Pramāṇa · Search · About · API

Udanavarga 16: 16 prakīrṇakavarga

Sanskrit text (after Bernhard 1965; input M. Tokunaga) 16

Language
Sanskrit

16 prakīrṇakavarga

16.1

pūrvam hi kṛtyam pratijāgareta mā me kṛtyam kṛtya kāle vihanyāt /
tam nitya kāle pratiyatya kāriṇam na eva kṛtyam kṛtya kāle vihanti //

16.2

vyāyameta eva puruṣo yāvad arthasya niṣpadaḥ /
paśyed asau tathā ātma artham yathā eva icchet tathā bhavet //

16.3

uttiṣṭhata vyāyamata kurudhvam dvīpam ātmanaḥ /
karmāro rajatasya eva haradhvam malam ātmanaḥ //
nirdhānta malā hy anaṅgaṇā na punar jāti jarām upeṣyatha //

16.4

alajjitavye lajjante lajjitavye tv alajjinaḥ /
abhaye bhaya darśīno bhaye ca abhaya darśinaḥ /[.bhaya darśino.]
mithyā dṛṣṭi samādānāt sattvā gacchanti durgatim //

16.5

yas tu pūrvam pramādya iha paścād vai na pramādyate /
sa;imam bhāsate lokam abhra muktaiva candramāḥ //

16.6

yas tu pūrvam pramādya iha paścād vai na pramādyate /
sa;imām viṣaktikām loke smṛtaḥ samativartate //

16.7

daharo api cet pravrajate yujyate buddha śāsane /
sa;imam bhāsate lokam abhra muktaiva candramāḥ //

16.8

daharo api cet pravrajate yujyate buddha śāsane /
sa;imām viṣaktikām loke smṛtaḥ samativartate //

16.9

yasya pāpa kṛtam karma kuśalena pithīyate /[.pidhīyate.]
sa;imam bhāsate lokam abhra muktaiva candramāḥ //

16.10

yasya pāpa kṛtam karma kuśalena pithīyate /[.pidhīyate.]
sa;imām viṣaktikām loke smṛtaḥ samativartate //

16.11

yo jīvite na tapate maraṇa ante ca sarvaśaḥ /
sa vai dṛṣṭa pado dhīro maraṇa ante na śocati //

16.12

yo jīvite na tapate maraṇa ante ca sarvaśaḥ /
sa vai dṛṣṭa pado dhīraḥ śoka madhye na śocati //

16.13

yo jīvite na tapate maraṇa ante ca sarvaśaḥ /
sa vai dṛṣṭa pado dhīro jñāti madhye virocate //

16.14

kṛṣṇān dharmān viprahāya śuklān bhāvayata bhikṣavaḥ /
okād anokam āgamya vivekam anubṛṃhayet /
tatra ca abhirameta āryo hitvā kāmān akiṃcanaḥ //

16.15

śuddhasya hi sadā phalguḥ śuddhasya poṣathaḥ sadā /
śuddhasya śuci karmaṇaḥ sadā sampadyate vratam //

16.16

kṣetrāṇi tṛṇa doṣāṇi rāga doṣā tv iyam prajā /
tasmād vigata rāgebhyo dattam bhavati mahā phalam //

16.17

kṣetrāṇi tṛṇa doṣāṇi dveṣa doṣā tv iyam prajā /
tasmād vigata dveṣebhyo dattam bhavati mahā phalam //

16.18

kṣetrāṇi tṛṇa doṣāṇi moha doṣā tv iyam prajā /
tasmād vigata mohebhyo dattam bhavati mahā phalam //

16.19

kṣetrāṇi tṛṇa doṣāṇi māna doṣā tv iyam prajā /
tasmād vigata mānebhyo dattam bhavati mahā phalam //

16.20

kṣetrāṇi tṛṇa doṣāṇi lobha doṣā tv iyam prajā /
tasmād vigata lobhebhyo dattam bhavati mahā phalam //

16.21

kṣetrāṇi tṛṇa doṣāṇi tṛṣṇā doṣā tv iyam prajā /
tasmād vigata tṛṣṇebhyo dattam bhavati mahā phalam //

16.22

ṣaṣṭha;adhipatī rājā rajyamāne rajasvalaḥ /
arakte virajā bhavati rakte bālo nirucyate //

16.23

nagaram hy asthi prākāram māṃsa śoṇita lepanam /
yatra rāgaś ca dveṣaś ca māno ṃrakṣaś ca bādhyate //

16.24

hetu prabhavam sadā hi duhkham tad apaśyan sa hi tena tatra baddhaḥ /
tasya tu samayāj jahāti saṅgam na hi bāhyā prajahanti tam mahaugham //[.mahā ogham.]

Linked texts (2)