[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Protective spells and dhāraṇī-sūtras](https://indike.org/pramana/in.bauddha.sanskrit.dharani) › [Sarvajnatakaradharani](https://indike.org/pramana/in.bauddha.sanskrit.dharani.sarvajnatakara) › 15 # Sarvajnatakaradharani 15 Sarvajñatākāradhāraṇī 15 - **Language:** Sanskrit ### [15](https://indike.org/pramana/in.bauddha.sanskrit.dharani.sarvajnatakara.15) arthe pilile tinithe, saṃtīthe, katitena nakeme, nanamaste, ubherabhe, mudame, madame, matime, saniha śūre, dhāraṇīye sendra sadeva, sanāga, sayakṣāsuradevā, nāgā nirukti parivāra, niruktarāni, smṛti prajñā parivāramati pratilābhī, gatidhṛtiparivāra gatidhṛtilābhīḥ pūrvakeṣu hiteṣu caritavantaḥ, abhiskāmavantaḥ, śūravantaḥ ciravīryavantaḥ bhītavantaḥ sitabhāge, mārgamudra diśāpakarṣaṇi kṣaparahu, charaṇo devaracatu suramudra, yakṣamudra, rākṣasamudra, vedivedime, tape, tattape uṣṇāname, prakhādya, nanava dhāraṇīya, aviśa diśāśodhane, vākyaśuddhe jihvāśuddhe, vāciparikarmaḥ prajñā buddhi smṛti mati \[Page 19\] gati dhṛti gaṇana pratisaraṇabuddhiḥ, jayacakre śūnyacakre vyaya, ebhir adhimuktipadair ṣaṭpañcāśānām asurasahasrāṇāṃ anuttarāyāṃ samyaksaṃbodhau cittāny utpāditāni avaivartikāś ca vyavasthitāḥ / ### [15.p1](https://indike.org/pramana/in.bauddha.sanskrit.dharani.sarvajnatakara.15.p1) tatra bhagavān vaiśāradyasamavasaraṇaṃ bodhisattvam āmantrayate / durlabhaṃ kulaputra tathāgatānāṃ loke prādurbhāvo; durlabhā ime śīlasamādhiprajñāvimuktivimuktijñānadarśanaparibhāvitāmī drāviḍamantrapadāḥ; sattvānāṃ hitāya bodhisattvaguṇaniṣpādanārthaṃ kulaputra tathāgatena pūrvaṃ bodhisattvacaryāṃ caratā dānadamasaṃyamakṣāntivīryasamādhiprajñā parigṛhītā bahavo buddhakoṭīnayutaśatasahasrāḥ paryupāsitāḥ, kvacid dānan dattaṃ, śīlaṃ rakṣitaṃ, brahmacaryaṃ cīrṇaṃ, kvacid bhāvanā niṣevitā, kṣāntir bhāvitā, vīryam ārabdhaṃ, samādhir niṣpāditā, prajñā sevitā, bahvaprameyaṃ vividhanānāprakāraiḥ śubhakarma kṛtaṃ, yenaitarhi mayānuttaraṃ jñānaṃ pratilabdhaṃ / anekāṃ kalpakoṭīnayutaśatasahasrāṃ tathāgatena pūrvaṃ bodhisattvacaryāñ caratā, mṛṣāpaiśunyaparuṣasaṃbhinnapralāpā \[Page 20\] varjitā, anekavidhaṃ kuśalaṃ vākkarmaṃ sevitaṃ bahulīkṛtaṃ / yenaitarhi prabhūtajihvā pratilabdhā, na hi kulaputra tathāgatārhatānyathā kathayanti / ### [15.p2](https://indike.org/pramana/in.bauddha.sanskrit.dharani.sarvajnatakara.15.p2) atha bhagavān tatrarddhyabhisaṃskāram akārṣīt / tenarddhyabhisaṃskāreṇa sarvapuṇyasamavasaraṇaṃ samādhiṃ samāpannaḥ / mukhāc ca jihvendriyaṃ nirṇāmayitvā svaṃ mukhaṃ pracchādya tasmāj jihvendriyāt ṣaṣṭiraśmikoṭyo pramuktās taiś cāyaṃ trisāhasramahāsāhasralokadhātur udāreṇāvabhāsena nirayatiryagyoniyamalokadevamanuṣyāḥ sphuṭā babhūvuḥ / te ca raśmayo ye nairayikāḥ sattvā agninā prajvalitagātrā dahyante teṣāṃ śītalā vāyavo vānti, yeṣāṃ spṛṣṭānāṃ tanmuhūrtaṃ sukhā vedanā prādurbabhūva / ekaikasya ca nairayikasya purataḥ buddhanirmitaṃ tiṣṭhati dvātriṃśadbhir lakṣaṇaiḥ samalaṃkṛta aśītibhiś ca, yaṃ dṛṣṭvā te nairayaikāḥ sukhasamarpitā buddhadarśanāpyāyitaśarīrā buddhaṃ dṛṣṭvaivaṃ cintayanto, 'sya sattvasyānubhāvenāsmābhiḥ sukhā vedanā pratilabdhās; te bhagavataḥ sakāśe premāprasādagauravaṃ saṃjanayanti / ### [15.p3](https://indike.org/pramana/in.bauddha.sanskrit.dharani.sarvajnatakara.15.p3) \[Page 21\] buddhanirmita āha / bhoḥ sattvā evaṃ bhāṣadhvaṃ, namo buddhāya namo dharmāya namaḥ saṃghāya, nityam evaṃ sukhasamarpitā bhaviṣyatha / tatas te nairayikās sattvā añjaliṃ pragṛhya vācam udīrayanti, namo buddhāya namo dharmāya namaḥ saṃghāya / atha te sattvās tena cittaprasādakuśalamūlena tataś cyavitvā ekatyā deveṣūpapannā ekatyā manuṣyeṣu, tathaiva pūrvavad yāvat / ye śītanārakāṃ sattvāḥ pretāḥ piśācā vā sukhasamarpitā devamanuṣyeṣūpapannā evaṃ devamanuṣyatiryakṣu lokeṣu raśmayas saṃcodanti / ### [15.p4](https://indike.org/pramana/in.bauddha.sanskrit.dharani.sarvajnatakara.15.p4) gaṇanātikrāntā devamanuṣyā bhagavatsakāśam upasaṃkramya bhagavataḥ pādau śirasābhivandya niṣaṇṇā karuṇāpuṇḍarīka nāma mahāyānasūtradharmaśravaṇāya / tena ca samayena gaṇanātikrāntā devamanuṣyakāyā anuttarāyāṃ samyaksaṃbodhau cittāny utpādayām āsuḥ / gaṇanātikrāntāś cātra bodhisattvāḥ samādhikṣāntidhāraṇīḥ pratilabdhavantaḥ // ### [15.p5](https://indike.org/pramana/in.bauddha.sanskrit.dharani.sarvajnatakara.15.p5) idam avocad bhagavān āttamanā sā ca sarvāvatī parṣat sadevamānuṣāsuragaruḍagandharvaś ca loko bhagavato bhāṣitam abhyanandan // ### [15.p6](https://indike.org/pramana/in.bauddha.sanskrit.dharani.sarvajnatakara.15.p6) \[Page 21\] ity āryaśrīkaruṇāpuṇḍarīkamahāyānasūtre iyaṃ sarvajñatākāradhāraṇī samāptā // ## Linked texts (3) - [འཕགས་པ་སྙིང་རྗེ་པད་མ་དཀར་པོ་ཞེས་བྱ་བ་ཐེག་པ་ཆེན་པོའི་མདོ](https://indike.org/pramana/in.bauddha.sanskrit.mahayanasutra.karunapundarika*bo.34) — Classical Tibetan - [Karuṇāpuṇḍarīkasūtra](https://indike.org/pramana/in.bauddha.sanskrit.mahayanasutra.karunapundarika.47) — Sanskrit - [Mahāpratyaṅgirādhāraṇī](https://indike.org/pramana/in.bauddha.sanskrit.dharani.mahapratyangiradharani.856) — Sanskrit --- Source: [https://indike.org/pramana/in.bauddha.sanskrit.dharani.sarvajnatakara.15](https://indike.org/pramana/in.bauddha.sanskrit.dharani.sarvajnatakara.15) · Pramāṇa