[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Dharmapada anthologies](https://indike.org/pramana/in.bauddha.sanskrit.dharmapada) › [Udānavarga](https://indike.org/pramana/in.bauddha.sanskrit.dharmapada.udanavarga) › [Sanskrit text (after Bernhard 1965; input M. Tokunaga)](https://indike.org/pramana/in.bauddha.sanskrit.dharmapada.udanavarga*sa) › 21 # Udanavarga 21: 21 tathāgata.varga Sanskrit text (after Bernhard 1965; input M. Tokunaga) 21 - **Language:** Sanskrit ### 21 tathāgata.varga ### [21.1](https://indike.org/pramana/in.bauddha.sanskrit.dharmapada.udanavarga*sa.21.1) sarva abhibhūḥ sarvavid eva ca asmi sarvaiś ca dharmaiḥ satatam na liptaḥ / sarvam jahaḥ sarva bhayād vimuktaḥ svayam hy abhijñāya kam uddiśeyam // ### [21.2](https://indike.org/pramana/in.bauddha.sanskrit.dharmapada.udanavarga*sa.21.2) kam uddiśeyam tv asamo hy atulyaḥ svayam pravaktā hy adhigamya bodhim / tathāgato deva manuṣya śāstā sarvajñatām prāpya balair upetaḥ // ### [21.3](https://indike.org/pramana/in.bauddha.sanskrit.dharmapada.udanavarga*sa.21.3) aham hi lokeṣv arahann aham lokeṣv anuttaraḥ sadevakeṣu lokeṣu ca aham māra abhibhūr jinaḥ // ### [21.4](https://indike.org/pramana/in.bauddha.sanskrit.dharmapada.udanavarga*sa.21.4) ācāryo me na vai kaścit sadṛśas ca na vidyate / eko asmin loke sambuddhaḥ prāptaḥ sambodhim uttamām // ### [21.5](https://indike.org/pramana/in.bauddha.sanskrit.dharmapada.udanavarga*sa.21.5) jinā hi mādṛśā jñeyā ye prāptā hy āsrava kṣayam / jitā me pāpakā dharmās tato aham upagā jinaḥ // ### [21.6](https://indike.org/pramana/in.bauddha.sanskrit.dharmapada.udanavarga*sa.21.6) bārāṇasīm gamiṣyāmi haniṣye amṛta dundubhim / dharma cakram pravartayiṣye lokeṣv aprativartitam // ### [21.7](https://indike.org/pramana/in.bauddha.sanskrit.dharmapada.udanavarga*sa.21.7) na hi santaḥ prakāśyante viditvā loka paryāyam / ādeśayanto virajaḥ padam śānta manīṣiṇaḥ // ### [21.8](https://indike.org/pramana/in.bauddha.sanskrit.dharmapada.udanavarga*sa.21.8) nadanti iha mahā vīraḥ sad dharmeṇa tathāgatāḥ / dharmeṇa nadamānānām ke tv asūyed vijānakāḥ // ### [21.9](https://indike.org/pramana/in.bauddha.sanskrit.dharmapada.udanavarga*sa.21.9) ye dhyāna prasṛtā dhīrā naiṣkramya upaśame ratāḥ / devā api spṛhayanty eṣām buddhānām śrīmatām sadā // ### [21.10](https://indike.org/pramana/in.bauddha.sanskrit.dharmapada.udanavarga*sa.21.10) teṣām devā manuṣyāś ca sambuddhānām yaśasvinām / spṛhayanty āśu buddhīnām śarīra antima dhāriṇām // ### [21.11](https://indike.org/pramana/in.bauddha.sanskrit.dharmapada.udanavarga*sa.21.11) ye ca abhyatītāḥ sambuddhā ye ca buddhā hy anāgatāḥ / yaś ca apy etarhi sambuddho bahūnām śoka nāśakaḥ // ### [21.12](https://indike.org/pramana/in.bauddha.sanskrit.dharmapada.udanavarga*sa.21.12) sarve sad dharma guravo vyāhārṣu viharanti ca / atha api vihariṣyanti;eṣā buddheṣu dharmatā // ### [21.13](https://indike.org/pramana/in.bauddha.sanskrit.dharmapada.udanavarga*sa.21.13) tasmād iha ātma kāmena māhātmyam abhikāṅkṣatā / sad dharmo guru kartavyaḥ smaratā buddha śāsanam // ### [21.14](https://indike.org/pramana/in.bauddha.sanskrit.dharmapada.udanavarga*sa.21.14) na śraddhāsyanti vai ye tu narā buddhasya śāsanam / vyasanam te gamiṣyanti vaṇijo rākṣasīṣv iva // ### [21.15](https://indike.org/pramana/in.bauddha.sanskrit.dharmapada.udanavarga*sa.21.15) śraddhāsyanti tu ye nityam narā buddhasya śāsanam / svastinā te gamiṣyanti vālāhena eva vāṇijāḥ // ### [21.16](https://indike.org/pramana/in.bauddha.sanskrit.dharmapada.udanavarga*sa.21.16) tathāgatam buddham iha svayambhuvam dvau vai vitarkau bahulam samudācarete / kṣemas tathaiva praviveka yuktas tamo nudam pāra gatam maharṣim // ### [21.17](https://indike.org/pramana/in.bauddha.sanskrit.dharmapada.udanavarga*sa.21.17) prāptaḥ sa ca āryo vaśitām aśeṣām viśva uttaraḥ sarva bhayād vimuktaḥ / tṛṣṇā prahīṇo vimalo nirāśaś ca ālokayan loka hitāya sattvān // ### [21.18](https://indike.org/pramana/in.bauddha.sanskrit.dharmapada.udanavarga*sa.21.18) śaile yathā parvata mūrdhani sthito yathā eva paśyej janatām samantāt / tathā hy asau dharma mayam sumedhāḥ prāsādam āruhya samanta cakṣuḥ / śoka abhibhūtām janatām aśoko adrākṣīd imām jāti jarā abhibhūtām // ## Linked texts (5) - [Ched du brjod pa'i tshoms (Kangyur, Toh 326)](https://indike.org/pramana/in.bauddha.sanskrit.dharmapada.udanavarga*bo.2.15) — Classical Tibetan - [ཆེད་དུ་བརྗོད་པའི་ཚོམས](https://indike.org/pramana/in.bauddha.sanskrit.dharmapada.udanavarga*bo-d4099.38) — Classical Tibetan - [Saṅghabhedavastu](https://indike.org/pramana/in.bauddha.sanskrit.vinaya.mulasarvastivada.vinayavastu.sanghabheda.81.4) — Sanskrit - [Mahāvastu](https://indike.org/pramana/in.bauddha.sanskrit.avadana.mahavastu.1.6404) — Sanskrit - [Ekottarāgama (Sanskrit fragments)](https://indike.org/pramana/in.bauddha.sanskrit.agama.ekottaragama.81) — Sanskrit --- Source: [https://indike.org/pramana/in.bauddha.sanskrit.dharmapada.udanavarga*sa.21](https://indike.org/pramana/in.bauddha.sanskrit.dharmapada.udanavarga*sa.21) · Pramāṇa