Udanavarga 6: 6 śīlavarga

Sanskrit text (after Bernhard 1965; input M. Tokunaga) 6

śīlam rakṣeta medhāvī prārthayan vai sukha trayam /[.prārthayaṃ.]
praśaṃsā vitta lābham ca pretya svarge ca modanam //

sthānāny etāni sampaśyan śīlam rakṣeta paṇḍitaḥ /
āryo darśana sampannaḥ sa loke labhate śivam //

sukham śīla samādānam kāyo na paridahyate /
sukham ca rātrau svapati pratibhuddhaś ca nandati //

śīlam yāvaj jarā sādhu śraddhā sādhu pratiṣṭhitā /
prajñā narāṇām ratnam vai puṇyam coraiḥ sudurharam //

kṛtvā puṇyāni saprajño dattvā dānāni śīlavān /[.datvā.]
iha ca atha paratra asau sukham samadhigacchati //

śīle pratiṣṭhito bhikṣur indriyaiś ca susaṃvṛtaḥ /
bhojane ca api mātrajño yukto jāgarikāsu ca //

viharann evam ātāpī hy aho rātram atandritaḥ /
abhavyaḥ parihāṇāya nirvāṇasya eva so antike //

śīle pratiṣṭhito bhikṣuś cittam prajñām ca bhāvayet /
ātāpī nipako nityam prāpnuyād duhkha saṃkṣayam //

tasmāt satata śīlī syāt samādher anurakṣakaḥ /
vipaśyanāyām śikṣec ca samprajāna pratismṛtaḥ //

sa tu vikṣīṇa samyogaḥ kṣīṇa māno niraupadhiḥ /
kāyasya bhedat saprajñaḥ saṃkhyān na upaiti nirvṛtaḥ //

śīlam samādhiḥ prajñā ca yasya hy ete subhāvitāḥ /

so atyanta niṣṭho vimalas tv aśokaḥ kṣīṇa sambhavaḥ //

saṅgāt pramukto hy asita;ājñātāvī niraupadhiḥ /
atikramya māra viṣayam ādityo vā virocate //

uddhatasya pramattasya bhikṣuṇo bahir ātmanaḥ /
śīlam samādhiḥ prajñā ca pāripūrim na gacchati //

channam eva abhivarṣati vivṛtam na abhivarṣati /
tasmādd hi channam vivared evam tam na abhivarṣati //[.cchannam.]

etadd hi dṛṣṭvā śikṣeta sadā śīleṣu paṇḍitaḥ /
nirvāṇa gamanam mārgam kṣipram eva viśodhayet //

na puṣpa gandhaḥ prativātam eti na vāhnijāt tagarāc candanād vā /
satām tu gandhaḥ prativātam eti sarvā diśaḥ sat puruṣaḥ pravāti //

tagarāc candanāc ca api vārṣikāyās tathā utpalāt /
etebhyo gandha jātebhyaḥ śīla gandhas tv anuttaraḥ //

alpa mātro hy ayam gandho yo ayam tagara candanāt /
yas tu śīlavatām gandho vāti deveṣv api iha saḥ /

teṣām viśuddha śīlānām apramāda vihāriṇām /
samyag ājñā vimuktānām māro mārgam na vindati //

eṣa kṣema gamo mārga;eṣa mārgo viśuddhaye /
pratipannakāḥ prahāsyanti dhyāyino māra bandhanam //