[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Āgama sūtras of the mainstream schools](https://indike.org/pramana/in.bauddha.sanskrit.agama) › [Ayuhparyantasutra](https://indike.org/pramana/in.bauddha.sanskrit.agama.ayuhparyantasutra) › 3.28 # Ayuhparyantasutra 3.28 Āyuḥparyantasūtra 3.28 - **Language:** Sanskrit ### [3.28](https://indike.org/pramana/in.bauddha.sanskrit.agama.ayuhparyantasutra.3.28) Āps 12. jāmbūdvīpakānāṃ bhikṣavo manuṣyāṇām utkarṣāpakarṣaṃ prajñāyate. jāmbudvīpakā bhikṣavo manuṣyā amitāyuṣo 'pi, aśītivarṣasahasrāyuṣo 'pi, (GBM 1705.5) varṣaśatāyuṣo 'pi, daśavarṣāyuṣo 'pi. Āps 13. etarhi bhikṣavo jāmbūdvīpakānāṃ manuṣyāṇāṃ varṣaśatam āyuṣaḥ pramāṇaṃ. etarhi bhikṣavo jāmbūdvīpakānāṃ manuṣyāṇāṃ (GBM 1705.6) yaś ciraṃ jīvati sa varṣaśataṃ kiṃcid vā bhūyaḥ samyaksukhena parihṛyamāṇaḥ. Āps 14. varṣaśataṃ khalu bhikṣavo jīvaṃ daśāvasthāḥ pratyanubhavati. prathamāyām avasthāyāṃ (GBM 1705.7) bālo bhavati manda uttānaśāyī. dvitīyāyām avasthāyāṃ kumāro bhavati krīḍanajātīyaḥ. tṛtīyāyām avasthāyāṃ yuvā bhavati kāmabhogī. caturthyām avasthāyāṃ (GBM 1704.1) balavān bhavati utsāhī. paṃcamyām avasthāyāṃ prajño bhavati pratibhānavān\*. ṣaṣṭhyām avasthāyāṃ smṛtimān bhavati mīmāṃsanajātīyaḥ. saptamyām avasthāyāṃ sthito bhavati manā (GBM 1704.2) + + prāptaḥ. aṣṭhamyām avasthāyāṃ sthaviro bhavati rājanyaḥ. navamyām avasthāyāṃ vṛddho bhavati jarājīrṇaḥ. daśamyām avasthāyāṃ gatāyur bhavati maraṇaparāyaṇaḥ. varṣaśataṃ (GBM 1704.3) khalu bhikṣavo jīvam iha daśāvasthāḥ pratyanubhavati. Āps 15. varṣaśataṃ khalu bhikṣavo jīvan trīṇi ṛtuśatāni jīvati, ṛtuśataṃ hemantānāṃ, ṛtuśataṃ grīṣmāṇāṃ (GBM 1704.4) ṛtuśataṃ varṣāṇām\*. trīṇi ṛtuśatāni jīvan dvādaśa māsaśatāni jīvati, catvāri hemantānāṃ, catvāri grīṣmāṇāṃ, catvāri varṣāṇāṃ. dvādaśa māsaśatāni (GBM 1704.5) jīvaṃ caturviṃśatim ardhamāsaśatāni jīvati, aṣṭau hemantānām, aṣṭau grīṣmāṇām, aṣṭau varṣāṇām\*. caturviṃśatim ardhamāsaśatāni jīvaṃ ṣaṭtriṃśataṃ rātriṃdivasasahasrāṇi (GBM 1704.6) jīvati dvādaśa hemantānāṃ, dvādaśa grīṣṃāṇāṃ, dvādaśa varṣāṇāṃ. Āps 16. ṣaṭtriṃśataṃ rātriṃdivasasahasrāṇi jīvan dvāsaptatiṃ bhaktasahasrāṇi bhuṃkte sārdhaṃ (GBM 1704.7) bhaktāntarāyaiḥ. tatreme bhaktāntarāyāḥ, kupito 'pi na bhuṃkte, duḥkhito 'pi na bhuṃkte, kṛcchraprāto 'pi na bhuṃkte, + + + + + + + + + + + + pano 'pi na bhuṃkte, labhamāno 'pi na bhuṃkte (GBM 1702.1) alabhamāno 'pi na bhuṃkte, supto 'pi na bhuṃkte, matto 'pi na bhuṃkte, pramatto 'pi na bhuṃkte, iti yaś ca bhuṃkte yaś ca na bhuṃkte tad aikadhyam abhisaṃkṣipya dvāsaptatir bhaktasahasrāṇi bhavanti (GBM 1702.2) sārdhaṃ mātu stanyapānena. Āps 17. iti hi bhikṣavo mayā jāmbūdvīpakāṇāṃ manuṣyāṇām āyur apy ākhyātam, ṛtavo 'pi, māsā apy, ardhamāsā api, rātriṃdivasāny api, bhaktāny api, (GBM 1702.3) bhaktāntarāyāṇy apy ākhyātā. Āps 18. yāni bhikṣavo manuṣyāṇāṃ paṃcāśad varṣāṇi tac cāturmahārājikānāṃ devānām ekaṃ rātriṃdivasaṃ, tena rātriṃdivasena triṃśad rātrakena (GBM 1702.4) māsena, dvādaśa māsakena saṃvatsareṇa, tayā saṃvatsaragaṇanayā divyāni paṃca varṣaśatāni cāturmahārājikānāṃ devānām āyuṣaḥ pramāṇaṃ. (GBM 1702.5) tad bhavati mānuṣikayā gaṇanayā navati varṣaśatasahasrāṇy āyuṣaḥ pramāṇam, asty antareṇa kālakriyā. Āps 19. tad bhavati saṃjīve mahānarake ekaṃ rātriṃdivasaṃ, (GBM 1702.6) tena rātriṃdivasena triṃśad rātrakeṇa māsena, dvādaśa māsakena saṃvatsareṇa, tayā saṃvatsaragaṇanayā paṃca varṣaśatāni saṃjīve mahānarake nārakāṇāṃ (GBM 1702.7) satvānām āyuṣaḥ pramāṇaṃ. tad bhavati māṇuṣikayā gaṇanayā. ekaṃ varṣakoṭīśatasahasraṃ dvāṣaṣṭīṇi ca varṣakoṭīsahasrāṇy āyuṣaḥ pramāṇam, asty antareṇa (GBM 1703.1) kālakriyā. Āps 20. atha bhagavāṃs tasyāṃ velāyāṃ gāthā bhāṣate. kāyaduścaritaṃ kṛtvā vacoduścaritām iva / X X X X ^ \_ \_ X X X X X ^ \_ ^ X // 28 - [Previous: 3.27](https://indike.org/pramana/in.bauddha.sanskrit.agama.ayuhparyantasutra.3.27) - [Next: 3.29](https://indike.org/pramana/in.bauddha.sanskrit.agama.ayuhparyantasutra.3.29) - [Up: 3](https://indike.org/pramana/in.bauddha.sanskrit.agama.ayuhparyantasutra.3) ## Linked texts (2) - [ཆོས་མངོན་པའི་མཛོད་ཀྱི་འགྲེལ་བཤད་ཉེ་བར་མཁོ་བ་ཞེས་བྱ་བ](https://indike.org/pramana/in.bauddha.sanskrit.darsana.abhidharma.abhidharmakosa!bhasya!upayika*bo.363) — Classical Tibetan - [ཚེའི་མཐའི་མདོ](https://indike.org/pramana/in.bauddha.sanskrit.agama.ayuhparyantasutra*bo.4) — Classical Tibetan --- Source: [https://indike.org/pramana/in.bauddha.sanskrit.agama.ayuhparyantasutra.3.28](https://indike.org/pramana/in.bauddha.sanskrit.agama.ayuhparyantasutra.3.28) · Pramāṇa