[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Buddhist philosophy (śāstra)](https://indike.org/pramana/in.bauddha.sanskrit.darsana) › [Buddhist epistemology and logic](https://indike.org/pramana/in.bauddha.sanskrit.darsana.pramana) › [Tattvasaṃgraha](https://indike.org/pramana/in.bauddha.sanskrit.darsana.pramana.tattvasamgraha) › [ད་ཁ་ན་ཉད་བསྡས་པའ་ཚག་ལའར་བྱས་པ](https://indike.org/pramana/in.bauddha.sanskrit.darsana.pramana.tattvasamgraha*bo) › 264 # Tattvasamgraha 264 དེ་ཁོ་ན་ཉིད་བསྡུས་པའི་ཚིག་ལེའུར་བྱས་པ 264 - **Language:** Classical Tibetan ### [264](https://indike.org/pramana/in.bauddha.sanskrit.darsana.pramana.tattvasamgraha*bo.264) པ་དྲི་མེད་འདི། །བསྟན་བཅོས་ཀུན་གྱིས་བསྒྲུབས་བྱས་པས། །ཚད་མ་ཀུན་གྱིས་གནོད་པ་མིན། །འཁོར་བ་མི་མཐུན་ཤེས་པ་ཅན། །ཁྱབ་འཇུག་སོགས་ཀྱི་སྤྱོད་ཡུལ་མན། །མཁས་པ་རྣམས་ཀྱིས་གང་ཞིག་ནི། །དད་པས་སྤྱི་བོས་ལེན་པར་བྱེད། །ཉོན་མོངས་མ་ལུས་དགྲ་བོ་ཡི། །ཚོགས་ནི་འཇིག་པར་བྱེད་པ་ཅན། །མངོན་པར་མཐོ་བ་སྣ་ཚོགས་ཀྱི། །རྫོགས་རྒྱུ་མྱ་ངན་འདས་ཐོབ་རྒྱུ། །ཐུན་མོང་མིན་པའི་ཐབས་རྙེད་པ། །སྐྱེས་བུ་མ་ལུས་དང་མི་མཐུན། །གཅིག་པུ་དེ་ཉིད་ཀུན་མཁྱེན་མགོན། །དེ་ནི་ཚད་མ་དང་ལྡན་ཡིན། །གང་ཚེ་འདི་ལྟར་ཀུན་མཁྱེན་ནི། །ཆོས་ལ་སོགས་པ་རྟོགས་པའི་རྒྱུ། །འགའ་ཞིག་འཐད་པར་འགྱུར་བ་ན། །དེ་ཚེ་སྐྱེས་བུས་བྱས་ཚིག་གྲུབ། །རྣམ་པ་མེད་སོགས་དཔྱད་པ་ནི། །ཀུན་མཁྱེན་ལ་ནི་ཉེར་མཁོ་མིན། །ཇི་ལྟར་ཁྱེད་ཀྱི་ཤེས་པ་ནི། །དོན་འགའ་ལ་འཇུག་དེ་བཞིན་གཞན། །དེ་ཁོ་ན་ཉིད་བསྡུས་པའི་ཚིག་ལེའུར་བྱས་པ་ལས་གཞན་གྱི་དབང་པོ་ལས་འདས་པའི་དོན་མཐོང་བ་ཅན་གྱི་སྐྱེས་བུ་བརྟག་པ་སྟེ་སུམ་ཅུ་པའོ།། །།སློབ་དཔོན་ཞི་བ་འཚོའི་ཞལ་སྔ་ནས་ཀྱིས་མཛད་པ་དེ་ཁོ་ན་ཉིད་བསྡུས་པའི་ཚིག་ལེའུར་བྱས་པ་རྫོགས་སོ།། །།གུ་གེ་ཡུལ་གྱི་དབེན་ས་རི་བོ་དགེ་གནས་ཕུན་ཚོགས་གླིང་དུ། རྒྱ་གར་གྱི་མཁན་པོ་དཔལ་གུ་ཎཱ་ཀ་ར་ཤྲཱི་བྷ་དྲའི་ཞལ་སྔ་ནས་དང་། སྒྲ་བསྒྱུར་གྱི་ལོ་ཙཱ་བ་ཆེན་པོ་དཔལ་ལྷ་བཙན་པོ་ཤཱཀྱའི་དགེ་སློང་ལྷ་བླ་མ་ཞི་བ་འོད་ཀྱི་ཞལ་སྔ་ནས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། གྲངས་ཅན་གཅེར་བུ་བྱེ་བྲག་པ་དང་རྒྱང་པན་རིག་པ་ཅན་དང་སངས་རྒྱས་དེ་དག་གི་ཕྱོགས་ནི། །ཆུ་ཀླུང་པ་དང་ཙ་ར་ཀ་དང་དུས་སྨྲ་སྤྱོད་པ་བརྡ་སྤྲོད་ཞི་བ་ཚངས་དང་སྣ་ཚོགས་ཚལ། །སྒྲ་ཡི་ཚངས་པ་རིག་བྱེད་མཐའ་དང་བྱེ་བྲག་སྨྲ་དང་མདོ་སྡེ་སེམས་ཙམ་དབུ་མ་དེ་དག་གི །བྱེ་བྲག་ལུང་བཅས་ཤེས་པའི་སྤྱོད་ཡུལ་གང་ཡིན་འདི་ནི་རྟོགས་ནས་འགྲོ་ལ་ཕན་ཕྱིར་བདག་གིས་བསྒྱུར།། །། > Śāntarakṣita’s Tattvasaṃgraha, chapter 30 > — Adam Pearcey 2004, Just as gold… - [Previous: 263](https://indike.org/pramana/in.bauddha.sanskrit.darsana.pramana.tattvasamgraha*bo.263) ## Translations (2) - [Just as gold…](https://indike.org/pramana/in.bauddha.sanskrit.darsana.pramana.tattvasamgraha*bo~en-pearcey.p5) — Adam Pearcey 2004, English - [English (machine translation)](https://indike.org/pramana/in.bauddha.sanskrit.darsana.pramana.tattvasamgraha*bo~en-mt.264) — English, machine translation --- Source: [https://indike.org/pramana/in.bauddha.sanskrit.darsana.pramana.tattvasamgraha*bo.264](https://indike.org/pramana/in.bauddha.sanskrit.darsana.pramana.tattvasamgraha*bo.264) · Pramāṇa