[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Protective spells and dhāraṇī-sūtras](https://indike.org/pramana/in.bauddha.sanskrit.dharani) › [The Five Protections](https://indike.org/pramana/in.bauddha.sanskrit.dharani.pancaraksa) › [Mahāpratisarā Mahāvidyārājñī](https://indike.org/pramana/in.bauddha.sanskrit.dharani.pancaraksa.mahapratisara) › [Pancaraksha edition of 1937](https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937) › 101 # Mahapratisara Mahavidyarajni 101 Pañcarakṣā edition of 1937 101 - **Language:** Sanskrit ### [101](https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937.101) api ca mahābrāhmaṇa kiṃ parijñātam iti / bārāṇāsyāṃ mahānagaryām anupūrveṇānuvicaramāṇo rājā brahmadatta iti saṃkhyāṃ gacchati / tasya prātisīmiko balacakrarājā caturaṅgabalakāyaṃ saṃnāhya bārāṇasīmahānagarīṃ parivārya vināśayitum ārabdhaḥ / tato rājñā brahmadattasyāmātyair niveditam / deva paracakreṇa nagaram apahṛtam / tataḥ kiṃ tu khalu vayam upāyaṃ kuryāmo yenaitat paracakraṃ vinaśyet / ājñāṃ prayaccha / rājā kathayati / alpotsukā bhavanto mā bhavata / asti mama mahāpratisarā nāma vidyārājñī / yenāham ihemaṃ caturaṅgabalakāyaṃ parājeṣyāmi / tathā kariṣyāmi / amātyāḥ śirasā praṇipatyocuḥ / kim idaṃ mahārāja nāsmābhiḥ kadācid api na śrutam iti / rājā prāha / aham idānīṃ pratyakṣaṃ darśanaṃ kariṣyāmi / atha sa rājā brahmadatto nānāgandhodakena snātaḥ śirāḥ śucivastraṃ prāvṛtya imāṃ mahāpratisarāṃ mahāvidyārājñīṃ yathāvidhinābhilikhya śiraḥ keśe 'vasthāpya imām eva mahāvidyārājñīṃ kavacaṃ kṛtvā saṃgrāmamadhye 'vatīrya ekākinaiva sarvāsau caturaṅgabalakāyaḥ parājitaḥ / āmarditaś ca tāvad yāvac caraṇaṃ gataḥ / iti kṛtvāsau balacakrarājā mukta iti // - [Previous: 100](https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937.100) - [Next: 102](https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937.102) ## Linked texts (1) - [འཕགས་པ་རིག་པའི་རྒྱལ་མོ་སོ་སོར་འབྲང་བ་ཆེན་མོ་སངས་རྒྱས་དང](https://indike.org/pramana/in.bauddha.sanskrit.dharani.pancaraksa.mahapratisara*bo.13) — Classical Tibetan --- Source: [https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937.101](https://indike.org/pramana/in.bauddha.sanskrit.dharani.pancaraksa.mahapratisara*pancaraksa-1937.101) · Pramāṇa