[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Āgama sūtras of the mainstream schools](https://indike.org/pramana/in.bauddha.sanskrit.agama) › [Arthavinishcayasutra](https://indike.org/pramana/in.bauddha.sanskrit.agama.arthaviniscayasutra) › 9 # Arthavinishcayasutra 9 Arthaviniścayasūtra 9 - **Language:** Sanskrit ### [9](https://indike.org/pramana/in.bauddha.sanskrit.agama.arthaviniscayasutra.9) (a) tatra katamā avidyā? yattatpūrvānte 'jñānam | aparānte 'jñānam | pūrvā(ntā) parānte 'jñānam | adhyātma ajñānam | bahirdhā ajñānam | adhyātmabahirdhā ajñānam | karmaṇyajñānam | vipāke 'jñānam | karmavipāke 'jñānam | sukṛte 'jñānam | duṣkṛte 'jñānam | sukṛtaduṣkṛteṣu dharmeṣvajñānam | hetāvajñānam | phale 'jñānam | hetuphale 'jñānam | hetusamutpanneṣu dharmeṣvajñānam | pratītyasamutpāde 'jñānam | pratītyasamutpanneṣu dharmeṣvajñānam | buddhe 'jñānam | dharme 'jñānam | saṃghe 'jñānam | duḥkhe 'jñānam | samudaye 'jñānam | nirodhe 'jñānam | mārge 'jñānam | kuśale 'jñānam | akuśale 'jñānam | kuśalākuśaleṣu dharmeṣvajñānam | sāvadye 'jñānam | anavadye 'jñānam | sāvadyānavadyeṣu dharmeṣvajñānam | sevitavye 'jñānam | asevitavye 'jñānam | sevitavyāsevitavyeṣu dharmeṣvajñānam | sāsrave 'jñānam | anāsrave 'jñānam | sāsravānāsraveṣu dharmeṣvajñānam | saṃskṛte 'jñānam | asaṃskṛte 'jñānam | saṃskṛtāsaṃskṛteṣu dharmeṣvajñānam | atīte 'jñānam | anāgate 'jñānam | pratyutpanne 'jñānam | atītānāgatapratyutpanneṣu dharmeṣvajñānam | ṣaṭ su vā sparśāyataneṣu yathābhūtamajñānamadarśanamanabhisamayastamaḥ saṃmoho 'vidyāndhakāram | iyamucyate 'vidyeti || - [Previous: 8](https://indike.org/pramana/in.bauddha.sanskrit.agama.arthaviniscayasutra.8) - [Next: 10](https://indike.org/pramana/in.bauddha.sanskrit.agama.arthaviniscayasutra.10) ## Linked texts (6) - [Nidānasaṃyukta](https://indike.org/pramana/in.bauddha.sanskrit.agama.nidanasamyukta.16.4) — Sanskrit - [坐禪三昧經](https://indike.org/pramana/in.bauddha.taisho.614.2.72) — Classical Chinese - [Pratītyasamutpādavibhaṅgasūtra](https://indike.org/pramana/in.bauddha.sanskrit.agama.pratityasamutpadavibhangasutra.12) — Sanskrit - [དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས](https://indike.org/pramana/in.bauddha.sanskrit.agama.arthaviniscayasutra*bo.4) — Classical Tibetan - [Pratītyasamutpādādivibhaṅganirdeśasūtra](https://indike.org/pramana/in.bauddha.sanskrit.mahayanasutra.pratityasamutpadadivibhanganirdesa.4) — Sanskrit - [Two Brick Inscriptions from Nalanda (Brick B, with variants of Brick A)](https://indike.org/pramana/inp.epigraphy.north.varia.two-brick-inscriptions-from-nalanda-brick-b-with-variants.6) — Sanskrit --- Source: [https://indike.org/pramana/in.bauddha.sanskrit.agama.arthaviniscayasutra.9](https://indike.org/pramana/in.bauddha.sanskrit.agama.arthaviniscayasutra.9) · Pramāṇa