Pramāṇa · Search · About · API

Udanavarga 25: 25 mitravarga

Sanskrit text (after Bernhard 1965; input M. Tokunaga) 25

Language
Sanskrit

25 mitravarga

25.1

aśrāddhebhiḥ kadaryebhiḥ piṣunair vibhūti nandibhiḥ /
sākhyam kurvīta na prājñaḥ saṃgatiḥ pāpair hi pāpikā //

25.2

śrāddhebhiḥ peśalebhiś ca śīlavadbhir bahu śrutaiḥ /
sākhyam kurvīta saprajñaḥ saṃgatir bhadrair hi bhadrikā //?

25.3

na bhajet pāpakam mitram na bhajet puruṣa adhamam /
bhajeta mitram kalyāṇam bhajed uttama pūruṣam //

25.4

addhā narāḥ sevitavyāḥ śruta āḍhyāḥ sthāna cintakāḥ /
teṣām hi śrutvā tu subhāṣitāni vinā api tebhyo labhate viśeṣam //

25.5

hīyati puruṣo nihīna sevī na tu khalu hāyeta tulya sevī /
śreṣṭham upagato hy upaiti śraiṣṭhyam tasmāt śreṣṭham iha ātmano bhajeta //

25.6

śreyo hi labhate nityam yaḥ śreṣṭhān upasevate /
prajñayā ca uttamatamān śīlena upaśamena ca //

25.7

pūti matsyān kuśa agreṇa yo naro hy upanahyate /
kuśā api pūtikā vānti hy evam pāpa upasevanāḥ //

25.8

tagaram palāśa pattreṇa yo naro hy upanahyati /
pattrāṇy api sugandhīni sad evam saṃgamāt satām //

25.9

akurvann api pāpāni kurvāṇam upasevate /
śaṅkito bhavati pāpasya avarṇaś ca asya vardhate //

25.10

saṃsevamānaḥ pāpo hi saṃspṛṣṭaḥ saṃspṛśet parān /
śaro liptaḥ kalāpasthān aliptān upalimpati /
upalepa bhayād dhīro na eva pāpa sakhā bhavet //

25.11

yādṛśam kurute mitram yādṛśam ca upasevate /
na cirāt tādṛśo bhavati saṃsevā hy asya tādṛśī //

25.12

tasmāt phala puṭasya eva dṛṣṭvā sampākam ātmanaḥ /
asanto na upaseveta santaḥ seveta paṇḍitaḥ //

25.13

yāvaj jīvam pi ced bālaḥ paṇḍitān paryupāsate /
na sa dharmam vijānāti darvī sūpa rasān iva //

25.14

muhūrtam api saprajñaḥ paṇḍitān paryupāsate /
sa vai dharmam vijānāti jihvā sūpa rasān iva //

25.15

yāvaj jīvam pi ced bālaḥ paṇḍitān paryupāsate /
na sa dharmam vijānāti prajñā hy asya na vidyate //

25.16

muhūrtam api saprajñaḥ paṇḍitān paryupāsate /
sa vai dharmam vijānāti prajñā tasya hi vidyate //

25.17

yāvaj jīvam pi cet bālaḥ paṇḍitān paryupāsate /
na sa dharmam vijānāti samyak sambuddha deśitam //

25.18

muhūrtam api saprajñaḥ paṇḍitān paryupāsate /
sa vai dharmam vijānāti samyak sambuddha deśitam //

25.19

ekam artha padam proktam paṇḍitasya artha kārakam /
bālasya tu na kṛtyāya syāt sarvam buddha bhāṣitam //

25.20

bālaḥ pada sahasreṇa padam ekam na budhyate /
padena ekena medhāvī padānām vindate śatam //

25.21

amitraḥ paṇḍitaḥ śreyān na tu bālo anukampakaḥ /
bālo anukampamāno hi narakān upakarṣati //

25.22

yo jānīyād aham bāla;iti bālaḥ sa paṇḍitaḥ /
bālaḥ paṇḍita mānī tu bāla;eva nirucyate //

25.23

yac ca bālaḥ praśaṃseta yac ca nindeta paṇḍitaḥ /
nindā tu paṇḍitāt śreṣṭhā na tu bālāt praśaṃsanā //

25.24

bālam na paśyet śṛṇuyān na ca no tena saṃvaset /
duhkho bālair hi saṃvāso hy amitreṇa eva sarvaśaḥ /
dhīrais tu sukha saṃvāso jñātīnām iva saṃgamaḥ //

25.25

dhīram prājñam niṣeveta śīlavantam bahu śrutam /
dhaureyam java sampannam candram tārā gaṇā;iva //[.dhaireyam.]?

Commentaries (1)

Linked texts (2)