[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Protective spells and dhāraṇī-sūtras](https://indike.org/pramana/in.bauddha.sanskrit.dharani) › [Vasudhārādhāraṇī](https://indike.org/pramana/in.bauddha.sanskrit.dharani.vasudhara) › [Gilgit manuscript (transliteration by Wille)](https://indike.org/pramana/in.bauddha.sanskrit.dharani.vasudhara*gilgit) › 1 # Spell of the goddess of wealth Vasudhārā 1 Gilgit manuscript (transliteration by Wille) 1 - **Language:** Sanskrit ### [1.1](https://indike.org/pramana/in.bauddha.sanskrit.dharani.vasudhara*gilgit.1.1) Vasudhārādhāraṇī ### [1.2](https://indike.org/pramana/in.bauddha.sanskrit.dharani.vasudhara*gilgit.1.2) evaṃ mayā śrutam ekasamaye bhagavān kauśāmbyāṃ viharati sma / kaṇṭakasaṃjñake mahāvanavare mahatā bhikṣusaṃghena sārdhaṃ paṃcamātrair bhikṣuśataiḥ saṃbahulaiś ca bodhisatvair mahāsatvaiḥ sarvabuddhadharmaguṇasamanvāgataiḥ ### [1.3](https://indike.org/pramana/in.bauddha.sanskrit.dharani.vasudhara*gilgit.1.3) tena khalu punaḥ samayena kauśāmbyāṃ mahānagaryāṃ sucandro nāma gṛhapatiḥ prativasati sma / upaśāntendriyo upaśāntamānasaḥ bahuputro bahuduhitriko bahubhṛtyaparijanasaṃpannaḥ śrāddho mahāśrāddhaḥ sa yena bhagavāṃs tenopasaṃkrānta upasaṃkramya bhagavataḥ pādau śirasā vanditvā bhagavantam anekaśatasahasrakṛtvaḥ pradakṣaṇīkṛtyaikānte nyaṣīdat\* ekāntaniṣaṇṇaḥ sucandro gṛhapatir bhagavantam etad avocat\* ### [1.4](https://indike.org/pramana/in.bauddha.sanskrit.dharani.vasudhara*gilgit.1.4) pṛccheyam ahaṃ bhagavantaṃ tathāgatam arhantaṃ samyaksaṃbuddhaṃ kaṃcit pradeśaṃ praṣṭuṃ / sacen me bhagavān avakāśaṃ kuryāt pṛṣṭapraśnavyākaraṇāya // evam ukte bhagavān sucandraṃ gṛhapatim etad avocat\* pṛccha tvaṃ gṛhapate yad yad evākāṃkṣasy ahaṃ te yathāpṛṣṭena \[GBM 1427(fol. 35v)1\] cittam ārādhayiṣye / evam ukte sucandro gṛhapatir bhagavantam etad avocat\* kathaṃ bhagavan kulaputro vā kuladuhitā vā daridro bhūtvā adaridro bhavati vyādhitaś ca bhūtvā avyādhito bhavati // ### [1.5](https://indike.org/pramana/in.bauddha.sanskrit.dharani.vasudhara*gilgit.1.5) atha khalu bhagavāṃ jānann eva sucandraṃ gṛhapatim etad avocat\* kim iti tvaṃ gṛhapate adaridratāyā praśnaṃ pṛcchasi // evam ukte sucandro gṛhapatir bhagavantam etad avocat\* daridro 'haṃ bhagavan bahupoṣyo bahuputro bahuduhitrikas tad deśayatu bhagavāṃs taṃ dharmaparyāyaṃ yena daridrāḥ satvā adaridrā bhaveyuḥ bahudhanadhānyakośakoṣṭāgārasaṃpannāś ca bhaveyuḥ pṛyā manāpā manojñadarśanāś ca bhaveyuḥ dānapatayo mahādānapatayaḥ akṣīṇahiraṇyasuvarṇadhanadhānyaratnakośakoṣṭāgāramaṇimuktāvajraśaṃkhaśilāpravāḍajātarūparajatasamṛddhāś ca bhaveyuḥ supratiṣṭhitagṛhaputradārakuṭuṃbāś ca bhaveyuḥ ### [1.6](https://indike.org/pramana/in.bauddha.sanskrit.dharani.vasudhara*gilgit.1.6) evam ukte bhagavāṃ sucandraṃ gṛhapatim etad avocat\* bhūtapūrvaṃ gṛhapate atīta ### [1.7](https://indike.org/pramana/in.bauddha.sanskrit.dharani.vasudhara*gilgit.1.7) GBM 1286(fol. (36)r)1 /// samayena bhagavāṃ vajradharasāgaranirghoṣo nāma tathāgato 'rhan samyaksaṃbuddho /// ### [1.8](https://indike.org/pramana/in.bauddha.sanskrit.dharani.vasudhara*gilgit.1.8) 2 /// myasārathiḥ śāstā devamanuṣyāṇāṃ buddho bhagavāṃ tasya tathāgatasyāntikā .. /// ### [1.9](https://indike.org/pramana/in.bauddha.sanskrit.dharani.vasudhara*gilgit.1.9) 3 /// tā dhāritā vācitā paryavāptā anumoditā parebhyaś ca vistareṇa saṃprakā .. /// ### [1.10](https://indike.org/pramana/in.bauddha.sanskrit.dharani.vasudhara*gilgit.1.10) 4 /// .. ne mānuṣā na viheṭhayanti / amānuṣā na viheṭhayanti / yakṣā na vihe /// ### [1.11](https://indike.org/pramana/in.bauddha.sanskrit.dharani.vasudhara*gilgit.1.11) 5 /// .. ṭhayanti / evaṃ kuṃbhāṇḍā austārakā pūtanā kaṭapūtanā yātudhānā na + + /// ### [1.12](https://indike.org/pramana/in.bauddha.sanskrit.dharani.vasudhara*gilgit.1.12) 6 /// hārā rasāhārā jātāhārā syandanikāhārā na viheṭhayanti / yasyetaṃ gṛha /// ### [1.13](https://indike.org/pramana/in.bauddha.sanskrit.dharani.vasudhara*gilgit.1.13) GBM 1287(fol. (36)v)1 /// .. śrutigatā / paryavāptā vācitā / dhāritā anumoditā parebhyaś ca vistareṇa saṃprakāśi 2 /// tāya sukhāya kṣemāya subhikṣāya / yogakṣemāya bhaviṣyati / yaś caināṃ vasudhā 3 /// ardharātres tridhā vā caturvārān asya devatā āttamanaskā svayam āgamya dhānyavṛṣṭiṃ pāta 4 /// prītā saṃghaprajñaptyā prītā dharmabhāṇakasyāśayena // namo vajradharasāgaranirgho 5 /// + .. me acaphame acapame / udghātani / udbhedani / ucchedani / sasyavati dhānya 6 /// + + + + + surūpe amale ananaste vinanaste viśvakeśi / paṃkure saṃkure / ### [1.14](https://indike.org/pramana/in.bauddha.sanskrit.dharani.vasudhara*gilgit.1.14) \[GBM 1428(fol. 37r)1\] khakhare khakhame / dhudhume / tara tara tara / vajra vajra vajropame kaṭe kaṭe / ukke nukke varṣaṇī niṣpādani / vajradharasāgaranirghoṣaṃ tathāgatam anusmara / smara smara / sarvatathāgatasatyam anusmara / saṃghasatyam anusmara / taṭa taṭa / pūra pūra / pūraya pūraya / sarvāśā mama dāmasiṃghasya bhara bharaṇe / sumaṃgale śāntamati / mahāmati maṃgalamati / subhadramati / āgaccha samayam anusmara svāhā // ācaraṇam anusmara svāhā // ādhāraṇam anusmara svāhā // prabhāvam anusmara svāhā // dhṛtim anusmara svāhā // vijayam anusmara svāhā // sarvasatvavijayam anusmara svāhā // iyaṃ sā gṛhapate vasudhārā nāma dhāraṇī asyā dhāraṇyānubhāvena rogadurbhikṣamarakāntārādayo na prabhavanti yas tu gṛhapate imāni vasudhārādhāraṇīmantrapadāni tathāgatānām arhatānāṃ samyaksaṃbuddhānāṃ pūjāṃ kṛtvā ekarātram āvartaye tasya mahāpuruṣamātrayā dhārayā gṛham \[GBM 1429(fol.37v)1\] abhiparipūraye / sarvadhānyaiḥ sarvopakaraṇaiḥ sarvopadravāṃś ca nāśayati tena hi tvaṃ gṛhapate udgṛhṇīṣvemāṃ vasudhārādhāraṇīṃ dhāraya vācaya deśaya / parebhyaś ca vistareṇa saṃprakāśaya / tat te bhaviṣyati dīrgharātram arthāya hitāya sukhāyeti sādhu bhagavann iti / sucandro gṛhapatir bhagavato 'ntikād imāṃ vasudhārādhāraṇīṃ śrutvā hṛṣṭas tuṣṭa udagra āttamanā pramuditaḥ prītisaumanasyajāto bhagavataś caraṇayor nipatya bhagavantam etad avocat\* udgṛhītā me vasudhārādhāraṇī prahvīkṛtā dhāritā vācitā paryavāptā idānīṃ parebhyo vistareṇa saṃprakāśayiṣyāmi / atha khalu sucandro gṛhapatir bhagavantam anekaśatasahasrakṛtvaḥ pradakṣiṇīkṛtya bhagavataḥ pādau śirasā vanditvā bhagavantaṃ punar anavalokya bhagavato 'ntikāt prakrāntaḥ ### [1.15](https://indike.org/pramana/in.bauddha.sanskrit.dharani.vasudhara*gilgit.1.15) atha khalu bhagavān āyuṣmantam ānandam āmantrayate sma / gaccha tvam ānanda sucandragṛhapater niveśanaṃ gatvā cākāraṃ paśya paripūrṇaṃ dhanadhānyasamṛddhaṃ ratnasamṛddhaṃ ca / \[GBM 1430(fol. 38)r1\] sarvopakaraṇaiś ca mahākośakoṣṭāgārāṇi paripūrṇāni / athāyuṣmān ānandaḥ sucandrasya gṛhapater niveśanaṃ dṛṣṭvā vismitaḥ prītisaumanasyajāto bhagavantam etad avocat\* ko bhagavan hetuḥ kaḥ pratyayo yena sucandro gṛhapatir mahādhano mahābhogo mahākośakoṣṭāgārasamṛddhaḥ saṃvṛttaḥ / bhagavān āha / śrāddhaḥ ānanda sucandro gṛhapatiḥ paramaśrāddhaḥ kalyāṇāśayo dhāritā cānena vasudhārādhāraṇī pravartitā udgṛhītā vācitā / paryavāptā parebhyaś ca vistareṇa saṃprakāśitā / tena hy ānanda tvam udgṛhṇīṣvemāṃ vasudhārādhāraṇīṃ dhāraya grāhaya / vācaya / paryavāpnuhi / parebhyaś ca vistareṇa saṃprakāśaya / tad bhaviṣyati bahujanahitāya bahujanasukhāya lokānukampāyair mahato janakāyasyārthāya hitāya sukhāya devamanuṣyāṇāṃ / nāham ānanda samanupaśyāmi sadevake loke samārake sabrahmake saśramaṇabrāhmaṇikāyāṃ prajāyāṃ / \[GBM 1431(fol. 38)v1\] sadevamānuṣāsurāyāṃ imāṃ dhāraṇīm anyathā kariṣyati / atikramiṣyati vā naitat sthānaṃ vidyate / tat kasya hetoḥ abhedyā hy ete ānanda dhāraṇīmantrapadāni na caiṣā kṣīṇakuśalamūlānāṃ satvānāṃ śrutipatham apy āgamiṣyati kaḥ punar vādo pustagatā vā hṛdayagatā dhāritā vā / tat kasya hetoḥ sarvatathāgatānām eṣā vākyaṃ sarvatathāgatair eṣā dhāraṇī bhāṣitā adhiṣṭhitā / dharmamudrayā mudritā anumoditā prakāśitā prabhāvitā praśastā saṃvarṇitārocitā vivṛtottānīkṛtā ākhyātā sarvasatvānāṃ daridrāṇāṃ vyādhiparipīḍitānāṃ sarvabhayopadrutānāṃ satvānām arthāyeti / āha / udgṛhītā me bhagavaṃn iyaṃ vasudhārādhāraṇī dhāritā vācitā / paryavāptā manasā ca suparicitā / ity athāyuṣmān ānanda utthāyāsanāt tasyāṃ velāyāṃ kṛtakarapuṭo evam udānam udānayati sma // ### [1.16](https://indike.org/pramana/in.bauddha.sanskrit.dharani.vasudhara*gilgit.1.16) acintyo bhagavaṃ buddhā buddhadharmāpy acintiyā / acintiye 'bhiprasannānāṃ vipāko 'cintiyasmṛtaḥ ## Linked texts (2) - [འཕགས་པ་ནོར་གྱི་རྒྱུན་ཅེས་བྱ་བའི་གཟུངས](https://indike.org/pramana/in.bauddha.sanskrit.dharani.vasudhara*bo.1) — Classical Tibetan - [འཕགས་པ་ནོར་གྱི་རྒྱུན་ཅེས་བྱ་བའི་གཟུངས](https://indike.org/pramana/in.bauddha.sanskrit.dharani.vasudhara*bo-d1007.1) — Classical Tibetan --- Source: [https://indike.org/pramana/in.bauddha.sanskrit.dharani.vasudhara*gilgit.1](https://indike.org/pramana/in.bauddha.sanskrit.dharani.vasudhara*gilgit.1) · Pramāṇa