[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Avadāna and jātaka literature](https://indike.org/pramana/in.bauddha.sanskrit.avadana) › [Mahavastu](https://indike.org/pramana/in.bauddha.sanskrit.avadana.mahavastu) › 1.6428 # Mahavastu 1.6428 Mahāvastu 1.6428 - **Language:** Sanskrit ### [1.6428](https://indike.org/pramana/in.bauddha.sanskrit.avadana.mahavastu.1.6428) prajñā udapāsi āloko prādurabhūṣi // iyaṃ ca duḥkhanirodhagāminī pratipadā iti me bhikṣavo pūrve ananuśrutehi dharmehi yoniśo manasikārāt\* jñānaṃ udapāsi yāvad āloko prādurabhūṣi // taṃ khalu punar imaṃ duḥkham āryasatyaṃ parijñeyaṃ ti me bhikṣavaḥ pūrve ananuśrutehi dharmehi yoniśo manasikārāt\* jñānam udapāsi yāvad āloko prādurabhūṣi // tena khalu punar ayaṃ duḥkhasamudayo āryasatyo prahātavyo ti me bhikṣavaḥ pūrve ananuśrutehi dharmehi yoniśo manasikārāt\* jñānam udapāsi yāvad ālokaṃ prādurabhūṣi // atha khalu punar ayaṃ duḥkhanirodho āryasatyo sākṣīkṛto bhikṣavaḥ pūrve ananuśrutehi dharmehi yoniśo manasikārā jñānam udapāsi yāvad āloko prādurabhūṣi // sā khalu punar iyaṃ duḥkhanirodhagāminī pratipadāryasatyā bhāvitā me bhikṣavaḥ pūrve ananuśrutehi dharmehi yoniśo manasikārā jñānam udapāsi yāvad ālokaṃ prādurabhūṣi // yāvac cāhaṃ bhikṣavaḥ imāni catvāry āryasatyāni evaṃ triparivartaṃ dvādaśākāraṃ yathābhūtaṃ samyakprajñayā nābhyajñāsiṣaṃ na tāvad ahaṃ anuttarāṃ samyaksaṃbodhim abhisaṃbuddho pratijānehaṃ nāpi tāva me jñānaṃ udapāsi akopyā na me cetomuktiḥ sākṣīkṛtā / yato ahaṃ bhikṣavaḥ imāni catvāry āryasatyāni evaṃ triparivartaṃ dvādaśākāraṃ tathābhūtaṃ samyakprajñayā abhyajñāsiṣaṃ athāhaṃ anuttarāṃ samyaksaṃbodhim abhisaṃbuddho ti prajānāmi jñānaṃ ca me udapāsi akopyā ca me cetovimuktiḥ prajñāvimuktiḥ sākṣīkṛtā // - [Previous: 1.6427](https://indike.org/pramana/in.bauddha.sanskrit.avadana.mahavastu.1.6427) - [Next: 1.6429](https://indike.org/pramana/in.bauddha.sanskrit.avadana.mahavastu.1.6429) - [Up: 1](https://indike.org/pramana/in.bauddha.sanskrit.avadana.mahavastu.1) ## Linked texts (2) - [Mahāvadānasūtra (another edition)](https://indike.org/pramana/in.bauddha.sanskrit.agama.mahavadanasutra*alt.169) — Sanskrit - [ཆོས་ཀྱི་འཁོར་ལོའི་མདོ](https://indike.org/pramana/in.bauddha.sanskrit.agama.samyukta.dharmacakrapravartanasutra*bo-d337.2) — Classical Tibetan --- Source: [https://indike.org/pramana/in.bauddha.sanskrit.avadana.mahavastu.1.6428](https://indike.org/pramana/in.bauddha.sanskrit.avadana.mahavastu.1.6428) · Pramāṇa