[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Dharmapada anthologies](https://indike.org/pramana/in.bauddha.sanskrit.dharmapada) › [Udānavarga](https://indike.org/pramana/in.bauddha.sanskrit.dharmapada.udanavarga) › [Sanskrit text (after Bernhard 1965; input M. Tokunaga)](https://indike.org/pramana/in.bauddha.sanskrit.dharmapada.udanavarga*sa) › 22 # Udanavarga 22: 22 śrutavarga Sanskrit text (after Bernhard 1965; input M. Tokunaga) 22 - **Language:** Sanskrit ### 22 śrutavarga ### [22.1](https://indike.org/pramana/in.bauddha.sanskrit.dharmapada.udanavarga*sa.22.1) sādhu śrutam sucaritam sādhu ca apy aniketatā / pradakṣiṇam pravrajyā ca śrāmaṇyasya anulomikam // ### [22.2](https://indike.org/pramana/in.bauddha.sanskrit.dharmapada.udanavarga*sa.22.2) bālā;iha avijānantaś caranti hy amarā;iva / vijānatām tu sad dharmam āturasya eva śarvarī // ### [22.3](https://indike.org/pramana/in.bauddha.sanskrit.dharmapada.udanavarga*sa.22.3) yathā hy agāram succhannam praviśya tamasā sphuṭam /\[.su chhannam.\] vidyamānāni rūpāṇi cakṣuṣmān hi na paśyati // ### [22.4](https://indike.org/pramana/in.bauddha.sanskrit.dharmapada.udanavarga*sa.22.4) tathaiva iha naro nityam jñānavān api yo bhavet / aśrutvā na vijānāti dharmān kalyāṇa pāpakān // ### [22.5](https://indike.org/pramana/in.bauddha.sanskrit.dharmapada.udanavarga*sa.22.5) pradīpena tu rūpāṇi cakṣuṣmān paśyate yathā / evam śrutvā vijānāti dharmān kalyāṇa pāpakān // ### [22.6](https://indike.org/pramana/in.bauddha.sanskrit.dharmapada.udanavarga*sa.22.6) śrutvā dharmān vijānāti śrutvā pāpam na sevate / śrutvā hy anartham varjayate śrutvā prāpnoti nirvṛtim // ### [22.7](https://indike.org/pramana/in.bauddha.sanskrit.dharmapada.udanavarga*sa.22.7) bahu śruto api ced bhavati śīleṣu tv asamāhitaḥ / śīlatas tam vigarhanti na asya sampadyate śrutam // ### [22.8](https://indike.org/pramana/in.bauddha.sanskrit.dharmapada.udanavarga*sa.22.8) alpa śruto api ced bhavati śīleṣu susamāhitaḥ / śīlatas tam praśaṃsanti tasya sampadyate śrutam // ### [22.9](https://indike.org/pramana/in.bauddha.sanskrit.dharmapada.udanavarga*sa.22.9) alpa śruto api ced bhavati śīleṣu tv asamāhitaḥ / ubhayatas tam vigarhanti na asya sampadyate vratam // ### [22.10](https://indike.org/pramana/in.bauddha.sanskrit.dharmapada.udanavarga*sa.22.10) bahu śruto api ced bhavati śīleṣu susamāhitaḥ / ubhayatas tam praśaṃsanti tasya sampadyate vratam // ### [22.11](https://indike.org/pramana/in.bauddha.sanskrit.dharmapada.udanavarga*sa.22.11) bahu śrutam dharma dharam prājñam nityam samāhitam / niṣkam jāmbunadasya eva kas tam ninditum arhati // ### [22.12](https://indike.org/pramana/in.bauddha.sanskrit.dharmapada.udanavarga*sa.22.12) ye me rūpeṇa minvanti ye me ghoṣeṇa ca anvagāḥ / chanda rāga vaśa upetā na mām jānanti te janāḥ // ye rūpeṇa pramiṇvanti mām ghoṣeṇa anuyānti ca / chanda rāga vaśa upetā na mām jānanti te janāḥ // ### [22.13](https://indike.org/pramana/in.bauddha.sanskrit.dharmapada.udanavarga*sa.22.13) ādhyātmam ca na jānāti bahirdhā tu vipaśyati / bahirdhā phala darśī tu sa vai ghoṣeṇa nīyate // ### [22.14](https://indike.org/pramana/in.bauddha.sanskrit.dharmapada.udanavarga*sa.22.14) ādhyātmam tu prajānāti bahirdhā ca na paśyati / ādhyātma phala darśī tu sa vai ghoṣeṇa nīyate // ### [22.15](https://indike.org/pramana/in.bauddha.sanskrit.dharmapada.udanavarga*sa.22.15) ādhyātmam ca na jānānti bahirdhā ca na paśyati / ubhaye aphala darśī tu sa vai ghoṣeṇa nīyate // ### [22.16](https://indike.org/pramana/in.bauddha.sanskrit.dharmapada.udanavarga*sa.22.16) ādhyātmam ca prajānāti bahirdhā ca vipaśyati / sa tu nihsaraṇa prajño na vai ghoṣeṇa nīyate // ### [22.17](https://indike.org/pramana/in.bauddha.sanskrit.dharmapada.udanavarga*sa.22.17) bahu śṛṇoti śrotreṇa bahū paśyati cakṣuṣā / na tad dṛṣṭam śrutam dhīraḥ sarvam śraddhātum arhati // śrotreṇa śrūyate bahu dṛśyate bahu cakṣuṣā / na tad dṛṣṭam śrutam dhīraḥ sarvam śraddhātum arhati // ### [22.18](https://indike.org/pramana/in.bauddha.sanskrit.dharmapada.udanavarga*sa.22.18) vijñāna sārāṇi subhāṣitāni jñātam śrutam caiva samādhi sāram / na tasya vijñāna śrutam mahā artham yaḥ sāhaso bhavati naraḥ pramattaḥ // ### [22.19](https://indike.org/pramana/in.bauddha.sanskrit.dharmapada.udanavarga*sa.22.19) dharme tu ye hy ārya nivedite ratās tadā carante vacasā yadā āhuḥ / te kṣānti sauratya samādhi gocarāḥ śrutasya buddher api sāram adhyaguḥ // ## Linked texts (3) - [Ched du brjod pa'i tshoms (Kangyur, Toh 326)](https://indike.org/pramana/in.bauddha.sanskrit.dharmapada.udanavarga*bo.2.16) — Classical Tibetan - [ཆེད་དུ་བརྗོད་པའི་ཚོམས](https://indike.org/pramana/in.bauddha.sanskrit.dharmapada.udanavarga*bo-d4099.39) — Classical Tibetan - [Śarīrārthagāthā](https://indike.org/pramana/in.bauddha.sanskrit.darsana.yogacara.yogacarabhumi.sarirarthagatha.22) — Sanskrit --- Source: [https://indike.org/pramana/in.bauddha.sanskrit.dharmapada.udanavarga*sa.22](https://indike.org/pramana/in.bauddha.sanskrit.dharmapada.udanavarga*sa.22) · Pramāṇa