Udanavarga 17: 17 udakavarga

Sanskrit text (after Bernhard 1965; input M. Tokunaga) 17

smṛtimantaḥ prayujyante na nikete ramanti te /
haṃsavat palvalam hitvā hy okam ogham jahante te //[.jahanti te.]

haṃsā āditya pathe yānti ākāśe jīvita indriyāḥ /
niryānti dhīrā lokān māra sainyam pramathya te //

acaritvā brahmacaryam alabdhvā yauvane dhanam /
jīrṇa krauñcaiva dhyāyante alpa matsya;iva palvale //

acaritvā brahmacaryam alabdhvā yauvane dhanam /
śenti cāpāti kīrṇā vā paurāṇāny anucintitāḥ //

na alpam manyeta pāpasya na etam mām āgamiṣyati /
uda bindu nipātena mahā kumbho api pūryate /
pūryanti bālāḥ pāpair hi stoka stokam kṛtair api //

na alpam manyeta puṇyasya na etam mām āgamiṣyati /
uda bindu nipātena mahā kumbho api pūryate /
pūryanti dhīrāḥ puṇyair hi stoka stokam kṛtair api //

ye taranty ārṇavam nityam kolam baddhvā janāḥ śubham /
na te taranti saritām tīrṇā medhāvino janāḥ //

uttīrṇo bhagavān buddhaḥ sthale tiṣṭhati brāhmaṇaḥ /
bhikṣavaḥ snānti caiva atra kolam badhnanti ca apare //

kim kuryād uda pānena yatra āpaḥ sarvato bhavet /
tṛṣṇāyā mūlam uddhṛtya kasya paryeṣaṇām caret //

udakena nijanti nejakā;iṣu kārā namayanti tejasā /
dārum namayanti takṣakā hy ātmānam damayanti paṇḍitāḥ //

yathā hradaḥ sugambhīro viprasanno hy anāvilaḥ /
evam śrutvā hi saddharmam viprasīdanti paṇḍitāḥ //

pṛthivī sadṛśo na lipyate tāyī kīlavad aprakampayaḥ /
hrada;iva hi vinīta kardamo niṣkaluṣā hi bhavanti paṇḍitāḥ //

Linked texts (2)