[Pramāṇa](https://indike.org/pramana/) › [Indian literature](https://indike.org/pramana/in) › [Buddhist Literature](https://indike.org/pramana/in.bauddha) › [Buddhist Sanskrit literature](https://indike.org/pramana/in.bauddha.sanskrit) › [Dharmapada anthologies](https://indike.org/pramana/in.bauddha.sanskrit.dharmapada) › [Udānavarga](https://indike.org/pramana/in.bauddha.sanskrit.dharmapada.udanavarga) › [Sanskrit text (after Bernhard 1965; input M. Tokunaga)](https://indike.org/pramana/in.bauddha.sanskrit.dharmapada.udanavarga*sa) › 2 # Udanavarga 2: 2 kāmavarga Sanskrit text (after Bernhard 1965; input M. Tokunaga) 2 - **Language:** Sanskrit ### 2 kāmavarga ### [2.1](https://indike.org/pramana/in.bauddha.sanskrit.dharmapada.udanavarga*sa.2.1) kāma jānāmi te mūlam saṃkalpāt kāma jāyase / na tvām saṃkalpayiṣyāmi tato me na bhaviṣyasi // ### [2.2](https://indike.org/pramana/in.bauddha.sanskrit.dharmapada.udanavarga*sa.2.2) kāmebhyo jāyate śokaḥ kāmebhyo jāyate bhayam / kāmebhyo vipramuktānām na asti śokaḥ kuto bhayam // ### [2.3](https://indike.org/pramana/in.bauddha.sanskrit.dharmapada.udanavarga*sa.2.3) ratibhyo jāyate śoko ratibhyo jāyate bhayam / ratibhhyo vipramuktānām na asti śokaḥ kuto bhayam // ### [2.4](https://indike.org/pramana/in.bauddha.sanskrit.dharmapada.udanavarga*sa.2.4) madhura agrā vipāke tu kaṭukā hy abhinanditāḥ / kāmā dahanti vai bālān ulkā iva amuñcataḥ karam // ### [2.5](https://indike.org/pramana/in.bauddha.sanskrit.dharmapada.udanavarga*sa.2.5) na tad dṛḍham bandhanam āhur āryā yad āyasam dāravam balbajam vā / saṃrakta cittasya hi manda buddheḥ putreṣu dāreṣu ca yā;avekṣā // ### [2.6](https://indike.org/pramana/in.bauddha.sanskrit.dharmapada.udanavarga*sa.2.6) etad dṛḍham bandhanam āhur āryāḥ samantataḥ susthiram duṣpramokṣam / etad api chittvā tu parivrajanti hy anapekṣiṇaḥ kāma sukham prahāya // ### [2.7](https://indike.org/pramana/in.bauddha.sanskrit.dharmapada.udanavarga*sa.2.7) na te kāmā yāni citrāṇi loke saṃkalpa rāgaḥ puruṣasya kāmaḥ / tiṣṭhanti citrāṇi tathā eva loke;atha atra dhīrā vinayanti chandam //\[.cchandam.\] ### [2.8](https://indike.org/pramana/in.bauddha.sanskrit.dharmapada.udanavarga*sa.2.8) na santi nityā manujeṣu kāmāḥ santi tv anityāḥ kāmino yatra baddhāḥ / tāṃs tu prahāya hy apunar bhavāya hy anāgatam mṛtyu dheyam vadāmi // ### [2.9](https://indike.org/pramana/in.bauddha.sanskrit.dharmapada.udanavarga*sa.2.9) chanda jāto hy avasrāvī manasā anāvilo bhavet / kāmeṣu tv apratibaddha citta;ūrdhva sroto nirucyate // ### [2.10](https://indike.org/pramana/in.bauddha.sanskrit.dharmapada.udanavarga*sa.2.10) anupūrveṇa medhāvī stokam stokam kṣaṇe kṣaṇe / karmāro rajatasya eva nirdhamen malam ātmanaḥ // ### [2.11](https://indike.org/pramana/in.bauddha.sanskrit.dharmapada.udanavarga*sa.2.11) ratha kāra;iva carmaṇaḥ parikartann upānaham / yad yaj jahāti kāmānām tat tat sampadyate sukham // ### [2.12](https://indike.org/pramana/in.bauddha.sanskrit.dharmapada.udanavarga*sa.2.12) sarvam cet sukham iccheta sarva kāmān parityajet /\[.kāmām.\] sarva kāma parityāgī hy atyantam sukham edhate // ### [2.13](https://indike.org/pramana/in.bauddha.sanskrit.dharmapada.udanavarga*sa.2.13) yāvat kāmān anusaran na tṛptim manaso adhyagāt / tato nivṛttim pratipaśyamānās te vai tṛptāḥ prajñayā ye sutṛptāḥ // ### [2.14](https://indike.org/pramana/in.bauddha.sanskrit.dharmapada.udanavarga*sa.2.14) śreyasī prajñayā tṛptir na hi kāmair vitṛpyate / prajñayā puruṣam tṛptam tṛṣṇā na kurute vaśam // ### [2.15](https://indike.org/pramana/in.bauddha.sanskrit.dharmapada.udanavarga*sa.2.15) gṛddhā hi kāmeṣu narāḥ pramattā hy adharme bata te ratāḥ / antarāyam na te paśyanty alpake jīvite sati / ### [2.16](https://indike.org/pramana/in.bauddha.sanskrit.dharmapada.udanavarga*sa.2.16) durmedhasam hanti bhogo na tv iha ātma gaveṣiṇam / durmedhā bhoga tṛṣṇābhir hanty ātmānam atho parān // ### [2.17](https://indike.org/pramana/in.bauddha.sanskrit.dharmapada.udanavarga*sa.2.17) na karṣāpaṇa varṣeṇa tṛptiḥ kāmair hi vidyate / alpa āsvāda sukhāḥ kāmā;iti vijñāya paṇḍitaḥ // ### [2.18](https://indike.org/pramana/in.bauddha.sanskrit.dharmapada.udanavarga*sa.2.18) api divyeṣu kāmeṣu sa ratim na adhigacchati / tṛṣṇā kṣaya rato bhavati buddhānām śrāvakaḥ sadā // ### [2.19](https://indike.org/pramana/in.bauddha.sanskrit.dharmapada.udanavarga*sa.2.19) parvato api suvarṇasya samo himavatā bhavet / vittam tam nālam ekasya etaj jñātvā samam caret //\[.vittam tam na alam ekasya.\] ### [2.20](https://indike.org/pramana/in.bauddha.sanskrit.dharmapada.udanavarga*sa.2.20) duhkham hi yo veda yato nidānam kāmeṣu jantu sa katham rameta / upadhim hi loke śalyam iti matvā tasya eva dhīro vinayāya śikṣet // ## Other recensions (1) - [Ched du brjod pa'i tshoms (Kangyur, Toh 326)](https://indike.org/pramana/in.bauddha.sanskrit.dharmapada.udanavarga*bo.2.1) — Classical Tibetan ## Linked texts (1) - [Mahāvastu](https://indike.org/pramana/in.bauddha.sanskrit.avadana.mahavastu.1.5714) — Sanskrit --- Source: [https://indike.org/pramana/in.bauddha.sanskrit.dharmapada.udanavarga*sa.2](https://indike.org/pramana/in.bauddha.sanskrit.dharmapada.udanavarga*sa.2) · Pramāṇa