bhedato gaṇayet
7.12
rājau svajanmajāto madhyamaphaladaḥ priyaḥ sa sanmānaḥ
sampattārodbhūtaiḥ samastasampatprado nityam
7.13
vipadi tu jāto rājā niṣphalado'nte ca mṛtyudo jñeyaḥ
kṣemakarajātako'tha snehakaraḥ pratyare tathā śatruḥ
7.14
dhanadaḥ sādhakajātaḥ prāṇaharastasya naidhanodbhūtaḥ
sanmānadānaphaladaḥ svamaitrajaḥ paramamaitraijātaśca
7.15
sampatpradaḥ suphaladastripañcasaptarkṣajātako viphalaḥ
vaināśikasaṃjāto vināśakṛt tasya vijñeyaḥ
7.16
ṛkṣaṃ saikarmadaśamaṃ garbhādhānaṃ ca viṃśatiḥ proktam
dvāviṃśa nakṣatraṃ vaināśikamāhurācāryāḥ
7.17
aśviyamānalavidhiśaśirudrāditigurubhujaṅgapitryonyaḥ
aryamabhagadinakṛttvaṣṭānilaśakrāgnimitrendrāḥ
7.18
nirṛtijalaviśvaharivasuvaruṇājaikapādahirbudhnyauḥ
aśvinyādyadhipatayo bhavanti pūṣā tu revatyāḥ
7.19
mūlaviśākhājyeṣṭhāmakhādhaniṣṭhābhivaruṇedaivāni
citrā ca rākṣasāṃśāstārāḥ krūrāstu vijñeyāḥ
7.20
puṣyapunarvasuhastasvātyanurādhāśvinīmṛgaśravaṇāḥ
revatyā nava tārāḥ proktā vibudhāṃśakāḥ saumyāḥ
7.21
proṣṭhapadaṃ bhādrapadaṃ bharaṇī raudraṃ ca rohiṇī viśvam
aryamabhagāmbujātāḥ proktāstārā manuṣyāṃśāḥ
7.22
prītikarāḥ syuḥ svagaṇā mānuṣadevāṃśayośca mitratvam
vairaṃ surarākṣasayo rākṣasavadhyo manuṣyāṃśaḥ
7.23
puṣyānalayośchāgo yoniḥ syāt saumyarohiṇo sarpaḥ
mūlādyayormṛgārirmakhādhaniṣṭhākhurākhyāta:
7.24
āśleṣapunarvasvormārjāro durjayo mahotkrūraḥ
tvāṣṭrendrāgnyorvyāghraḥ paśurbhavedambubhagayośca
7.25
maitrendvayormṛgāraṇyo hastasvātī turaṅgavairī syāt
varuṇāśvinī turaṅgaḥ kapiḥ śravaṇavaiśvadevayorjātaḥ
7.26
bharaṇīpauṣṇadviradau bhādrapadāryamamṛgādhipo jñeyaḥ
abhijit prāgbhādrapadaṃ prabhavo babhruḥ samākhyātaḥ
7.27
chāgaḥ phaṇī mṛgāriḥ palitavilālaśca puṇḍarīkaśca
paśuvṛṣamahiṣaturaṅgamakapirajakesaribabhravaḥ proktāḥ
7.28
nakṣatrabalaṃ proktaṃ caturdaśavidhaṃ sphuṭaṃ samāsena
yo yasmādadhikabalaṃ taṃ tenaiva prayuñjīta
7.29
govyāghrayorviruddhaṃ nakulena phaṇī dvipāriṇā hastī
chāgena grāmamṛgaḥ kṛto vilālena palitākhyaḥ
7.30
mṛgamarkaṭayoryuddhaṃ vivarjayedāhave tato nityam
mahiṣaturaṅgamakalahaḥ pradūṣito yuddhaśāstrajñaiḥ
7.31
dvādaśa tāḥ kulatārāḥ sthāyinyo māsanāmasambhūtāḥ
yāyinyo dvādaśa tāścarasthirākhyāścatasraśca
7.32
citrā viśākhā śravaṇaṃ ca śākraṃ
puṣyaṃ makhābhadrapadābhijātam
saumyāśvinī viśvajaphālgunākhyaṃ
kulāni ca dvādaśamāsajāni
7.33
hastānurādhāyamajaikapādaṃ
svātyambujaṃ phālgunavāruṇākhyam
brāhmaṃ sanāgāditijaṃ sapauṣṇaṃ
dviṣatprabhedā̍nyakulāni bhāni
7.34
nirṛtivasujaraudrarākṣasāni
sthitacaritāni kulākulāni bhāni
prathamamapi kuloḍubhiḥ praveśastadakulabhe raṇabhūtalaṃ ca paścāt
7.34.p1
iti saṅgrāmavijayodaye nakṣatravidhāno nāma ṣaṣṭho'dhyāyaḥ