Yogayatra 7: chap.7 candrabala
Text after D. Pingree's edition (1972) 7
- Language
- Sanskrit
chap.7 candrabala
7.1
satya āha gatikarmakalpahā janmagas tu himaguryiyāsataḥ/
tatra dehanavate 'vajāyate tena karmasu na sādhakaḥ smṛtaḥ//
7.2
tac ca tasya bahubhir viśodhitaṃ lagnam eva sutarāṃ yatas tanuḥ/
tulyadehanavatāṃ prapadya kiṃ sodayodayam uvāca śobhanam//
7.3
aṣṭavargapariśodhitaḥ śaśī śreṣṭhatāṃ samanuvartate yadā/
janmago 'pi hi tadā praśasyate yo 'ṣṭavargaśubhadaḥ sa śobhanaḥ//
7.4
saptamāyadaśaṣaṭtrijanmago neṣṭado dvinidhanopagair grahaiḥ/
bandhuriḥphanavapañcamasthitaiś ceṣṭado yadi vilomaveśmagaḥ//
7.5
yasya gocaraphalapramāṇatā tasya vedhaphalam iṣyate na vā/
prāyaśo na bahusaṃmataṃ tv idaṃ sthūlamārgaphalado hi gocaraḥ//
7.6
yasyotsṛjaty uḍupatiḥ puruṣo 'pasavyaṃ janmarkṣam āpadam upaiti sa bhūmipālaḥ/
yāyī tathetaragṛhopagate sitādau yāyītareś varajayo bahule kṣayaś ca//
7.7
horārāśāv upacayagṛhe janmabhe vā yiyāsor hānir hānāv uḍugaṇapatau vṛddhir āpūryamāṇe/
pakṣasy ādāv apacayagṛhe hānir āpūryamāṇe vṛddhis tūktā hrasati himagau kṛṣṇapakṣādisaṃsthe//
7.8
upacayagṛhayuktaḥ savyagaḥ śuklapakṣe śubham abhilaṣamāṇaḥ saumyamadhyasthito vā/
sakhivaśigṛhayuktaḥ kārakarkṣe 'pi cendur jayasukhaphaladātā tatprahartāny athātaḥ//
7.9
prakṣīṇe 'pya anupacayasthite 'pe yāyād viśrabdhaṃ yadi sakhivaśyakārakarkṣe/
naivaṃ ced udayagṛhāt svajanmabhād vā sampūrṇe 'py upacayage 'pi na prayāyāt//
7.10
bhṛgusutabudhabhinne ruk sureḍyena mṛtyur bhayam asitakujābhyāṃ ketunā strīpraṇāśaḥ/
apaṭukiraṇakāntau gacchataḥ śatruvṛddhiḥ savikṛtapariveṣe netranāśaḥ śaśāṅke//E10
Linked texts (6)
- Bṛhadyātrā — Varāhamihira, Sanskrit
- Yakṣeśvamedhīyayātrā — Sanskrit
- Śuddhikaumudī (Govindānanda Kavikaṅkaṇācārya) — Govindānanda Kavikaṅkaṇācārya 1510, Sanskrit
- Vidyāmādhavīya (Vaidyamādhava) — Vaidyamādhava, Sanskrit
- Daivajñakāmadhenu — Anavamadarśin Saṅgharāja, Sanskrit
- Muhūrtadarpaṇa (Vidyāmādhava) — Vidyāmādhava, Sanskrit