[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Protective spells and dhāraṇī-sūtras](https://indike.org/pramana/in.bauddha.sanskrit.dharani) › [Dhāraṇīs of goddesses](https://indike.org/pramana/in.bauddha.sanskrit.dharani.goddess) › [Mahālakṣmīsūtra](https://indike.org/pramana/in.bauddha.sanskrit.dharani.goddess.mahalaksmisutra) › [འཕགས་པ་དཔལ་ཆན་མའ་མད](https://indike.org/pramana/in.bauddha.sanskrit.dharani.goddess.mahalaksmisutra*bo-d1005) › 2 # The Sūtra of Mahālakṣmī 2 འཕགས་པ་དཔལ་ཆེན་མོའི་མདོ 2 - **Language:** Classical Tibetan ### [2](https://indike.org/pramana/in.bauddha.sanskrit.dharani.goddess.mahalaksmisutra*bo-d1005.2) ན། བཅོམ་ལྡན་འདས་བདེ་བ་ཅན་ན་བཞུགས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འཕགས་པ་སྤྱན་རས་གཟིགས་དབང་ཕྱུག་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ནས་བཅོམ་ལྡན་འདས་ལ་བསྐོར་བ་ལན་གསུམ་བྱས་ཏེ་ཕྱོགས་གཅིག་ཏུ་འདུག་གོ། །དེ་ནས་བཅོམ་ལྡན་འདས་ཀྱིས་དཔལ་ཆེན་མོ་ལ་གཟིགས་ནས་འཕགས་པ་སྤྱན་རས་གཟིགས་དབང་ཕྱུག་ལ་འདི་སྐད་ཅེས་བཀའ་སྩལ་ཏོ། །དཔལ་ཆེན་མོའི་མཚན་བཅུ་གཉིས་པོ་འདི་དགེ་སློང་ངམ། དགེ་སློང་མའམ། དགེ་བསྙེན་ནམ། དགེ་བསྙེན་མའམ། དེ་མ་ཡིན་པ་གཞན་ཡང་རུང་སྟེ། གང་གིས་ཤེས་པ་དང་། གང་ལ་ལ་འཆང་བ་དང་། ཀློག་པ་དང་། འདྲི་བ་དང་། འདྲིར་འཇུག་པ་དེ་ནི་དབུལ་བ་བོར་ཏེ་ཕྱུག་པོར་འགྱུར་རོ། །དེ་ནས་འབྱུང་པོའི་ཚོགས་ཐམས་ཅད་ཀྱིས་དེ་ལྟར་གྱུར་ཅིག་ཅེས་ཀུན་ནས་གསོལ་ཏོ། །དེ་ནས་བཅོམ་ལྡན་འདས་ཀྱིས་དཔལ་ཆེན་མོའི་མཚན་བཅུ་གཉིས་པོ་བཀའ་སྩལ་པ་འདི་ལྟ་སྟེ། དཔལ་ལྡན་མ། བཀྲ་ཤིས་མ། པདྨའི་ཕྲེང་བ་ཅན། ནོར་གྱི་བདག་མོ། དཀར་མོ། གྲགས་པ་ཆེན་མོ། པདྨའི་སྤྱན། བྱེད་པ་མོ། འོད་ཆེན་མོ། ཟས་སྦྱིན་མ། རིན་པོ་ཆེ་རབ་ཏུ་སྦྱིན་མ། དཔལ་ཆེན་མོ། །སྱཱད་ཡ་ཐེ་ད་ནཱ། ཛི་ནི། གྷྲི་ནི། སརྦ་ཨརྠ་སཱ་དྷ་ནི། ཤ་ཤི་ནི་ཨ་ལཀྵྨི་ནི། མེ་ནཱ་ཤ་ཡ་སིདྡྷྱནྟུ་མནྟྲ་པདཱཿསྭཱ་ཧཱ། ཨོཾ་བྷྲྀ་ཀུ་ཊཱི་པ་ར་མ་སུ་བྷ་གེ་སྭཱ་ཧཱ། ལན་གསུམ་དུ་བརྗོད་པར་བྱ་སྟེ། གང་ལ་ལ་དུས་གསུམ་དུ་འདོན་པ་དེའི་མི་མཐུན་པའི་ཕྱོགས་ཐམས་ཅད་འཇིག་པར་འགྱུར་རོ། །སྐལ་བ་བཟང་པོ་དང་ལྡན་པར་འགྱུར་རོ། །འབྱོར་པ་ཟད་མི་ཤེས་པར་འགྱུར་རོ། །མི་དང་ཕྲད་དུ་འགྲོ་བའི་ཚེ་བཀླགས་ནས་ཕྲད་པར་བྱས་ན་མི་དེས་དེ་ལ་བུའི་འདུ་ཤེས་སྐྱེད་པར་འགྱུར་ཏེ་དགའ་བར་འགྱུར་ལ་ཇི་སྐད་བསྐོ་བ་བཞིན་བྱེད་དོ། །རྟག་ཏུ་རྒྱུན་མི་འཆད་པར་བཀླགས་ན་ཚངས་པ་དང་བྲམ་ཟེས་དྲག་ཤུལ་གྱི་ལས་བྱས་ཀྱང་མི་ཚུགས་པར་འགྱུར་ལ། སངས་རྒྱས་ > Thus spoke the Blessed One, and the bodhisattva, the noble Avalokiteśvara, was gladdened and praised the speech of the Blessed One. > > Colophon > > This was translated, checked, and redacted by the Indian preceptor Jinamitra and the great editor-translator Bandé Yeshé Dé. > — Gergely Hidas & Péter-Dániel Szántó, The Sūtra of Mahāśrī - [Previous: 1](https://indike.org/pramana/in.bauddha.sanskrit.dharani.goddess.mahalaksmisutra*bo-d1005.1) - [Next: 3](https://indike.org/pramana/in.bauddha.sanskrit.dharani.goddess.mahalaksmisutra*bo-d1005.3) ## Translations (1) - [The Sūtra of Mahāśrī](https://indike.org/pramana/in.bauddha.sanskrit.dharani.goddess.mahalaksmisutra*bo-d1005~en-84000.2) — Gergely Hidas & Péter-Dániel Szántó, English --- Source: [https://indike.org/pramana/in.bauddha.sanskrit.dharani.goddess.mahalaksmisutra*bo-d1005.2](https://indike.org/pramana/in.bauddha.sanskrit.dharani.goddess.mahalaksmisutra*bo-d1005.2) · Pramāṇa