Yogayatra 8
Yogayātrā 8
- Language
- Sanskrit
Contents
8.1
vedī śubhā śulvavidhānadṛṣṭā diksthānamānābhydhikā na hīnā/
bhraṣṭapramāṇa prakaroti bhaṅgaṃ digvakrasaṃsthā ca na siddhidā syāt//
8.2
prāgbhāgahīnā nagarasya neṣṭā purodhasāṃ dakṣiṇabhāgavakrā/
narendrajāyāśubhadā parasyām udag baleśasya nṛpasya madhye//
8.3
sattvair alīḍhaṃ na pipīlamakṣikāmalāvilaṃ vā vijayapradaṃ haviḥ/
dravyāṇy anūnāni paṭuḥ purohito juhoti samyag vijayāya bhūbhṛtām//
8.4
gandhamālyacarukumbhabhājanasrukkuśavyajanasarpiṣāṃ yadā/
bhaṅgavismṛtinipātahīnatā pārthivasya na bhavet tadā śubham//
8.5
śāntāyāṃ diśi yadi śaṅkhatūryaśabdāḥ saptīnāṃ plutamibhabṛṅhitāni vā syuḥ/
puṃsāṃ vā pramuditaceṣṭitapralāpāḥ śrūyante yadi ca jayo 'sti homakāle//
8.6
apratirathaḥ samasto yātrāliṅgas tathā 'bhayaś ca gaṇaḥ/
svastyayanaśarmavarmā 'parājitāḥ puṣpasaṃjñāś ['parājitā ''yuṣyasaṃjñāś] ca//
8.7
indraś candraś citi gaṇo yat te candraś ca bhūtabhūteti/checked
sūktaṃ mahāvyāhṛtayo mantrāśīrvaiṣṇavā mantrāḥ//
8.8
prājāpatyāś coktā home nirgacchato 'nu gamane ca/
agnipurohitasaṃsthāny ato nimittāni vakṣyāmi//
8.9
kṛte 'pi yatne 'tikṛśaḥ [ū.'pi kṛZaḥ] kṛśānur yātavyakāṣṭhāvimukho natārciḥ/
vāmīkṛtāvartaśikho [ū.vāme kṛtāvartaśikho] 'tidhūmo vicchinnasākampavilīnamūrtiḥ//
8.10
śimaśimāyati yasya [ū.cāsya] havir hutaṃ sura\-.dhanuḥ\-.sadṛśaḥ kapiśo [ū.kapilo] 'thavā/
rudhirapītakababhruharicchaviḥ paruṣamūrttir aniṣṭakaro 'nalaḥ//
8.11
śvakharakarabha [ū.kharakarabhaka]vānarānurūpo nigaḍavibhīṣaṇaśastrarūpabhṛd vā/
śavarudhiravasāsthivastagandho hutabhug aniṣṭaphalaḥ sphuliṅgakṛc ca//
8.12
carmavipāṭanatulyaninādo jarjaramandavirūkṣaravo vā/
ākulayaṃś ca purohitasabhyān [ū.purohitamartyān] dhūmacayair aśivāya [ū.na śivāya] hutāśaḥ//
8.13ab-K.14
svāhāvasānasamaye svayam ujjvalārciḥ snigdhapradaksiṇaśikho hutabhug nṛpasya/
8.13cd-K.14
gaṅgādivākarasutājalacāruhārāṃ dhātrīṃ samudrarasanāṃ vaśagāṃ karoti//
8.14
hārakundakusumendusaṃnibhaḥ saṃhato 'ṅgasukhado mahodayaḥ/
aṅkuśābjajalavāraṇacchavir hūyate 'lpatapasāṃ na [ū.'lpa upamāna] havyabhuk//
8.15
cāmīkarāśokakirīṭaratnavaidūryanīlotpalasaṃnibhe 'gnau/
na dhvāntam antar bhavane 'vakāśaṃ karoti ratnāṃśuhṛtaṃ nṛpasya//
8.16
yeṣāṃ rathaughārṇavameghadantināṃ samaḥ svano 'gnir yadi vā 'pi dundubheḥ/
teṣāṃ madāndhebhaghaṭāvaghaṭṭitā bhavanti yāne timirābilā [timiropamā] diśaḥ//
8.17
dhvajakumbhahayebhabhūbhṛtām anurūpe vaśam eti bhūbhṛtām/
udayāstadharādharādharā himavadvindhyapayodharā dharā//
8.18
dviradamadamahīsarojalājair ghṛtamadhunā ca hutāśane sagandhe/
praṇatanṛpaśiromaṇiprabhābhir bhavati puraś churitā nṛpasya dīptiḥ//
8.19
agnyāśritaṃ yat phalam uktam asmiṃs nṛjātakarmādiṣu pauṣṭikeṣu/
yajñeṣu sarveṣu ca vahnikāryeṣv evaṃ vaded yasya yathānurūpam//E19
Linked texts (2)
- Bṛhatsaṃhitā — Varāhamihira, Sanskrit
- Varāhamihirasaṃhitā — Varāhamihira, Sanskrit
Discussed in (1)
- War in Ancient India — Dikshitar 1944, English