Pramāṇa · Search · About · API

Udanavarga 13: 13 satkāravarga

Sanskrit text (after Bernhard 1965; input M. Tokunaga) 13

Language
Sanskrit

13 satkāravarga

13.1

phalam vai kadalim hanti phalam veṇum phalam naḍam /
satkāraḥ kāpuruṣam hanti sva garbho aśvatarīm yathā //

13.2

yāvad eva hy anarthāya jñāto bhavati bāliśaḥ /
hanti bālasya śukla aṃśam mūrdhānam ca asya pātayet //

13.3

asanto lābham icchanti satkāram ca eva bhikṣuṣu /
āvāseṣu ca mātsaryam pūjām para kuleṣu ca //

13.4

mām eva nityam jānīyur gṛhī pravrajitas tathā /
mama prativaśāś ca syuḥ kṛtya akṛtyeṣu keṣucit //

13.5

iti bālasya saṃkalpā;icchā māna abhivardhakāḥ /
anyā hi lābha upaniṣad anyā nirvāṇa gāminī //

13.6

etaj jñātvā yathā bhūtam buddhānām śrāvakaḥ sadā /
satkāram na abhinandeta vivekam anubṛṃhayet //

13.7

na vyāyameta sarvatra na anyeṣām puruṣo bhavet /
na anyām nihśritya jīveta dharmeṇa na vaṇik caret //

13.8

sva lābham na avamanyeta na anyeṣām spṛhako bhavet /
anyeṣām spṛhako bhikṣuḥ samādhim na adhigacchati //

13.9

sukham jīvitum icchet cet śrāmaṇya artheṣv avekṣavān /
ahir mūṣaka durgam vā seveta śayana āsanam //

13.10

sukham jīvitum icchet cet śrāmaṇya artheṣv avekṣavān /
itaretareṇa saṃtuṣyed eka dharmam ca bhāvayet //

13.11

sukham jīvitum icchet cet śrāmaṇya artheṣv avekṣavān /
sāṃghikam na avamanyeta cīvaram pāna bhojanam //

13.12

alpa jñāto api ced bhavati śīleṣu susamāhitaḥ /
vidvāṃsas tam praśaṃsanti śuddhājīvam atandritam //[.śuddha ājīvam.]

13.13

traividyaḥ syāt sa ced bhikṣur mṛtyu hantā nirāsravaḥ /
alpa jñātam iti jñātvā hy avajānanty ajānakāḥ //
sa ced bhavati traividyo mṛtyu hāyī nirāsravaḥ /
jñātvā alpa jñāta;iti tam avajānanty ajānakāḥ //

13.14

sa cet tv iha anna pānasya lābhī bhavati pudgalāḥ /
pāpa dharmā api ced bhavati sa teṣām bhavati pūjitaḥ //

13.15

bahūn amitrān labhate saṃghāṭī prāvṛtaḥ sadā /
lābhī yo hy anna pānasya vastra śayyā āsanasya ca //

13.16

etad ādī navam jñātvā satkāreṣu mahā bhayam /[.ādīnavam.]
alpa jñāto hy anutsukaḥ smṛto bhikṣuḥ parivrajet //

13.17

na ayam anaśanena jīvate na āhāro hṛdayasya śāntaye /
āhāraḥ sthitaye tu vidyate taj jñātvā hi careta;eṣaṇām //

13.18

paṅkas tv iti yo hi vindate nityam vandana mānanā kule /
sūkṣmaḥ śalyo duruddharaḥ satkāraḥ kāpuruṣeṇa dustyajaḥ //

Linked texts (2)